បើតាមមជ្ឈមណ្ឌលគ្រប់គ្រង និងបង្ការជំងឺអាមេរិក ឲដឹងថាគិតត្រឹមព្រឹកថ្ងៃសៅរ៍ វ៉ាក់សាំងកូវីដ-១៩ចំនួន៧២.៨០៦.១៨០ដូស ត្រូវបានចាក់រួចហើយនៅសហរដ្ឋអាមេរិក ហើយអាជ្ញាធរក៏បានចែកចាយវ៉ាក់សាំងជាង៩៦លានដូសហើយដែរ ដែលជាវ៉ាក់សាំងតម្រូវឲចាក់២ដូស របស់ក្រុមហ៊ុន Moderna និង Pfizer/BionTech។
គួរបញ្ជាក់ដែរថា កាលពីថ្ងៃសុក្រ អាមេរិកក៏បានអនុម័តវ៉ាក់សាំងកូវីដ-១៩ របស់ក្រុមហ៊ុន Johnson & Johnson (J&J ) ដែលតម្រូវឲចាក់តែមួយដូសប៉ុណ្ណោះ គឺសំរាប់ការប្រើក្នុងគ្រាអាសន្ន៕