មានការគាំទ្រដែលបានផ្សារភ្ជាប់គ្នារវាងភាពឡើងចុះនៃអរម៉ូនស្ត្រី និងការឈឺក្បាល។ ការស្រាវជ្រាវបានបង្ហាញថា ការប្រែប្រួលអរម៉ូនគឺជាហេតុផលចម្បងដែលស្ត្រីហាក់ដូចជាមានការឈឺក្បាលប្រកាំងច្រើនជាងបុរស។
ទិន្នន័យនៃ National Headache Foundation បានចង្អុលបង្ហាញថា ជនជាតិអាមេរិកប្រហែល ៣០លាននាក់ បានទទួលរងនៃការឈឺក្បាលប្រកាំងនេះ ហើយស្ត្រីច្រើនជាងបុរសដែលមានការឈឺក្បាលប្រកាំងនេះ ៣ដង។
វេជ្ជបណ្ឌិត ម៉ៃឃើល ម៉ូកូវីត (Michael Moskowitz), ជាសាស្ត្រាចារ្យខាងរោគសរសៃវិញាណនៅឯសាលាវេជ្ជសាស្ត្រ ហាវាដនៅក្នុងទីក្រុងប៊ុស្តុនបាននិយាយថា ការបម្រែបម្រួលអរម៉ូនគឺជាកត្តាដ៏ធំទៅនឹងអត្រាដែលធ្វើអោយអត្រានៃការកើតមានលើស្ត្រីកើនឡើង។
ស្ត្រីដែលមានការឈឺក្បាលប្រកាំង អាចរកឃើញថា ពួកគេជារឿយៗកើតមានការឈឺក្បាលនេះមុន ឬក្រោយពេលមានរដូវ។ គំរូនៃស្ត្រីដែលមានជំងឺឈឺក្បាលប្រកាំងនេះអាចប្រែប្រួលអំឡុងពេលមានផ្ទៃពោះ ឬក្រោយអស់រដូវ។
កត្តាជាច្រើនដទៃទៀតអាចបង្កើនហានិភ័យនៃការមានការឈឺក្បាលប្រកាំងនេះចំពោះទាំងបុរស និងស្ត្រី៖
– កត្តាពូជ៖ មនុស្សដែលមានប្រវត្តិគ្រួសារនៃការឈឺក្បាលនេះ ហើយជាពិសេសអ្នកដែលមានសាច់ញាតិដែលមានជំងឺឈឺក្បាលប្រកាំងនេះ គឺមានហានិភ័យនៃការកើនឡើងខ្ពស់។
– អាយុ៖ អ្នកដែលធ្លាប់មានជំងឺឈឺក្បាលប្រកាំងនៅចន្លោះអាយុ ១៥ឆ្នាំ និង ៥៥ឆ្នាំ, ហើយការប៉ះពាល់ដំបូងជាធម្មតាគឺមុនអាយុ ៤០ឆ្នាំ។
– លក្ខខ័ណ្ឌជំងឺ៖ បញ្ហាសុខភាពមួយចំនួន ដូចជាជំងឺលើសឈាម, ការថប់បារម្ភ, ការធ្លាក់ទឹកចិត្ត, ជំងឺដាច់សរសៃឈាមខួរក្បាល និងជំងឺឆ្កួតជ្រូក, ត្រូវបានផ្សារភ្ជាប់ទៅនឹងជំងឺឈឺក្បាលប្រកាំងនេះផងដែរ។
វេជ្ជបណ្ឌិត ម៉ូកូវីត បាននិយាយថា ទោះបីជាមិនមានការព្យាបាលក៏ដោយ, ជំងឺឈឺក្បាលប្រកាំងក៏អាចត្រូវបានជួយយ៉ាងមានប្រសិទ្ធភាពពីគ្រូពេទ្យផងដែរ។ ថ្នាំជាច្រើនអាចមានប្រសិទ្ធភាពដើម្បីការពារ និងបន្ថយការឈឺច្បាប់ ហើយការប្រែប្រួលរបៀបរស់នៅអាចបន្ថយកត្តាមួយចំនួនដែលបណ្តាលអោយឈឺក្បាលប្រកាំងនេះផងដែរ។