Join with Health.com.kh on Telegram

​រដ្ឋាភិបាល​អាមេរិក​បាន​បង្ហាញថា ចំណេះដឹង​ច្រើន​ប៉ុណ្ណា​ដែល​អ្នកមាន និង​ប្រាក់​ច្រើន​ប៉ុណ្ណា​ដែល​អ្នកមាន​, សុខភាព​ដែល​អ្នកមាន​ក៏​ដូចគ្នា​អញ្ចឹង​ដែរ​។​

​របាយការណ៍​បាន​រកឃើញថា មនុស្ស​ដែល​មានចំណេះដឹង​ខ្ពស់​ជាមួយ​នឹង​មាន​ប្រាក់ចំណូល​ខ្ពស់​ទទួលរង​ពី​ជំងឺ​រ៉ាំរ៉ៃ​តិច និង​រស់នៅ​បាន​យូរ​ជាង​អ្នកក្រ​ដែល​មានចំណេះដឹង​ទាប​។​

 អា​មី ប៊ឺន​ស្តេន (Amy Bernstein) ជា​អ្នក​អេពីដេមី​សាស្ត្របា​ននិយាយថា ការ​មិន​មាន​ចំណេះដឹង និង​មាន​ជីវភាព​លំបាក​គឺ​ផ្តល់​គ្រោះថ្នាក់​ដល់​សុខភាព​របស់​អ្នក​។​

​គាត់​បាន​ពន្យល់ថា វា​គឺជា​ផ្នែក​មួយ​ដែរ​ដោយសារ​តែ​អ្នក​ដែល​មាន​ប្រាក់ ឬ​ចំណេះដឹង​តិចតួច​ជារឿយៗ​មាន​ទម្លាប់​សុខភាព​ដែល​រួម​មាន​ចំណីអាហារ​មិនល្អ កង្វះ​លំ​ហាត់ប្រាណ និង​ជក់បារី​។​

​ប៊ឺន​ស្តេន​បាន​និយាយថា បន្ថែម​ពីលើ​នេះ​, ពួកគេ​ហាក់ដូចជា​មិន​មាន​ធានារ៉ាប់រង​សុខភាព​។ ក្រោម​បន្ទាត់​នៃ​ភាពក្រីក្រ​គឺ​ពិតជា​អាក្រក់​ចំពោះ​សុខភាព​។​

​ការ​គូស​ចំណាំ​ចំនុច​សំខាន់ៗ​រួមមានៈ​

– ២៤% នៃ​ក្មេង​ប្រុស និង ២២% នៃ​ក្មេង​ស្រី​ធាត់​ដែល​នៅ​ផ្ទះ​ដែល​ឪពុកម្តាយ​មិន​បាន​បញ្ចប់​ការសិក្សា​ត្រឹម​វិទ្យាល័យ​។​

– ១១% នៃ​ក្មេង​ប្រុស និង ៧% នៃ​ក្មេង​ស្រី​ធាត់​ដែល​នៅ​ផ្ទះ​ដែល​ឪពុក​ម្តាយ​បាន​រៀន​ដល់​ត្រឹម​មហាវិទ្យាល័យ​។​

– ជាង ៤៣% នៃ​ស្ត្រី​ដែល​មាន​អាយុ​លើសពី ២៥​ឆ្នាំ មិន​បាន​រៀន​ថ្នាក់​មហាវិទ្យាល័យ​គឺ​ធា​ត់​។ ការ​ធាត់​ក្នុងចំណោម​បុរស​មិន​ប្រែប្រួល​ជាមួយនឹង​ចំណេះដឹង​នោះទេ​។​

– ៣១% នៃ​មនុស្ស​ពេញវ័យ​ដែល​បញ្ចប់​ត្រឹម​វិទ្យាល័យ ឬ​ទាប​ជាង​នេះ គឺ​ជក់បារី បើ​ប្រៀ​នឹង ៩% នៃ​អ្នក​ទាំងនោះ​ដែល​មាន​ចំណេះ​ដឹង​ត្រឹម​ថ្នាក់​មហាវិទ្យាល័យ​។​

– សរុប​, ការធ្លាក់ចុះ​ការជក់បារី​ពី ២១% ក្នុង​ឆ្នាំ ២០០៦ មក​ត្រឹម ១៩% ក្នុង​ឆ្នាំ ២០១០​។​

​បន្ថែម​ទៅលើ​ចំណូល និង​ភាពខុសគ្នា​នៃ​ចំណេះដឹង​, អ្នកស្រាវជ្រាវ​ក៏​បាន​រកឃើញ​ផងដែរ​ថា​៖

– ពាក់កណ្តាល​នៃ​មនុស្សពេញវ័យ​មិន​ធ្វើ​លំ​ហាត់ប្រាណ ជាពិសេស​វា​ជា​ការពិត​ចំពោះ​មនុស្ស​វ័យ​ចំណាស់​

– សមាមាត្រ​ឡើង​ខ្ពស់​បន្តិច​នៃ​ស្ត្រី​មាន​ការពិនិត្យ​សុដន់ (៦៧% ក្នុង​ឆ្នាំ ២០០០ និង ៧០% ក្នុង​ឆ្នាំ ២០១០)

– មនុស្ស​ជាច្រើន​ត្រូវ​បាន​តាមដាន​ចំពោះ​ជំងឺមហារីក​ពោះវៀនធំ​ជាមួយនឹង​អត្រា​កើនឡើង​ពី ៣៤% ក្នុង​ឆ្នាំ ២០០០ ទៅ ៥៩% ក្នុង​ឆ្នាំ ២០១០​។