ថ្នាំដែលត្រូវបានគេហៅថា Limbrel ដែលគ្រូពេទ្យចេញវេជ្ជបញ្ជាដើម្បីព្យាបាលលើជំងឺរលាកសន្លាក់ឆ្អឹងនៃជង្គង់នោះ, មានទំនាក់ទំនងទៅនឹងករណីជាច្រើននៃជំងឺថ្លើម។
វេជ្ជបណ្ឌិត ណាហ្គា ឆាឡាសានី(Naga Chalasani) ជាប្រធាននៃជំងឺក្រពះពោះវៀន និងជំងឺថ្លើម បាននិយាយថា ឪពុកម្តាយដែលបានប្រើ Limbrel, ដែលត្រូវបានគេស្គាល់ថា flavocoxied, គួរតែត្រូវបានគេព្រមានអំពីសក្តានុពលសម្រាប់បញ្ហាថ្លើម។
គាត់បានបន្ថែមថា ឪពុកម្តាយមិនគួរវាយតម្លៃថា ថ្នាំដូចជា Limbrel នេះគឺផ្តល់សុវត្ថិភាព១០០%នោះទេ។
ដោយយោងតាមក្រុមហ៊ុនរោងចក្រថ្នាំ Primus ដែលជាក្រុមហ៊ុនបង្កើត Limbrel, សមាសធាតុផ្សំចំបងនៃថ្នាំគ្រាប់គឺធាតុផ្សំរុក្ខជាតិដែលត្រូវបានគេស្គាល់ថា bioflavonoids, ជាពិសេស baicalin និង catechins។ ក្រុមហ៊ុននិយាយថា Limbrel ជួយកាត់បន្ថយអត្រានៃការស្លាប់ និងបន្ថយភាពឈឺចាប់នៃសន្លាក់ និងការជាប់គាំងដែលទាក់ទងទៅនឹងការរលាកសន្លាក់ឆ្អឹងនេះ។
ចំពោះការស្រាវជ្រាវថ្មី, ឆាឡាសានី និងមិត្តរួមការងាររបស់គាត់បានវិភាគលើ ៨៧៧ករណីនៃការគ្រោះថ្នាក់លើថ្លើម និងបានរកឃើញថា ៤ករណីបានជាប់ទាក់ទងនឹង Limbrel។
អ្នកនិពន្ធបានសរសេរថា របាយការណ៍របស់យើងបានបង្ហាញថា flavocoxid គឺអាចបណ្តាលអោយមានគ្រោះថ្នាក់ដល់ថ្លើមបាន។ ពួកគេក៏បានសម្គាល់ឃើញផងដែរថា ក្រុមហ៊ុនថ្នាំបានរកឃើញ៣១ករណីដែលអាចកើតមានបញ្ហាថ្លើមក្នុងចំណោមអ្នកប្រើប្រាស់២៨៤.០០០នាក់ចាប់តាំងពីថ្នាំនេះត្រូវបាននាំចូលក្នុងទីផ្សារក្នុងឆ្នាំ២០០៤។
ឆាឡាសានីបាននិយាយថា វាមិនច្បាស់នោះទេដែលថា Limbrel អាចបណ្តាលអោយមានបញ្ហាថ្លើម, ទោះបីជាអ្នកស្រាវជ្រាវសង្ស័យថាសមាសធាតុផ្សំមួយនៃ Limbrel អាចធ្វើអោយមានបញ្ហានេះក៏ដោយ។
វេជ្ជបណ្ឌិត រ៉ូប៊ឺត លឺវី (Robert Levy) ជាប្រធាននៃការវិវត្តវេជ្ជសាស្ត្រសម្រាប់ក្រុមហ៊ុន Primus, Limbrel គឺជាថ្នាំប្រឆាំងនឹងការរលាកដែលមានសុវត្ថិភាពជាងគេបំផុតនៅលើទីផ្សារ។
គាត់បានបន្ថែមថា Limbrel មានកម្រិតសុវត្ថិភាពចម្លែក។ គាត់ក៏បានបន្ថែមថា ថ្នាំត្រូវតែចេញវេជ្ជបញ្ជា និងប្រើប្រាស់ក្រោមការណែនាំរបស់អ្នកឯកទេស។