អ្នកស្រាវជ្រាវបានធ្វើរបាយការណ៍ថា ការប្រើប្រាស់ថ្នាំគ្រាប់អូមេហ្គា ៣ ដូចជាពពួកថ្នាំគ្រាប់ខ្លាញ់ត្រីជាដើម, ហាក់ដូចជាមិនជួយមនុស្សដែលកាន់តែចាស់អោយរក្សាសុខភាពខួរក្បាលរបស់ពួកគេបាននោះទេ។
ការស្រាវជ្រាវបានបង្ហាញថា ថ្នាំគ្រាប់អូមេហ្គា ៣អាចជួយរក្សាកោសិកាប្រសាទចំពោះសុខភាពនៃខួរក្បាលនៅពេលដែលកាន់តែចាស់ ប៉ុន្តែវាត្រូវបានកំណត់លើមុខងារនៃអាស៊ីតខ្លាញ់ទាំងនេះក្នុងការការពារការវង្វេង ឬថយចុះសមត្ថភាពខួរក្បាលនោះ។
ដើម្បីពិនិត្យលើបញ្ហានេះអោយកាន់តែជិតស្និទ្ធ, អេម៉ា ស៊ីដេនហាម និងមិត្តរួមការងារនៅឯសាលាវេជ្ជសាស្ត្រឡុងនៅក្នុងប្រទេសអង់គ្លេសបានរំលឹកពីភស្តុតាងពីការស្រាវជ្រាវ៣ដែលបានប្រៀបធៀបលើប្រសិទ្ធភាពនៃអូមេហ្គា ៣ ដែលត្រូវបានគេប្រើជាថ្នាំគ្រាប់ ឬជាថ្នាំគ្រាប់ Placebo ជាមួយនឹងប្រេងអូលីវ។
ការស្រាវជ្រាវបានរួមមានមនុស្សសរុបជាង ៣.៥០០នាក់ដែលមានអាយុលើសពី៦០ឆ្នាំ និងរយៈពេលនៃការតាមដានរវាង ៦ខែ ទៅ៤០ខែ។ មិនមានអ្នកចូលរួមរូបណាបានបង្ហាញពីរោគសញ្ញានៃបញ្ហាជាមួយនឹងការគិត ឬការវង្វេងក្នុងពេលចាប់ផ្តើមនៃការស្រាវជ្រាវនោះទេ។
អ្នកដែលប្រើប្រាស់ថ្នាំគ្រាប់ដែលផ្សំអាស៊ីតខ្លាញ់អូមេហ្គា ៣ ឬខ្លាញ់មិនមានភាពល្អប្រសើរលើតេស្តស្តង់ដារនៃសមត្ថភាពខួរក្បាល ឬតេស្តនៃការចាំ ឬជំនាញនៃការនិយាយនោះទេ, នេះដោយយោងតាមការស្រាវជ្រាវដែលត្រូវបានចេញផ្សាយនៅក្នុង The Cochrane Library ។
អ្នកនិពន្ធ អាលេន ដេនហ្គូរ (Alan Dangour) ដែលជាអ្នកឯកទេសខាងចំណីអាហារ នៅឯសាកលវិទ្យាល័យវេជ្ជសាស្ត្រឡុង បាននិយាយថា ពីការស្រាវជ្រាវទាំងនេះ, វាមិនមានការលេចឡើងនូវអត្ថប្រយោជន៍នានាចំពោះសុខភាពនៃការយល់ដឹងចំពោះមនុស្សវ័យចំណាស់ដែលបានប្រើថ្នាំគ្រាប់អូមេហ្គា ៣នោះទេ។
ទោះជាយ៉ាងណាក៏ដោយ, នេះគឺជាការស្រាវជ្រាវមួយក្នុងរយៈពេលខ្លី, ដូចនេះយើងបានឃើញភាពមិនល្អតិចតួចចំពោះមុខងារនៃការយល់ដឹង។ គាត់បានបន្ថែមថា វាអាចចំណាយពេលយូរដើម្បីមើលពីឥទ្ធិពលនានានៃថ្នាំគ្រាប់បន្ថែមនេះ។
អ្នកស្រាវជ្រាវបាននិយាយថា ការស្រាវជ្រាវទៅថ្ងៃក្រោយចាំបាច់ប៉ាន់ស្មានលើប្រសិទ្ធភាពរយៈពេលយូរនៃថ្នាំគ្រាប់អូមេហ្គា ៣លើភាពចុះខ្សោយនៃគំនិតបញ្ហា, ជាពិសេសចំពោះអ្នកដែលញ៉ាំអាស៊ីតខ្លាញ់អូមេហ្គា ៣នេះតិច។
ខ្លាញ់ត្រីដូចជាត្រីសាល់ម៉ុង និងត្រីស្បៃកាគឺជាប្រភពនៃអាស៊ីតខ្លាញ់អូមេហ្គា ២នេះ និងអត្ថប្រយោជន៍នៃសុខភាពដទៃទៀត។ ដេនហ្គូរបាននិយាយថា ត្រីគឺជាផ្នែកមួយសំខាន់នៃចំណីអាហារដែលផ្តល់នូវសុខភាព ហើយយើងនៅតែគាំទ្រដល់ការណែនាំអោយញ៉ាំត្រីទាំងពីរនេះក្នុងមួយសប្តាហ៍ម្តង។