Join with Health.com.kh on Telegram

ភាគច្រើននៃពួកយើងប្រហែលជាមិនធ្លាប់ដឹងទេថា ការទទួលទានអាហារអាចជះឥទ្ធិពលដល់សុខភាពធ្មេញ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ដូច្នេះហើយទើបអ្នកអាចរក្សាសុខភាពធ្មេញល្អរឹងមាំបានតាមរយៈការជ្រើសរើសអាហារត្រឹមត្រូវដើម្បីទទួលទាន។ ប៉ុន្តែថាតើអាហារអ្វីខ្លះទៅដែលល្អសម្រាប់ធ្មេញ? ខាងក្រោមវេបសាយសុខភាព Health.com.kh នឹងបង្ហាញអោយដឹងពីអាហារដែលជួយរក្សាសុខភាពអញ្ចាញ និងធ្មេញ ក៏ដូចជាទប់ស្កាត់ជំងឺអញ្ចាញ រួមទាំងជំងឺពុកធ្មេញផងដែរ ៖

១. អាហារសម្បូរកាល់ស្យូមនិងវីតាមីន D

សារធាតុចិញ្ចឹមទាំងនេះ គឺចាំបាច់ណាស់សម្រាប់រក្សាភាពរឹងមាំនៃធ្មេញ។ កាល់ស្យូមជាធម្មតាជួយពង្រឹងសុខភាពឆ្អឹងនិងធ្មេញ ខណៈដែលវីតាមីន D ជួយរាងកាយក្នុងការស្រូបយកជាតិកាល់ស្យូម។ អាហារសម្បូរសារធាតុចិញ្ចឹមទាំងនេះរួមបញ្ចូលទាំងទឹកដោះគោមានជាតិខ្លាញ់ទាប, យ៉ាអួរគ្មានជាតិស្ករនិងរសជាតិបន្ថែម, ទឹកក្រូចស្រស់, ឈីស, ត្រីសាឌីន, សណ្ដែកសៀង, ទឹកដោះគោអាល់ម៉ុន និងបន្លែស្លឹកបៃតងចាស់។

២. អាហារសម្បូរវីតាមីន C

បឺរី, ក្រូច, ប៉េងប៉ោះ និងប្រូខូលី គឺសុទ្ធតែល្អសម្រាប់ធ្មេញរបស់អ្នក ខណៈដែលអាហារទាំងនេះសម្បូរទៅដោយវីតាមីន C ដែលជួយកាត់បន្ថយការរលាក។ បន្ថែមពីនេះវាក៏ជួយការពារអញ្ចាញបានយ៉ាងប្រសើរផងដែរ។ ទោះជាយ៉ាងណាត្រូវប្រយ័ត្ន ខណៈដែលវីតាមីន C ច្រើនពេកអាចជះផលប៉ះពាល់ដល់កាចាធ្មេញ ដូច្នេះចូររក្សាការទទួលទានក្នុងកម្រិតមធ្យម។

៣. តែបៃតង

សារធាតុ catechin ក្នុងតែបៃតងកម្ចាត់រាល់បាក់តេរីដែលបង្កបញ្ហាពុកធ្មេញ។ តែបៃតងក៏ធ្វើឱ្យខ្យល់ដង្ហើមប្រែជាស្រស់ថ្លាផងដែរ។

៤. អាហារស្រួយនិងឆៅ (មិនមែនស្ករគ្រាប់ឡើយ)

អាហារប្រភេទស្រួយៗនិងឆៅដែលល្អសម្រាប់ពង្រឹងសុខភាពធ្មេញរួមមានប្រភេទដូចជាការ៉ុត និងផ្លែប៉ោមជាដើម។ អាហារប្រភេទនេះបង្កើនការផលិតទឹកមាត់ដែលជួយកម្ចាត់រាល់កំទេចកំទីអាហារជាប់ធ្មេញនិងកម្ចាត់រាល់បាក់តេរីដែលអាចបង្កបញ្ហាពុកធ្មេញ។

៥. គ្រាប់ធញ្ញជាតិនិងគ្រាប់ពូជ

ជាប្រភពដ៏ល្អបំផុតមួយនៃសារធាតុចិញ្ចឹម វីតាមីន និងជាតិរ៉ែដែលចាំបាច់សម្រាប់សុខភាពមាត់ធ្មេញ។ ទោះជាយ៉ាងណាមិនត្រូវទទួលទានច្រើនជាងមួយក្ដាប់ដៃពេញក្នុងមួយថ្ងៃឡើយ។

សម្គាល់! ដើម្បីរក្សាបាននូវសុខភាពមាត់ធ្មេញរឹងមាំប្រសើរ មិនត្រឹមតែអាហារប៉ុណ្ណោះទេដែលអ្នកចាំបាច់ត្រូវយកចិត្តទុកដាក់ ប៉ុន្តែការអនុវត្តអនាម័យមាត់ធ្មេញក៏សំខាន់ណាស់ដែរ។ អ្នកចាំបាច់ត្រូវដុសសម្អាតធ្មេញឱ្យបានត្រឹមត្រូវនិងទៀតទាត់ ហើយដើម្បីជាការប្រសើរអ្នកគួរដុសសម្អាតធ្មេញឱ្យបាន ២នាទី។ កុំភ្លេចប្រើប្រាស់ខ្សែរ៉ូតសម្អាតតាមចន្លោះធ្មេញផង៕