ស្មានមិនដល់សោះថា ផ្លែននោង អាចអត្ថប្រយោជន៍អស្ចារ្យមិនគួរឲ្យជឿយ៉ាងនេះចំពោះសុខភាព

ននោង គឺជាបន្លែបៃតងដែលល្អបំផុតមួយសម្រាប់សុខភាពរាងកាយ និងសម្រស់។ ពិតណាស់ ភាគច្រើននៃពួកយើងសុទ្ធតែបានដឹងហើយថា ននោង អាចយកទៅច្នៃធ្វើជាអាហារមានរសជាតិឆ្ញាញ់បានជាច្រើនមុខ។ (អាន ៖ ចេះតែអស់កម្លាំង ឈឺសាច់ដុំ ដេកមិនលក់ អារម្មណ៍ភិតភ័យអាចដោះស្រាយបាន)ទោះបីជាឧស្សាហ៍ទទួលទានទានបន្លែមួយប្រភេទនេះ ប៉ុន្តែអ្នកប្រហែលជាមិនបានចាប់អារម្មណ៍ដឹងថា វាមានផ្ទុកសារធាតុចិញ្ចឹមសំខាន់ៗដែលរាងកាយត្រូវការចាំបាច់ដើម្បីរក្សាបាននូវសុខភាពល្អរឹងមាំ ជៀសឆ្ងាយពីជំងឺផ្សេងៗ។ ដូច្នេះថ្ងៃនេះវេបសាយ Health.com.kh នឹងបង្ហាញឲ្យដឹងពីអត្ថប្រយោជន៍ដ៏មិនគួរឲ្យជឿនៃការទទួលទានផ្លែននោងចំពោះសុខភាពរាងកាយ ក៏ដូចជាសម្រស់ ៖

១. ទប់ស្កាត់ជំងឺមហារីក

ផ្លែននោង គឺមានផ្ទុកសម្បូរទៅដោយវីតាមីន C ដែលជាសារធាតុប្រឆាំងអុកស៊ីតកម្មដ៏មានឥទ្ធិពលបំផុតមួយ។ សារធាតុប្រឆាំងអុកស៊ីតកម្មនេះជួយរាងកាយឲ្យកាន់តែរឹងមាំក្នុងការប្រយុទ្ធប្រឆាំងជាមួយផលប៉ះពាល់ផ្សេងៗនៃរ៉ាឌីកាល់សេរី ហើយទប់ស្កាត់ការលូតលាស់នៃកោសិកាមហារីក។

២. ទប់ស្កាត់ជំងឺទឹកនោមផ្អែម

អត្ថប្រយោជន៍សុខភាពមួយទៀតនៃផ្លែននោង គឺទប់ស្កាត់ជំងឺទឹកនោមផ្អែម។ ជាតិម៉ង់កាណែស គឺចាំបាច់ក្នុងការផលិតអង់ស៊ីមរំលាយអាហារដែលមានប្រយោជន៍ណាស់សម្រាប់ដំណើរការនៃការបង្កើត
គ្លុយកូស gluconeogenesis។ ម៉ង់កាណែសអាចជួយក្នុងការបង្កើនការបញ្ចេញអាំងស៊ុយលីនត្រឹមត្រូវ និងធ្វើឲ្យមុខងារ mitochondrial មានលក្ខណៈកាន់តែប្រសើរឡើង។

៣. សុខភាពភ្នែក

ផ្លែននោង ក៏ជាប្រភពដ៏ប្រសើរនៃវីតាមីន A ដែលល្អចាំបាច់បំផុតសម្រាប់ភ្នែក ដើម្បីអាចរក្សាបាននូវសុខភាពល្អមើលឃើញច្បាស់។ លើសពីនេះទៅទៀត ផ្លែននោង ក៏ជួយកាត់បន្ថយហានិភ័យនៃជំងឺភ្នែកខ្សោយដែលទាក់ទងទៅនឹងអាយុ (macular degeneratio) ផងដែរតាមរយៈវីតាមីន A, វីតាមីន C, ស័ង្កសី និងជាតិទង់ដែងដែលវាមានផ្ទុក។

៤. សុខភាពស្បែក

ននោង មានផ្ទុកនូវវីតាមីន C ដែលជួយកាត់បន្ថយស្នាមជ្រីវជ្រួញ, ស្បែកស្ងួត និងទប់ស្កាត់ភាពចាស់មុនអាយុនៃស្បែក។ វីតាមីន C ដើរតួនាទីយ៉ាងសំខាន់ក្នុងការផលិតប្រូតេអ៊ីនដើម្បីបង្កើតសាច់ដុំ, សសៃឈាម,​ ស្បែក និងសសៃរយាង។ អត្ថប្រយោជន៍ផ្សេងទៀតនៃននោង គឺជួយព្យាបាលរបួសឲ្យឆាប់ជា។

៥. ព្យាបាលជំងឺខ្វះគ្រាប់ឈាមក្រហម

ផ្លែននោង គឺជាប្រភពដ៏អស្ចារ្យនៃវីតាមីន B6 ដែលហៅថា pyridoxine។ វីតាមីន B6 មានតួនាទីចាំបាច់ក្នុងការបង្កើតអេម៉ូក្លូប៊ីនក្នុងឈាមដែលជួយក្នុងការប្រមូលផ្ដុំជាតិដែក ហើយដឹកនាំអុកស៊ីសែនទៅគ្រប់កោសិកានៃរាងកាយ។ លើសពីនេះទៅទៀត ននោង ក៏មានផ្ទុកនូវជាតិស័ង្កសីដែលជួយក្នុងការរក្សាដំណើរការឈាម។

៦. ជួយឱ្យស្រកទម្ងន់

ននោង គឺជាប្រភពដ៏ប្រសើរនៃជាតិសសៃ, វីតាមីន, ជាតិរ៉ែ ប៉ុន្តែមានផ្ទុកជាតិខ្លាញ់ និងកាឡូរីទាប​។ ដូច្នេះហើយទើបធ្វើឲ្យវាក្លាយជាបន្លែមួយដែលល្អបំផុតក្នុងការសម្រកទម្ងន់៕