នាយករដ្ឋមន្ត្រីថៃ លោក ប្រាយុទ្ធ ចានអូចា បាននិយាយកាលពីថ្ងៃចន្ទថា លោកនឹងក្លាយជាជនជាតិថៃដំបូងគេ ដែលបានចាក់វ៉ាក់សាំងការពារកូវីដ-១៩ Sinovac ដែលនឹងមកដល់នៅថ្ងៃពុធ ពីប្រទេសចិន។ ហើយលោកបាននិយាយថា “ខ្ញុំត្រៀមខ្លួនរួចរាល់ដើម្បីចាក់វ៉ាក់សាំង”។
ការដឹកជញ្ជូនវ៉ាក់សាំង Sinovac លើកដំបូងចំនួន ២០០.០០០ ដូស នឹងមកដល់ទីក្រុងបាងកកនៅថ្ងៃពុធតាមជើងហោះហើរអន្តរជាតិថៃអ៊ែរវ៉េ។ ចំនួន ៨០០.០០០ ដូសទៀតនឹងមកដល់នៅខែមីនា និង ១លានដូស បន្ថែមទៀតនៅខែមេសា។
រដ្ឋាភិបាលថៃ ក៏បានទិញថ្នាំចំនួន ២៦ លានដូសពីក្រុមហ៊ុនថ្នាំ AstraZeneca ដែលជាក្រុមហ៊ុនឱសថអង់គ្លេស – ស៊ុយអែត ផងដែរ៕