ខាងក្រោមនេះយើងខ្ញុំនឹងណែនាំអ្នកពីស៊ុបម្យ៉ាងដែលអាចជួយបង្កើនប្រព័ន្ធការពាររាងកាយអ្នកម្តាយបាន។ ម្យ៉ាងទៀតវានឹងជួយអ្នកមិនឲ្យមានអាការៈខ្វះឈាមឡើយ ថែមទាំងធ្វើឲ្យឈាមដើរបានល្អទៀតផង។ តើមានគ្រឿងផ្សំ និងរបៀបចម្អិនបែបណាខ្លះទៅ?
គ្រឿងផ្សំ ៖ ដំឡូងបារាំងចំនួន៥០ក្រាម ពុទ្ធ្រាក្រហមចំនួន៣គ្រាប់ ការ៉ុតចំនួន១០០ក្រាម សាច់ជ្រូកបីជាន់ចំនួន២០០ក្រាម ស្លឹកខ្ទឹមចំនួន១០ក្រាម ខ្ញីចំនួន២បន្ទះ ទឹកចំនួន៥០មីលីលីត្រ អំបិលចំនួនមួយស្លាបព្រាកាហ្វេតូច។
.jpg)
របៀបចម្អិន ៖
1. ដំបូងអ្នកត្រូវចិតសំបកការ៉ុត និងដំឡូងបារាំងចេញ រួចចិតជាដុំៗ។
.jpg)
2. បន្ទាប់មកអ្នកអាចចិតខ្ញីជាបន្ទះ ស្លឹកខ្ទឹមកាត់ជាកង់ៗ សាច់ជ្រូកចិតជាបន្ទះៗ។
.jpg)
3. បន្ទាប់មកទៀតអ្នកអាចយកសាច់ជ្រូកបីជាន់នោះទៅស្រុះទឹកក្តៅដើម្បីបំបាត់ជាតិគីមីទើបស្រង់ឡើង។
.jpg)
4. ក្រោយពេលដែលរៀបចំគ្រឿងផ្សំទាំងអស់រួច អ្នកអាចដាក់ទឹកក្នុងឆ្នាំង រួចដាក់គ្រឿងផ្សំទាំងអស់ចូលទៅដាំឲ្យពុះ ទើបប្តូរមកភ្លើងតូចរំងាស់ចំនួនកន្លះម៉ោង រួចដាក់អំបិលបន្តិចចូលទៅភ្លក់រសជាតិជាការស្រេច៕
.jpg)
