​ផ្លែស្វាយ ត្រឹម​តែមាន​រសជាតិ​ឈ្ងុយឆ្ងាញ់​ប៉ុណ្ណោះ​ទេ តែ​ថែមទាំង​មាន​ទម្រង់​អាហារូបត្ថម្ភ​គួរឱ្យ​ចាប់អារម្មណ៍​ផងដែរ​។​

​តាមពិត​ការសិក្សា បាន​ផ្សារភ្ជាប់​ផ្លែស្វាយ និង​សារធាតុចិញ្ចឹម​របស់​វា​ទៅនឹង​គុណប្រយោជន៍​សុខភាព​ដូចជា ភាពប្រសើរឡើង​នៃ​ប្រព័ន្ធ​ភាពស៊ាំ សុខភាព​រំលាយ​អាហារ និង​ភ្នែក ក៏ដូចជា​ការថយចុះ​ហានិភ័យ​នៃ​ជំងឺមហារីក​មួយចំនួន​។​

​នេះ​ជា​ទិដ្ឋភាព​ទូទៅ​នៃ​ផ្លែស្វាយ​សារធាតុចិញ្ចឹម​អត្ថប្រយោជន៍ និង​គន្លឹះ​ខ្លះៗ ៖

.​ខ្ចប់​មកជា​មួយ​នូវ​សារធាតុចិញ្ចឹម
​ស្វាយ មាន​កាឡូរី​ទាប​តែមាន​សារធាតុចិញ្ចឹម​ខ្ពស់ ជាពិសេស​វីតាមីន​សេ​ដែល​ជួយ​ការពារ​ភាពស៊ាំ​ការ​ស្រូបយក​ជាតិ​ដែក និង​ការលូតលាស់ និង​ជួសជុល​។

.​មាន​សារធាតុ​ប្រឆាំង​អុកស៊ីតកម្ម​ខ្ពស់
​ស្វាយ មាន Polyphenols ជាង​បួន​ប្រភេទ​ផ្សេងៗ​គ្នា រួមទាំង mangiferin​ដែលមាន​ឥទ្ធិពល​ជាពិសេស​។ Polyphenols មានមុខ​ងារ ដូចជា​សារធាតុ​ប្រឆាំង​អុកស៊ីតកម្ម​នៅ​ខាងក្នុង​ខ្លួន​អ្នក​។

​.បង្កើន​ភាពស៊ាំ
​ស្វាយ​គឺជា​ប្រភព​ដ៏​ល្អ​នៃ​អាស៊ីដ folate វីតាមីន B ជាច្រើន​ក៏ដូចជា​វីតាមីន A, C, K និង E ដែល​សារធាតុ​ទាំងអស់នេះ​ជួយ​បង្កើន​ភាពស៊ាំ​។

.​ទ្រទ្រង់​សុខភាព​បេះដូង
​ស្វាយ​មាន​ផ្ទុក​ម៉ាញ៉េ​ស្យូ​ម ប៉ូ​តា​ស្យូ​ម និង​ម៉​ង់​ហ្គា​ណែ​ស​ប្រឆាំង​អុកស៊ីតកម្ម ដែល​ទាំងអស់នេះ គាំទ្រ​ដល់​មុខងារ​បេះដូង ដែលមាន​សុខភាព​ល្អ​។

.​អាចធ្វើអោយ​ប្រសើរឡើង​នូវ​សុខភាព​រំលាយ​អាហារ
​ស្វាយ មាន​អង់ស៊ីម​រំលាយ​អាហារ ទឹក ចំណីអាហារ​មាន​ជាតិ​សរសៃ និង​សមាសធាតុ​ផ្សេងៗ​ទៀត ដែល​ជួយ​ដល់​ទិដ្ឋភាព​ផ្សេងៗ​នៃ​សុខភាព​រំលាយ​អាហារ​។​

.​ទ្រ​ង​ទ្រង់​សុខភាព​ភ្នែក​
​ស្វាយ​មាន​ផ្ទុក​សារជាតិ lutein, zeaxanthin និង​វីតាមីន A ដែល​ជួយ​ដល់​សុខភាព​ភ្នែក​។ Lutein និង zeaxanthin អាច​ការពារ​ពី​ព្រះអាទិត្យ​បាន​ខណៈពេលដែល​កង្វះ​វីតាមីន A អាចបង្កើត​បញ្ហា​ភ្នែក​។

.​អាចធ្វើអោយ​ប្រសើរឡើង​នូវ​សុខភាព​សក់​និង​ស្បែក
​ស្វាយ​មាន​ផ្ទុក​នូវ​វីតាមីន C ដែល​ជួយ​ឱ្យ​ស្បែក​របស់​អ្នកមាន​ភាពបត់បែន និង​ការពារ​កុំ​អោយមាន​ស្នាម​រលាក និង​ស្នាម​ជ្រួញ​។ វា​ក៏​ផ្តល់នូវ​វីតាមីន A ដែល​ជួយ​លើកកម្ពស់​សក់​ឱ្យមាន​សុខភាព​ល្អ​។

.​អាចជួយ​បន្ថយ​ហានិភ័យ​នៃ​ជំងឺមហារីក​មួយចំនួន
Polyphenols របស់​ស្វាយ អាច​ប្រឆាំងនឹង​ស្ត្រេ​ស​អុកស៊ីតកម្ម ដែល​ត្រូវបាន​ផ្សារភ្ជាប់​ទៅនឹង​ជំងឺមហារីក​ពោះវៀនធំ សួត ក្រពេញ​ប្រូ​ស្តា​ត មហារីក​សុដន់ និង​ឆ្អឹង​។

.​ឆ្ងាញ់​និង​ងាយ​បន្ថែម​ក្នុង​របប​អាហារ​របស់​អ្នក
​ស្វាយ​មាន​រសជាតិ​ឆ្ងាញ់ ហើយ​អាច​ទទួលទាន​បាន​តាម​វិធី​ជាច្រើន​។ ទោះយ៉ាងណា​ក៏ដោយ​វា​មាន​ជាតិ​ស្ករ​ច្រើនជាង​ផ្លែឈើ​ដទៃទៀត​។ សូម​ទទួលទាន​ផ្លែស្វាយ​ក្នុង​កម្រិត​មធ្យម​ដោយ​កំណ​ត់វា​ឱ្យ​តិចជាង ២ ពែង (៣៣០ ក្រាម​) ក្នុង​មួយថ្ងៃ​៕