អ្នកនាំពាក្យក្រសួងសុខាភិបាលសិង្ហបុរី បានមានប្រសាសន៍ឲ្យដឹងថា ៖ “វេជ្ជបណ្ឌិតរបស់ពួកគេ កំពុងតែតាមដាន យ៉ាងយកចិត្តទុកដាក់ជាទីបំផុត ដើម្បីគាំទ្រ ព្យាបាល និងប្រឹក្សាយោបល់ សម្រាប់ស្ត្រីជាម្តាយទាំងនោះ”។
ទិន្នន័យនេះ បានកើនឡើងពីរដង បើរាប់គិតតាំងពីថ្ងៃទី ១១ ខែ កញ្ញា ដែលកាលនោះ មានត្រឹមតែ ៨ ករណីប៉ុណ្ណោះ។
នៅប្រទេសប្រេស៊ីល ហ្ស៊ីកា ត្រូវបានផ្សារភ្ជាប់ទៅនឹង ជំងឺក្បាលតូចរបស់ទារក ចំពោះស្ត្រីជាម្តាយ ដែលឆ្លងវីរុសនេះ អំឡុងពេលពរពោះ។
ក្រសួងបានឲ្យដឹងថា មានការធ្វើតេស្ត លើវីរុសហ្ស៊ីកាចំនួន ៦៥៨ ហើយ ដែលត្រូវបានធ្វើឡើង នៅចន្លោះថ្ងៃទី ៧ ដល់ ថ្ងៃទី ១៧ ខែកញ្ញា ហើយក្នុងនោះ មាន ១៩៧ ករណីលើស្ត្រីមានផ្ទៃពោះ ឬអ្នកដែលចង់ធ្វើតេស្តនេះ។
គួរបញ្ជាក់ផងដែរថា ការធ្វើតេស្តនេះ គឺឥតគិតថ្លៃ ឬអ្នកជំងឺត្រូវចំណាយ ៦០ ដុល្លារ ក្នុងមួយលើក៕