ការស្រាវជ្រាវថ្មីបានបង្ហាញថា ការបារម្ភអាចវិវត្តជាមួយនឹងភាពវ័យឆ្លាតដោយធ្វើអោយមនុស្សមានការប្រយ័ត្ននិងរស់រានជីវិត។
សម្រាប់ការសិក្សា, អ្នកស្រាវជ្រាវបានមើលទៅលើមនុស្ស ២៦នាក់ ដែលមានជំងឺថប់បារម្ភទូទៅ និងបានប្រៀបធៀបពួកគេទៅនឹងក្រុមអ្នកស្ម័គ្រចិត្ត ១៨នាក់ ដែលមិនមានជំងឺ។ អ្នកស្រាវជ្រាវបានរកឃើញថា ការបារម្ភ និងប្រាជ្ញាខ្ពស់ត្រូវបានផ្សារភ្ជាប់ជាមួយនឹងសកម្មភាពរបស់ខួរក្បាលដែលត្រូវបានវាស់ដោយការពង្រឹងនៃកូលីន (choline) នៅផ្នែកសនៃខួរក្បាល។
វេជ្ជបណ្ឌិត ជេរឺម៊ី កូផ្លេន (Jeremy Coplan) ជាសាស្ត្រាចារ្យខាងផ្នែកចិត្តសាស្ត្រនៅឯសាកលវិទ្យាល័យវេជ្ជសាស្ត្រ New York Downstate នៅក្នុងទីក្រុងញូវយ៉កបាននិយាយថា ការរកឃើញនេះបង្ហាញថា ការព្រួយបារម្ភអាចមានការវិវត្តជាមួយនឹងប្រាជ្ញា។
កូផ្លេនបាននិយាយថា នៅពេលដែលការបារម្ភកើនឡើងត្រូវបានឃើញជាទូទៅដូចទៅនឹងលក្ខណៈអវិជ្ជមាន និងប្រាជ្ញាខ្ពស់ដូចទៅនឹងលក្ខណៈវិជ្ជមាន, ការបារម្ភអាចបណ្តាលអោយមានប្រយោជន៍ដើម្បីជៀសវាងស្ថានភាពគ្រោះថ្នាក់។ គាត់បានបន្ថែមថា នៅក្នុងស្ថានភាពនេះ, ការបារម្ភអាចធ្វើអោយមិនប្រថុយ ហើយមនុស្សទាំងនោះអាចមានអត្រានៃការរស់ខ្ពស់។ ដូចនេះ, ដូចជាប្រាជ្ញា, ការបារម្ភអាចជាអត្ថប្រយោជន៍សម្រាប់មនុស្សប្រភេទនេះ។
ការសិក្សាត្រូវបានចេញផ្សាយនៅក្នុង Frontiers in Evolutionary Neuroscience។