ការសិក្សាថ្មីមួយបានបង្ហាញថា ភស្តុតាងសេនេទិចបានរកឃើញថា ក្បាល និងខ្លួនរបស់សត្វចៃគឺមានប្រភេទដូចគ្នា។
អ្នកស្រាវជ្រាវបានពន្យល់ថា ការរកឃើញនេះមានសារសំខាន់ដោយសារតែខ្លួនរបស់សត្វចៃចម្លងជំងឺបាក់តេរីយ៉ាងមានប្រសិទ្ធភាព ស្របពេលដែលក្បាលរបស់សត្វចៃមិនអាចចម្លងបាន។
ការស្រាវជ្រាវបានប្រៀបធៀបចំនួន និងលំដាប់លំដោយនៃគ្រប់កូដនៃហ្សែនទាំងអស់បានបង្ហាញនៅលើវដ្តជីវិតនីមួយៗនៃក្បាល និងខ្លួនរបស់សត្វចៃ ហើយបានរកឃើញថា សរីរាង្គទាំងពីរនេះគឺពិតជាស្រដៀងគ្នា។
សហកានិពន្ធ Brett Olds នៅសាកលវិទ្យាល័យ Illinois បាននិយាយថា នៅពេលដែលខ្លួនរបស់វាចម្លងជំងឺ ហើយក្បាលរបស់វាមិនចម្លងទេនោះ, ប្រព័ន្ធរបស់វាផ្តល់អោយមានឪកាសមួយដើម្បីយល់ពីការប្រែប្រួលដែលអនុញ្ញាតអោយខ្លួនរបស់សត្វចៃចម្លងជំងឺទៅមនុស្ស។
ការសិក្សាត្រូវបានចេញផ្សាយនៅក្នុងសារព័ត៌មាន Insect Molecular Biology ។
គុណភាពនៃថ្នាំ Metformin, អាំងស៊ុយលីន Combo សម្រាប់ជំងឺទឹកនោមផ្អែមប្រភេទទី២គឺនៅតែត្រូវបានគេចោទសួរ
អ្នកវិភាគជនជាតិដាណឺម៉ាកបាននិយាយថា អត្ថប្រយោជន៍រយៈពេលយូរសម្រាប់អ្នកជំងឺទឹកនោមផ្អែមគឺមិនទាន់ច្បាស់នៅឡើយ។
វាមិនទាន់ច្បាស់នៅឡើយទេថាតើអ្នកជំងឺដែលមានជំងឺទឹកនោមផ្អែមប្រភេទទី២ទទួលបានអត្ថប្រយោជន៍រយៈពេលយូរក្រោយពីការព្យាបាលដោយថ្នាំបញ្ចុះជាតិស្ករ metformin និង អាំងស៊ុយលីន រួមគ្នា ជាជាងប្រើថ្នាំអាំងស៊ុយលីនតែមួយមុខឬយ៉ាងណា។
នេះគឺជាការសរុបសេចក្តីមួយនៃអ្នកស្រាវជ្រាវជនជាតិដាណឺម៉ាកដែលបានមើលទៅលើទិន្នន័យពីការវិនិច្ឆ័យគ្លីនីក២៣ ដែលទាក់ទងទៅនឹងអ្នកជំងឺប្រហែលជា ២.២០០នាក់ដែលមានអាយុលើសពី១៨ឆ្នាំ។
ពួកគេបានរកឃើញថា ការប្រើប្រាស់ថ្នាំ metformin គួបផ្សំជាមួយនឹងថ្នាំអាំងស៊ុយលីន នាំអោយរក្សាជាតិស្ករនៅក្នុងឈាមបានប្រសើរឡើង, មិនសូវជាឡើងទម្ងន់ និងតម្រូវការនៃអាំងស៊ុយលីនក៏តិច។
ទោះជាយ៉ាងណាក៏ដោយ, អ្នកស្រាវជ្រាវក៏បានសម្គាល់ឃើញផងដែរថា វិនិច្ឆ័យគ្លីនីកបានផ្តល់ព័ត៌មានតិចតួចអំពីលទ្ធផលរយៈពេលយូររបស់អ្នកជំងឺ ដូចជា ចំនួនសរុបនៃការស្លាប់ និងការស្លាប់ដោយសារជំងឺសរសៃឈាម និងបេះដូងជាដើម។
នេះមានន័យថា រោគវិនិច្ឆ័យគ្លីនីកបន្ថែមត្រូវការជាចាំបាច់ដើម្បីកំណត់អំពីអត្ថប្រយោជន៍រយៈពេលយូរ និងផលប៉ះពាល់នៃការបូកបញ្ចូលគ្នា, ជាពិសេសហានិភ័យនៃការស្លាប់មុនពេល។
អ្នកស្រាវជ្រាវ, ដែលបានដឹកនាំដោយ Bianca Hemmingsen, នៃមជ្ឈមណ្ឌលការស្រាវជ្រាវគ្លីនីកនៅក្នុងទីក្រុង កូប៉េនហាក់ ក៏បានជឿផងដែរថា ការបូកបញ្ចូលគ្នានៃថ្នាំ metformin និងថ្នាំអាំងស៊ុយលីន បង្កើនឪកាសសម្រាប់ការថយចុះជាតិស្ករធ្ងន់ធ្ងរ ។ដូចនេះការសិក្សាទៅថ្ងៃក្រោយគឺចាំបាច់ដើម្បីប៉ាន់ស្មានពីអត្ថប្រយោជន៍រយៈពេលយូរ និងការប៉ះពាល់នៃថ្នាំព្យាបាលនេះ។