អាស៊ីតហ្វូលិក ឬសារធាតុហ្វូឡេត (Folate) គឺសំខាន់ណាស់សម្រាប់ដំណើរការមុខងារជាច្រើននៃសរីរាង្គក្នុងរាងកាយ រួមទាំងការជួសជុលនិងសំយោគ DNA, ការផលិតកោសិកាគ្រាប់ឈាមក្រហម, ទប់ស្កាត់ជំងឹខ្វះគ្រាប់ឈាមក្រហម, ជួយការអភិវឌ្ឍខួរក្បាលនិងឆ្អឹងខ្នងរបស់ទារកក្នុងផ្ទៃ, ទប់ស្កាត់ហានិភ័យនៃជំងឺមហារីកជាច្រើនប្រភេទ និងទប់ស្កាត់ហានិភ័យនៃជំងឺវង្វេង (Alzheimer’s)។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើអាហារអ្វីខ្លះជាប្រភពដ៏ប្រសើរនៃសារធាតុនេះ? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីអាហារដែលមានផ្ទុកសម្បូរទៅដោយសារធាតុហ្វូឡេត ៖

១. បន្លែស្លឹកបៃតងចាស់

បន្លែស្លឹកបៃតងចាស់ គឺប្រភពនៃអាហារដ៏ល្អបំផុតមួយនៃសារធាតុហ្វូឡេត ឬអាស៊ីតហ្វូលិក។ ដូច្នេះដើម្បីជាការប្រសើរអ្នកចាំបាច់គួរបង្កើនការទទួលទានបន្លែប្រភេទនេះ។

២. ទំពាំងបារាំង

ក្រៅពីអាស៊ីតហ្វូលិក ឬសារធាតុហ្វូឡេត ទំពាំងបារាំងក៏មានផ្ទុកសម្បូរទៅដោយសារធាតុចិញ្ចឹមចាំបាច់ជាច្រើនផ្សេងទៀតរួមមាន​ម៉ង់កាណែស វីតាមីន A វីតាមីន C និងវីតាមីន K ផងដែរ។ មួយពែងនៃទំពាំងបារាំងស្ងោរ ឬចំហុយអាចផ្ដល់ឱ្យរាងកាយនូវអាស៊ីតហ្វូលិកដល់ទៅ ០.២៦២មីលីក្រាមស្មើនឹង ៦៥ភាគរយនៃតម្រូវការអាស៊ីតហ្វូលិកប្រចាំថ្ងៃ។

៣. ផ្លែឈើប្រភេទ Citrus

រួមមានក្រូច ក្រូចឆ្មារ និងក្រូចថ្លុងជាដើមសុទ្ធតែមានផ្ទុកសម្បូរទៅដោយអាំស៊ីតហ្វូលិក ឬហ្វូឡេត។ ផ្លែឈើផ្សេងទៀតដែលជាប្រភពដ៏ប្រសើរនៃសារធាតុហ្វូឡេតរួមមានទំពាំងបាយជូរ, ល្ហុង, ចេក, ស្ត្របឺរី និងត្រសក់ផ្អែម។

៤. ប្រូខូលី ឬផ្កាខាត់ណាខៀវ

ក្រៅពីអាស៊ីតហ្វូលិក ឬហ្វូឡេត ប្រូខូលីក៏ជាប្រភពនៃវីតាមីននិងជាតិរ៉ែសំខាន់ៗផ្សេងទៀតដែលចាំបាច់សម្រាប់ដំណើរការមុខងាររាងកាយផងដែរ។

៥. ផ្លែបឺរ

ផ្លែបឺរ ១ផ្លែអាចផ្ដល់សារធាតុហ្វូឡេតដល់រាងកាយដល់ទៅ ២២ភាគរយនៃតម្រូវការប្រចាំថ្ងៃ។ ផ្លែបឺរក៏ជាប្រភពដ៏ប្រសើរនៃអាស៊ីតខ្លាញ់សុខភាពល្អ ជាតិសសៃនិងវីតាមីន K ផងដែរ។

៦. គ្រាប់ធញ្ញជាតិនិងគ្រាប់ពូជ

ប្រភពដ៏ប្រសើរនៃអាស៊ីតហ្វូលិក ឬសារធាតុហ្វូឡេតរួមមានគ្រាប់ផ្កាឈូករ័ត្ន គ្រាប់ល្ពៅ និងគ្រាប់អាល់ម៉ុនជាដើម ព្រមទាំងសណ្ដែកដីអាចផ្ដល់ឱ្យរាងកាយនូវបរិមាណខ្ពស់នៃអាស៊ីតហ្វូលិក ឬសារធាតុហ្វូឡេត។

៧. ផ្កាខាត់ណា

បន្លែប្រភេទ cruciferous ដូចជាផ្កាខាត់ណាក្រៅពីមានផ្ទុកសម្បូរទៅដោយសារធាតុហ្វូឡេត ក៏ជាប្រភពដ៏ប្រសើរនៃវីតាមីន C ផងដែរ។ ដូច្នេះកុំភ្លេចរួមបញ្ចូលបន្លែប្រភេទនេះក្នុងរបបអាហារប្រចាំថ្ងៃ៕