​នៅ​ថ្ងៃ​អង្គារ​នេះ រដ្ឋាភិបាល​ថៃ បាន​រាយការណ៍​ពី​ករណី កូ​វីដ​-១៩ ថ្មី​ចំនួន ៩៥ ករណី ដែល​ចំនួន ៩៣ ករណី​ជាការ​ឆ្លង​ក្នុងស្រុក និង​២ ករណី ជាការ​នាំចូល នាំឱ្យ​បង្កើន​ចំនួន​ឆ្លង​សរុប​ដល់ ២៥.៥៩៩ ករណី​។​

​ជំនួយការ​អ្នកនាំពាក្យ​របស់​មជ្ឈមណ្ឌល​រដ្ឋបាល​ស្ថានភាព​កូ​វីដ​-១៩ បាន​និយាយថា ការឆ្លង​រោគ​ក្នុងស្រុក​ទាំង​៩៣​ករណី មាន​ចំនួន ៥២​ករណី ត្រូវបាន​បញ្ជាក់​នៅ​មន្ទីរពេទ្យ និង ៤១ ត្រូវបាន​រកឃើញ​នៅក្នុង​សហគមន៍​។

​សូមបញ្ជាក់ថា ក្នុងចំណោម​ករណី​ចំនួន ២៥.៥៩៩ ករណី មាន ២៤.៤៤៦​ករណី (៩៥.៥%) បានជា​សះស្បើយ រួមទាំង ៨៥ នាក់​ត្រូវបាន​រំសាយ​ចេញ​ក្នុង​រយៈពេល ២៤ ម៉ោង​និង ១.០៧០ នាក់​កំពុង​សម្រាក​ព្យាបាល​នៅ​មន្ទីរពេទ្យ​។ ចំនួន​អ្នកស្លាប់​នៅតែ​មិន​ផ្លាស់ប្តូរ គឺ ៨៣ នាក់​។​

​គួរ​កត់សម្គាល់ថា ករណី កូ​វីដ​-១៩ នៅ​សាកលលោក បាន​កើនឡើង​ពី ២៨៦,១១៦ ដល់ ១១២,២៦ លាន​ករណី​។ ចំនួន​អ្នកស្លាប់​ទូទាំង​ពិភពលោក​បាន​កើនឡើង​ពី ៦.៥២២ នាក់ ដល់ ២,៤៨ លាន​នាក់​៕