បញ្ហាស្នាមខ្សែលើថ្ងាសមិនពិបាកនឹងដោះស្រាយឡើយ! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) គួរធ្វើបែបណាទៅ? កុំបារម្ភ! ថ្ងៃនេះវេបសាយសុខភាព Health.com.kh នឹងបង្ហាញពីរូបមន្តបែបធម្មជាតិបំបាត់ស្នាមខ្សែ ឬជ្រួញលើថ្ងាស ៖
១. ចេកទុំ
អ្វីដែលអ្នកត្រូវធ្វើ គឺគ្រាន់តែកិនចេកទុំ ១ ផ្លែឱ្យម៉ដ្ឋ។ បន្ទាប់មកចាប់ផ្ដើមលាបមួយស្រទាប់ស្ដើងលើថ្ងាស និងរងចាំសម្រាប់រយៈពេលពី ១៥ ទៅ ២០ នាទី។ លាងសម្អាតចេញជាមួយទឹកក្ដៅឧណ្ហៗ។
២. ក្រូច ឬក្រូចឆ្មារ
គ្រាន់តែលាបម៉ាស្សាទឹកក្រូចស្រស់ ឬទឹកក្រូចឆ្មារស្រស់ផ្ទាល់លើស្នាមជ្រីវជ្រួញដែលលេចឡើងលើថ្ងាស និងរងចាំសម្រាប់រយៈពេល ១០ នាទី សឹមលាងសម្អាតចេញ។
៣. ប្រេងដូង ឬប្រេងអូលីវ
អ្វីដែលអ្នកត្រូវធ្វើ គឺគ្រាន់តែលាបម៉ាស្សាប្រេងដូង ឬប្រេងអូលីវបន្តិចលើស្នាមជ្រីវជ្រួញក្រោយលាងសម្អាតមុខរួចមុនពេលចូលគេង។ ចូរលាបម៉ាស្សារហូតដល់ជាតិប្រេងជ្រាបចូលក្នុងស្បែក។
៤. ផ្នែកពណ៌សនៃស៊ុត
អ្វីដែលអ្នកត្រូវធ្វើ គឺគ្រាន់តែលាយទឹកឃ្មុំ ១ ស្លាបព្រាបាយជាមួយផ្នែកពណ៌សនៃស៊ុត ១ គ្រាប់។ កូរលាយឱ្យសព្វ សឹមលាបម៉ាស្សាល្បាយលើថ្ងាស (អ្នកក៏អាចប្រើប្រាស់លើមុខនិងកផងដែរ)។ រងចាំសម្រាប់រយៈពេល ១៥ នាទី សឹមលាងសម្អាតចេញជាមួយទឹកត្រជាក់។
៥. ល្ហុង
បន្ថែមពីលើការទទួលទានអ្នកអាចកិនល្ហុងទុំឱ្យម៉ដ្ឋ រួចលាបវាលើស្នាមជ្រួញដែលលេចឡើងលើថ្ងាស។ លាងសម្អាតចេញនៅរយៈពេល ២០ នាទីក្រោយ៕