Join with Health.com.kh on Telegram

នៅ​ក្នុង​ជីវិត​រស់នៅ​របស់​យើង​នេះ​យើង​បាន​អង្គុយ​នៅ​មួល​កន្លែង​កាន់តែ​ច្រើន​។​យើង​មិន ធ្វើ ការ​ផ្លាស់​ប្ដូរ​ទម្លាប់​អង្គុយ​ច្រើន​បែប​នេះ​ទេ ក្មេង​ៗ​ដែល​ជា​កូនចៅ​របស់​យើង​នឹង​រឹតតែ​មាន​សកម្មភាព​រៀង​កាយ​តិច​ជាង​យើង​ទៅ​ទៀត​។

ការ​ធ្វើ​លំ​ហាត់ប្រាណ​ជា​ប្រចាំ​នឹង​ជួយ​អោយ​យើង​មាន​ថាមភាព​ខ្លាំងក្លា ជួយ​ប្រយុទ្ធ​ប្រឆាំង​នឹង​ភាព​តានតឹង​អារម្មណ៍ ជួយ​ឲ្យ​យើង​គេង​បាន​រក្សា​រាង​ស្អាត និង​ការពារ​ប្រឆាំង​នឹង​ជំងឺ​ដែល​ទាក់ទង​ទៅ​នឹង​ការ​ឡើង​ទំងន់​។

ជីវិត​ការងារ​មមាញឹក​ម​គួប​ផ្សំ​និង​ស្ថានភាព​ចរាចរណ៍​មិន​អំណោយផល​យើង​ក៏​នាំ​គ្នា​ស្ថិត​នៅ​តែ​ក្នុង​បន្ទប់​ដោយ​ភ្លេច​គិត​អំពី​ផល​ប៉ះពាល់​សុខភាព​។​បើសិនជា ស្ត្រី​ប្រើប្រាស់​ថាមពល​ប្រហែល​៤០០០​កាល់​ឡូ​រី​ក្នុង​មួយ​ថ្ងៃ​ដើម្បី​ធ្វើ​ការងារ​ផ្ទះ​។​ដូច្នេះ​ពួក​គេ​ដែល​ធ្វើ​ការងារ​ទាំងនេះ​មិន​ចាំបាច់​ហាត់ប្រាណ​ក៏​បាន​។​ប៉ុន្តែ​ចំពោះ​ស្ត្រី​ដែល​ធ្វើ​ការងារ​អង្គុយតែ​នៅ​លើ​កៅ​ក្នុង​បន្ទប់​ការិយាល័យ​នោះ​ពួក​គេ​គួរតែ​គិតគូរ​អំពី​ការ​ហាត់ប្រាណ​ឬ​ការ​ធ្វើ​សកម្មភាព​រាង​កាយ​អោយ​បាន​ច្រើន​។

ចូរ​សុភាព​នារី​ទាំងឡាយ​ចាប់ផ្តើម​ក្រោក​ចេញពី​កៅអី​ហើយ​នាំ​គ្នា​ធ្វើការ​ប្រាណ​ដើម្បី​សុខភាព​និង​ភាព​ស្រស់ថ្លា​។

តើ​ធ្វើ​លំ​ហាត់ប្រាណ​ប៉ុណ្ណា​ទើប​គ្រប់គ្រាន់?

អ្នក​គួរតែ​ដើរ​យ៉ាង​ហោច​ណាស់​ឲ្យ​បាន​១០០០០​ជំហាន​ក្នុង​មួយ​ថ្ងៃ​។ បន្ថែម​ពី​នេះ​ទៅ​ទៀត​អ្នក​គួរតែ​ធ្វើ​លំ​ហាត់ប្រាណ​ល្មម​ៗ​ឲ្យ​បាន​៥​ដង​ក្នុង​មួ​យស​ប្ដា​ហ៍​ដោយ​ម្ដង​ៗ​មាន​រយៈពេល​៣០​នាទី​។ ចូរ​ជ្រើសរើស​នូវ​វិធី​ហាត់ប្រាណ​ដែល​អ្នក​ចូល​ចិត្ត ដូច​ជា​ការ​រាំ​ឬ​ក៏​ការ​ហែល​ទឹក ។​ប្រសិនបើ​អ្នក​ធ្វើ​លំ​ហាត់ប្រាណ​ជាមួយ​មិត្ត​របស់​អ្នក​វិញ​នោះ អ្នក​នឹង​មាន​ទម្លាប់​កាន់តែ​ល្អ ។

ដើម្បី​ជា​ការ​ចាប់ផ្ដើម អ្នក​ប្រហែលជា​យល់​ថា ការ​ដើរ​យ៉ាង​រហ័សរហួន​គឺជា​អ្វី​ដែល​អ្នក​ត្រូវធ្វើ​ដើម្បី​ជំរុញ​ខ្លួន​អ្នក ប៉ុន្តែ​នៅ​ពេល​ដែល​អ្នកមាន​រាង​កាយ​មាំមួន​ហើយ អ្នក​នឹង​ត្រូវ​តែ​ខំប្រឹង​ឲ្យ​ខ្លាំ​ជាង​នេះ​ទៀត​ដើម្បី​ទទួល​បាន​លទ្ធផល​ដូច​គ្នា​៕