​ការស្រាវជ្រាវ​មួយ​បានបង្ហាញ​ថា មនុស្ស​វ័យ​កណ្តាល និង​មនុស្ស​វ័យ​ចំណាស់​ដែល​គេង​តិចជាង​៦​ម៉ោង​ក្នុង​មួយ​យប់​ជា​ទៀងទាត់​អាច​កំពុងតែ​បង្កើន​ហានិភ័យ​នៃ​ជំងឺ​ដាច់​សរសៃឈាម​ខួរក្បាល​។​

​អ្នកស្រាវជ្រាវ​បាន​រកឃើញថា ការកើនឡើង​ហានិភ័យ​៤​ដង​ត្រូវបាន​គេ​រកឃើញ​ក្នុងចំណោម​អ្នក​ដែល​មាន​ទម្ងន់​ធម្មតា​ដែល​មិន​ទទួលរង​នូវ​ការ​គេង​អត់​ដកដង្ហើម ប៉ុន្តែ​គេង​បាន​តិច​ជាង​៦​ម៉ោង​ក្នុង​មួយ​យប់ៗ​។ ទាំង​អ្នក​ធា​ត់ និង​អ្នក​គេង​អត់​ដកដង្ហើម​ត្រូវបាន​គេ​ដឹងថា​ជា​កត្តា​ហានិភ័យ​នៃ​ជំងឺ​ដាច់​សរសៃឈាម​ខួរក្បាល​។​

​អ្នកស្រាវជ្រាវ ម៉េ​ហ្គេន រី​ធឺរ​(Megan Ruiter) ដែល​មកពី​សាកលវិទ្យាល័យ​វេជ្ជសាស្ត្រ Alabama បាន​និយាយថា ការ​គេង​គឺជា​រឿង​សំខាន់​។ មាន​ភស្តុតាង​ដែលថា ការ​គេង​មិន​គ្រប់គ្រាន់​បង្កើន​ការឆ្លើយតប​មិនធម្មតា​នៃ​ខ្លួន​។​

​រី​ធឺរ​បាន​និយាយថា កង្វះ​នៃ​ការ​គេង​បង្កើន​ការ​រលាក និង​បណ្តាលអោយ​កើនឡើង​សម្ពាធ​ឈាម និង​បញ្ចេញ​អរ​ម៉ូ​ន​មួយចំនួន​, ដែល​ទាំងនេះ​បង្កើត​អោយ​មាន​ការ​ឆ្លើយ​តប​នឹង​ស្ត្រេ​ស​ខ្ពស់​ដែល​អាច​បង្កើន​ហានិភ័យ​នៃ​ជំងឺ​ដាច់​សរសៃឈាម​ខួរក្បាល​។​

​ចំពោះ​ការស្រាវជ្រាវ​, ក្រុម​របស់​រី​ធឺរ​បាន​ប្រមូល​ទិន្នន័យ​ជាង​៥.៦០០​នាក់​ដែល​បាន​ធ្វើ​ជា​ការស្រាវជ្រាវ​ដ៏​ធំ​ទៅលើ​ភាព​ខុសប្លែក​គ្នា​នៃ​ភូមិសាស្ត្រ និង​ពូជសាសន៍​ចំពោះ​ជំងឺ​ដាច់​សរសៃឈាម​ខួរក្បាល​នេះ​។​

​បន្ទាប់​ពី​ការតាមដាន​ជាង​បី​ឆ្នាំ​, អ្នកស្រាវជ្រាវ​បាន​រកឃើញថា ការ​គេង​តិចជាង​៦​ម៉ោង​ក្នុង​មួយ​យប់ៗ​ត្រូវ​បាន​ផ្សារភ្ជាប់​ជាមួយ​នឹង​ការកើនឡើង​ហានិភ័យ​នៃ​ជំងឺ​ដាច់​សរសៃឈាម​ខួរក្បាល​ចំពោះ​អ្នក​ដែល​មាន​ទម្ងន់​ធម្មតា​ដែល​ត្រូវបាន​ផ្សារ​ភ្ជាប់​នឹង​កត្តា​ហានិភ័យ​ដទៃទៀត​។​

​ពួកគេ​មិន​បាន​រកឃើញ​ពី​ការទាក់ទង​គ្នា​រវាង​ជំងឺ​ដាច់​សរសៃឈាម​ខួរក្បាល និង​ការ​គេង​ខ្លី​ក្នុងចំណោម​អ្នក​លើស​ទម្ងន់ និង​អ្នក​ដែល​ធាត់​នោះទេ​។​

​វេជ្ជបណ្ឌិត ម៉ៃ​ឃើ​ល ហ្វ្រេន​ខេល​(Michael Frankel) ជា​ប្រធាន​ផ្នែក​សរសៃវិញាណ​សរសៃឈាម​នៅឯ​សាកលវិទ្យាល័យ Emory និង​ជា​ប្រធាន​នៅ​ឯ​មជ្ឈមណ្ឌល​វិទ្យាសាស្ត្រ​សរសៃវិញាណ និង​ជំងឺ​ដាច់​សរសៃឈាម​ខយរ​ក្បាល Marcus នៅ​ឯ​មន្ទីរពេទ្យ Grady បាន​និយាយថា​អ្នកឯកទេស​អាច​ពន្យល់​អំពី​ច​លន​ការ​ដែល​អាច​ទាក់ទង​ទៅ​នឹង​ការផ្លាស់ប្តូរ​កម្រិត​អរ​ម៉ូ​នករ​ទី​ស៊ុល​ដែល​ជា​អរ​ម៉ូ​ន​ស្ត្រេ​ស​។​វា​អាច​កើនឡើង​ខ្ពស់​ចំពោះ​អ្នក​ដែល​មាន​ការ​គេង​ខ្លី​។​

​គាត់​បាន​ពន្យល់ថា កម្រិត​នៃ​ការកើនឡើង​អរ​ម៉ូ​ន​នេះ​អាច​បណ្តាល​អោយ​ប៉ះពាល់​មុខងារ​របស់​កោសិកា​ក្នុងការ ការពារ​ដល់​សរសៃឈាម​របស់​មនុស្ស និង​ធ្វើអោយ​មាន​ជំងឺ​ដាច់​សរសៃឈាម​ខួរក្បាល​។​

​គាត់​បាន​បន្ថែមថា ការស្រាវជ្រាវ​នេះ​អាច​ពន្យល់​ថា​ហេតុអ្វី​មនុស្ស​មិន​មាន​កត្តា​ហានិភ័យ​នៃ​ជំងឺ​សរសៃឈាម​ដូចជា ការ​ធាត់​, ជំងឺលើសឈាម និង​ជំងឺ​ទឹកនោម​ផ្អែម​នោះ មាន​ជំងឺ​ដាច់​សរសៃឈាម​ខួរក្បាល​។​

​ហ្វ្រេន​ខេល​បាន​និយាយថា យើង​ដឹង​ថា គ្រូពេទ្យ​មិនអាច​កំនត់​ពី​មូលហេតុ​ច្បាស់លាស់​នោះ​ទេ​ចំពេ​ាះ​មនុស្ស​ម្នាក់​ក្នុងចំណោម​៣​នាក់​ដែល​មាន​ជំងឺ​ដាច់​សរសៃឈាម​ខួរក្បាល​ដោយសារ​ការស្ទះ​នោះ​។​