Join with Health.com.kh on Telegram

សុខភាពមាត់ធ្មេញ គឺចាំបាច់ណាស់! កំហុសដោយមិនដឹងខ្លួនមួយចំនួនរបស់យើងអាចជះផលប៉ះពាល់គួរឱ្យព្រួយបារម្ភលើសុខភាពធ្មេញបង្កើនហានិភ័យនៃជំងឺពុកធ្មេញ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) នៅពេលបញ្ហានេះកើតឡើងអ្នកមិនត្រឹមតែបាត់បង់ធ្មេញប៉ុណ្ណោះទេ ប៉ុន្តែក៏ត្រូវចំណាយលុយអស់ច្រើនដើម្បីព្យាបាលនិងដោះស្រាយផងដែរ។ ថាតើទម្លាប់អ្វីខ្លះមិនល្អសម្រាប់សុខភាពធ្មេញ? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីទង្វើដែលអ្នកគួរផ្លាស់ប្ដូរចេញដើម្បីរក្សាសុខភាពមាត់ធ្មេញ ៖

១. មិនអើពើនឹងក្លិនមិនល្អក្នុងមាត់

ក្លិនមិនល្អពីក្នុងមាត់អាចជារោគសញ្ញាមួយនៃកង្វះអនាម័យមាត់ធ្មេញ ឬជំងឺអញ្ចាញធ្មេញ។ ជួនកាលពួកយើងមិនចាប់អារម្មណ៍ពីក្លិនអាក្រក់ដោយខ្លួនឯងឡើយ ប៉ុន្តែអ្នកដែលយើងនិយាយជាមួយអាចធុំក្លិន។ ទោះជាយ៉ាងណាអ្នកអាចសម្គាល់បានតើខ្លួនឯងធុំក្លិនមាត់ឬអត់តាមរយៈការលិទ្ធផ្នែកខាងក្នុងនៃកដៃ។ បន្ទាប់មករងចាំសម្រាប់រយៈពេលពី ៥ ទៅ ១០ វិនាទី សឹមហិតមើល។

២. ទទួលទានភេសជ្ជៈផ្សេងៗក្រោយពេលដុសសម្អាតធ្មេញ

ពិតណាស់អ្នកអាចញ៊ាំអាហារ ឬទទួលទានភេសជ្ជៈផ្សេងៗបានក្រោយពេលដុសសម្អាតធ្មេញនៅពេលព្រឹក! ប៉ុន្តែទោះជាយ៉ាងណាវាល្អសោះឡើយក្នុងការញ៊ាំអាហារ ឬទទួលទានភេសជ្ជៈផ្សេងៗក្រោយពេលដុសសម្អាតធ្មេញមុននឹងចូលគេង។ ទម្លាប់នេះអាចជះឥទ្ធិពលគួរឱ្យព្រួយបារម្ភលើធ្មេញរបស់អ្នក។

៣. មិនដុសសម្អាតធ្មេញឱ្យបានយូរគ្រប់គ្រាន់

ការចំណាយពេលត្រឹមតែ ៣០វិនាទីក្នុងការដុសសម្អាតធ្មេញអាចនឹងពិបាកនាំមកនូវផលល្អណាស់។ វាអាចបង្កជាបញ្ហាពុកធ្មេញនិងជំងឺមាត់ធ្មេញផ្សេងទៀត។ ដើម្បីជាការប្រសើរអ្នកចាំបាច់គួរដុសសម្អាតធ្មេញឱ្យបាន ២នាទី។

៤. ដុសធ្មេញខ្លាំងៗពេក

ការដុសសម្អាតធ្មេញខ្លាំងៗពេកមិនត្រឹមតែបង្កគ្រោះថ្នាក់ចំពោះកាចាធ្មេញប៉ុណ្ណោះទេ ប៉ុន្តែវាក៏ធ្វើឱ្យស្រៀវធ្មេញផងដែរ។ ការជ្រើសរើសច្រាសដុសធ្មេញឱ្យបានត្រឹមត្រូវក៏ចាំបាច់ណាស់ដែរ។

៥. ដុសសម្អាតធ្មេញភ្លាមៗក្រោយអាហារ

សូមចាំថាការដុសសម្អាតធ្មេញភ្លាមៗក្រោយទទួលទានអាហារអាចជះផលប៉ះពាល់ខ្លាំងណាស់សម្រាប់កាចាធ្មេញ ជាពិសេសប្រសិនបើអ្នកបានទទួលទានអ្វីដែលមានផ្ទុកជាតិអាស៊ីត។ សូមរងចាំឱ្យបាន ៣០នាទីក្រោយទទួលទានសិន សឹមដុសធ្មេញ។

៦. មិនផ្លាស់ប្ដូរច្រាសដុសធ្មេញសោះ

អ្នកចាំបាច់គួរផ្លាស់ប្ដូរច្រាសដុសធ្មេញនៅរៀងរាល់ ៣ខែម្ដងទើបប្រសើរ។

៧. មិនផ្លាស់ប្ដូរច្រាសដុសធ្មេញនៅពេលអ្នកឈឺ

ច្រាសដុសធ្មេញមិនសម្លាប់បាក់តេរីក្នុងមាត់ឡើយ។ នៅពេលអ្នកឈឺ ចូរប្ដូរច្រាសដុសធ្មេញចេញដើម្បីចៀសវាងការឆ្លងជំងឺម្ដងទៀតនៅពេលក្រោយ។ ហើយក៏ត្រូវប្រាកដផងដែរថា ច្រាសដុសធ្មេញនោះមិនប៉ះនឹងច្រាសដុសធ្មេញផ្សេងទៀត៕