ការស្រាវជ្រាវថ្មីមួយបានបង្ហាញថា កុមារលើសទម្ងន់ ឬធាត់គឺបង្កើនហានិភ័យនៃជំងឺនៃខួរក្បាលដែលអាចនាំអោយមានការងងឹតភ្នែក។
ហានិភ័យនៃការឡើងសម្ពាធនៅក្នុងក្បាលគឺខ្ពស់ចំពោះក្មេងស្រីស្បែកស នេះដោយយោងតាមអ្នកស្រាវជ្រាវ Kaiser Permanente។
អ្នកដែលមានលក្ខខណ្ឌទាំងនេះបានបង្កើនសម្ពាធជុំវិញក្បាលដែលមិនត្រូវបានបង្កដោយជំងឺដទៃទៀត។ រោគសញ្ញារួមមាន ឈឺក្បាល, ព្រិលភ្នែក, ចង្អោរនិងមិនធម្មតានៃការធ្វើចលនាគ្រាប់ភ្នែក។ ការឡើងសម្ពាធនៅក្នុងក្បាលដោយមិនដឹងមូលហេតុអាចនាំអោយងងឹតភ្នែក១០%នៃអ្នកជំងឺទាំងនោះ,ជាពិសេសប្រសិនបើមិនត្រូវបានគេធ្វើរោគវិនិច្ឆ័យឃើញ និងព្យាបាលបានត្រឹមត្រូវនោះ។
អ្នកស្រាវជ្រាវបានវិភាគលើទិន្នន័យលើកុមារ ៩០០.០០០នាក់, ដែលមានអាយុពី ២ឆ្នាំ ទៅ ១៩ឆ្នាំ និងបានកំនត់ ៧៨ករណី នៃការឡើងសម្ពាធនៅក្នុងក្បាលដែលមិនដឹងមូលហេតុនេះ។ ៨៥% នៃអ្នកជំងឺដែលមានលក្ខខ័ណ្ឌទាំងនោះគឺជាក្មេងស្រីដែលមានអាយុចន្លោះ ១១ឆ្នាំ ទៅ ១៩ឆ្នាំ និងជិតពាក់កណ្តាលនៃពួកគេគឺជាជនជាតិស្បែកស និង ៧៣% គឺធាត់។
ប្រៀបធៀបទៅនឹងកុមារដែលមានទម្ងន់ធម្មតា, ហានិភ័យគឺមាន១៦ដងចំពោះកុមារដែលធាត់, ៦ដងចំពោះកុមារដែលធាត់មធ្យម និង ៣,៥ដងចំពោះកុមារដែលលើសទម្ងន់។
ការស្រាវជ្រាវត្រូវបានចេញផ្សាយនៅក្នុងកាសែត Journal of Pediatrics។
វេជ្ជបណ្ឌិត សូនុយ ប្រារា (Sonu Brara) នៅឯមជ្ឈមណ្ឌលវេជ្ជសាស្ត្រ Kaiser Permanente Los Angeles បាននិយាយថាការធាត់នៅក្នុងកុមារភាពត្រូវបានបង្ហាញឡើងម្តងទៀតដើម្បីត្រូវបានផ្សារភ្ជាប់នឹងជំងឺធ្ងន់ធ្ងរ។
ប្រារាបានបន្ថែមថា ការស្រាវជ្រាវនេះគឺជាភស្តុតាងធំបំផុតដើម្បីកំនត់ថាការធាត់ត្រូវបានផ្សារភ្ជាប់ជាមួយនឹងការឡើងសម្ពាធនៅក្នុងក្បាលចំពោះកុមារហើយវាក៏បានបង្ហាញផងដែរថា ការធាត់ក្នុងវ័យកុមារភាពគឺហាក់ដូចជានៅអោយបង្កើនអត្រានៃជំងឺដោយមកពីការឡើងសម្ពាធនៅក្នុងក្បាល។