ការស្រាវជ្រាវបានធ្វើរបាយការណ៍ថា ម្តាយដែលបង្កើតបានកូនតូចអាចមានមុខងារបេះដូងមិនធម្មតា ហើយជាហានិភ័យរយៈពេលយូរនៃបញ្ហាបេះដូង។
ការស្រាវជ្រាវបានទាក់ទិនទៅនឹងស្ត្រី២៩នាក់ដែលមានទារកលូតលាស់យឺត, ស្ត្រី២៥នាក់មានព្រាយក្រឡាភ្លើង(សម្ពាធឈាមខ្ពស់អំឡុងពេលមានផ្ទៃពោះ) និងស្ត្រី៥៨នាក់មានសភាពធម្មតានៃការមានផ្ទៃពោះ។
វេជ្ជបណ្ឌិត បាស្គី ថៃឡាហ្គាណាថាន(Basky Thilaganathan) ជាប្រធានផ្នែកវេជ្ជសាស្ត្រម្តាយ និងទារកនៅឯសាកលវិទ្យាល័យ St. George ក្នុងទីក្រុងឡុង បាននិយាយថា ស្ត្រីដែលការមានផ្ទៃពោះរបស់ពួកគេត្រូវបានប៉ះពាល់ទៅនឹងការរីកលូតលាស់យឺតនៃទារក ត្រូវបានគេដឹងថាមានហានិភ័យនៃជំងឺសរសៃឈាមបេះដូង និងការស្លាប់។
ការផ្លាស់ប្តូររបៀបរស់នៅ និងការប្រើប្រាស់ថ្នាំអាចជួយស្ត្រីទាំងនោះអោយបន្ថយហានិភ័យនៃជំងឺសរសៃឈាមបេះដូងទៅថ្ងៃមុខ និងការស្លាប់។
អ្នកស្រាវជ្រាវបាននិយាយថា ស្ត្រីមួយចំនួនដែលមានកូនតូចអាចមានបញ្ហាបេះដូងដែលបណ្តាលអោយបេះដូងធ្វើការមិនមានប្រសិទ្ធភាពចំពោះមុខងារដ្យាស្តូល ឬដំណាក់កាលនៃការរលាបេះដូង។ ពួកគេបានសម្គាល់ឃើញថា លក្ខខ័ណ្ឌនេះបង្កើនហានិភ័យនៃជំងឺខ្សោយបេះដូងរបស់ពួកគេ។