Join with Health.com.kh on Telegram

​នៅ​ថ្ងៃអាទិត្យ ទី​២៨ កុម្ភៈ នេះ ថៃ​បានចាប់ផ្តើម​កម្មវិធី​ចាក់​វ៉ាក់សាំង​កូ​វីដ-​១៩ របស់​ក្រុមហ៊ុន Sinovac របស់​ចិន ដោយ​នាយករដ្ឋមន្ត្រី​ថៃ ប្រា​យុទ្ធ ចាន់​អូ​ចា បាន​ធ្វើជា​អធិបតី​នៃ​កម្មវិធី​នេះ ជាមួយ​ក្រុម​បុគ្គលិក​វេជ្ជសាស្ត្រ​។ នាយករដ្ឋមន្ត្រី​ថៃ មិនបាន​ចាក់​វ៉ាក់សាំង​នេះ​ទេ ដោយសារ​លក្ខខណ្ឌ​អាយុ​។

​ដោយឡែក រដ្ឋមន្ត្រី​សុខាភិបាល​ថៃ បានបញ្ជាក់​កាលពី​សប្តាហ៍​មុន​ហើយ​ថា លោក​ប្រា​យុទ្ធ​នឹង​ចាក់​វ៉ាក់សាំង AstraZeneca របស់​អង់គ្លេស​-​ស៊ុយអែត ជំនួស​វិញ​។​

​ថៃ គ្រោង​ចាក់​វ៉ាក់សាំង​អោយ​ប្រជាជន​ខ្លួន​បាន​៥០​ភាគរយ យ៉ាងយូរ​ត្រឹម​ចុង​ឆ្នាំនេះ ស្រប​ពេលដែល​រដ្ឋាភិបាល​ព្យាយាម​បើក​ព្រំដែន​របស់ខ្លួន​ឡើងវិញ បន្ទាប់ពី​បិទ​អស់​រយៈពេល​ជិត​១​ឆ្នាំ​ដើម្បី​ទប់ស្កាត់​ការឆ្លង​រាលដាល​ជំងឺ​កូ​វីដ​-១៩ នេះ​៕​