ភ្នំពេញ: តារាសម្តែងកញ្ញា សេង សូណា ដែលល្បីមានដើមទ្រូងធំឱ្យប្រុសៗពេញចិត្តនោះ បានលេចមុខនៅក្រសួងព័ត៌មាន ប៉ុន្តែមិនហ៊ានបញ្ចេញឡើយ ដោយលើកនេះសម្លៀកបំពាក់បិទជិតយ៉ាងត្រឹមត្រូវណាស់។
កាលពីថ្ងៃទី២១ ខែឧសភា ឆ្នាំ២០១៨ កម្មវិធី “កុនខ្ញុំ” របស់ស្ថានីយទូរទស្សន៍ជាតិនៃកម្ពុជា (ទ.ទ.ក,TVK) បានផ្តល់កត្តិយសដល់តារាសម្តែងល្បីឈ្មោះកញ្ញា សេង សូណា ឡើងមកធ្វើកិច្ចសំភាសន៍ពីការងារសិល្បៈ ប៉ុន្តែវត្តមានរបស់នាងបានបង្ហាញខ្លួនក្នុងសភាពដូចថតទៅរឿងសម័យបារាំងពីសង្គមចាស់ ដែលនាងស្លៀករ៉ូបយ៉ាងធំមួយដ៏ប្លែកភ្នែក។ សូម្បីតែពិធីករពិធីការិនី និងមន្ត្រីបច្ចេកទេសនៃកម្មវិធីនេះក៏ភ្ញាក់ផ្អើលវត្តមានចំពោះនាង ហើយក៏ស្មានតែនាងឡើងកម្មវិធីរបស់ទូរទស្សន៍ជាតិលើកនេះលេងខ្លួនសិចស៊ីដូចថតកុនរាល់ដង ប៉ុន្តែនាងបែរជាមកពាក់បិទជិតគ្មានបញ្ចេញសាច់អ្វីសូម្បីតែបន្តិចសោះ។
ជាមួយគ្នានោះ កញ្ញា សេង សូណា រូបនេះត្រូវបានអ្នកមើលឃើញនៅទីនោះនាំគ្នាគិតថាកញ្ញាមានការប្រុងប្រយ័ត្នក្នុងការស្លៀកពាក់ក្នុងពេលថតនៅទូរទស្សន៍ជាតិរបស់ប្រទេស។ កញ្ញា សេង សូណា បានបង្ហើបឱ្យរស្មីកម្ពុជាដឹងថា មិនមែននាងខ្លាចត្រូវមាត់ ឬ ការរិះគន់ពីក្រសួងព័ត៌មាន ឬ ទ.ទ.ក ឡើយ ដោយសារតែជាអ្នកសិល្បៈមួយរូប ដែលមានស្នាដៃជាច្រើននិងប្រឡូកអស់រយៈពេលចង់១០ឆ្នាំមកហើយ ដូច្នេះនាងដឹងថា នាងត្រូវតុបតែងខ្លួនបែបណា ហើយជាពិសេសកម្មវិធីជាតិ នេះតែម្តងនាងប្រាកដជាតិស្លៀកពាក់ឱ្យស្អាត និង ប្លែក ប៉ុន្តែមិនមែនសិចស៊ីដូចរាល់នោះទេ។
តារាសម្តែងដើមទ្រូងធំដ៏ទ្រលុកទ្រលន់រូបនេះបានបញ្ជាក់ថា បើទោះបីជា កម្មវិធី “កុនខ្ញុំ” មិនបានណែនាំ ឬ ផ្តាំឱ្យនាងស្លៀកពាក់បែបណាក៏ដោយក៏នាងបានដឹងរួចជាស្រេចទៅហើយត្រូវធ្វើខ្លួនបែបនេះ ដើម្បីសាកសម និង កុំឱ្យមហាជនរិះគន់ច្រើនបន្តទៀត។ ម្យ៉ាងទៀតនាងចង់ស្លៀកពាក់ម៉ូតណាជិតៗម្តង ពីព្រោះដើមទ្រូងនាងពិតជាធំមែន៕
ប្រភព៖rasmeinews.com