ថ្នាំ Statins ដែលជាចំណាត់ថ្នាក់នៃថ្នាំក្នុងការបន្ថយកូឡេស្តេរ៉ុលដែលពេញនិយម អាចធ្វើអោយធ្លាក់ចុះថាមពល ឬក្លាយជាអស់កម្លាំងខ្លាំងនៅពេលធ្វើលំហាត់ប្រាណ,។នេះបើយោងតាមការស្រាវជ្រាវថ្មី។
ការស្រាវជ្រាវបានធ្វើទៅលើមនុស្សវ័យជំទង់ប្រហែល១.០០០នាក់ និងរួមមានថ្នាំPravachol និង Zocor , ដែលថ្នាំទាំងពីរនេះបន្ថយកម្រិតកូឡេស្តេរ៉ុលអាក្រក់។
វេជ្ជបណ្ឌិត បៀទ្រីស ហ្គូលូម(Beatrice Golomb) ជាសាស្ត្រាចារ្យរងនៃវេជ្ជសាស្ត្រនៅឯសាកលវិទ្យាល័យ California-San Diego បាននិយាយថា យើងបានរកឃើញថា ទោះបីជាកម្រិតល្មមក៏ដោយ, ថ្នាំ Statins ទាក់ទងនឹងការធ្លាក់ចុះនៃថាមពលចំពោះអ្នកជំងឺមួយចំនួន, បង្កើនការអស់កម្លាំងជាមួយនឹងការខិតខំប្រឹងប្រែងចំពោះអ្នកដទៃទៀត ឬជួនកាលមានទាំងពីរតែម្តង។
គាត់បានបន្ថែមថា នេះគឺជាការពិតទាំងបុរស និងស្ត្រី។ ប៉ុន្តែវាលេចឡើងជាបញ្ហាជាច្រើនចំពោះអ្នកជំងឺដែលជាស្ត្រី។
ដើម្បីបង្ហាញពីភាពទាក់ទងគ្នារវាងថ្នាំ statins ជាមួយនឹងការអស់កម្លាំងខ្លាំងនេះ, អ្នកនិពន្ធបានមើលទៅលើបុរសចំនួន៧០០នាក់ និងស្ត្រីជាង៣០០នាក់។ អ្នកទាំងនោះមានអាយុលើសពី២០ឆ្នាំ ហើយមានកម្រិតកូឡេស្តេរ៉ុលអាក្រក់ខ្ពស់, ប៉ុន្តែមិនមាននរណាម្នាក់មានប្រវត្តិនៃជំងឺបេះដូង ឬជំងឺទឹកនោមផ្អែមនោះទេ។
ចំពោះការព្យាបាល, អ្នកទាំងអស់ត្រូវបានគេជ្រើសរើសដើម្បីទទួលការព្យាបាលមួយក្នុងចំណោមការព្យាបាល៣ជម្រើស: ៤០មីលីក្រាមនៃ Pravachol (pravastatin), ជាថ្នាំ statin ដែលរលាយក្នុងទឹក, ២០មីលីក្រាមនៃ Zocor (simvastatin), ជាថ្នាំstatin ដែលរលាយក្នុងខ្លាញ់ ឬថ្នាំ placebo ។
លទ្ធផលៈ អ្នកដែលប្រើប្រាស់ថ្នាំ statin ទាំងពីរត្រូវបានគេរកឃើញថាហាក់ដូចជាងាយនឹងអស់កម្លាំងជាងថ្នាំគ្រាប់ដែលជា placebo ។
ការស្រាវជ្រាវក៏បានរកឃើញផងដែរថា ទោះជាយ៉ាងណាក៏ដោយ, អ្នកជំងឺដែលប្រើថ្នាំ Zocor ប្រឈមមុខនឹងការអស់កម្លាំងខ្ពស់ជាងគេ។ ថ្នាំ Zocor ធ្វើអោយធ្លាក់កម្រិតកូឡេស្តេរ៉ុលអាក្រក់ខ្ពស់ជាងថ្នាំ Pravachol ។
ក្រុមអ្នកស្រាវជ្រាវបានសង្កេតឃើញថា ស្ត្រីហាក់ដូចជាមានការប៉ះពាល់នឹងភាពមិនស្រួលដោយថ្នាំ Statins នេះនៅពេលដែលវាធ្វើអោយអស់កម្លាំងនោះ។
ឧទាហរណ៍, ៤០%នៃស្ត្រីដែលប្រើថ្នាំ Zocor បាននិយាយថា ពួកគេធ្លាប់មានការអស់កម្លាំងនៅពេលដែលពួកគេធ្វើលំហាត់ប្រាណ, ស្របពេលដែល២០%បាននិយាយថា ពួកគេធ្លាប់មានទាំងការអស់កម្លាំង និងការមានកម្លាំងតិច(១០%និយាយថា ពួកគេមានអារម្មណ៍ថាកាន់តែអាក្រក់ទៅៗ)។
ហ្គូលូមបានសម្គាល់ថា ចំពោះបុរស ហានិភ័យដូចគ្នាចំពោះការអស់កម្លាំងមានប្រហែល២៥%នូវអ្វីដែលត្រូវបានរកឃើញក្នុងចំណោមស្ត្រីដែលមានការជះឥទ្ធិពលដោយថ្នាំប្រភេទនោះ។