Join with Health.com.kh on Telegram

​រាងកាយ​អ្នក ត្រូវការ​ជាតិ​កាល់ស្យូម និង​វីតាមីន D​។ ដូច្នេះ តើ​អ្នក​បានទទួល​វា​គ្រប់គ្រាន់​ហើយ​ឫ​នៅ​? មនុស្ស​ជាច្រើន មិនបាន​ទទួល​វា​គ្រប់គ្រាន់​ទេ​។

​វិធី​ដ៏​ល្អ​បំផុត ដើម្បី​ទទួលបាន​កាល់ស្យូម គឺ​របប​អាហារ​របស់​អ្នក​។ អ្នក​ប្រហែលជា បានដឹងហើយថា ផលិតផល​ទឹកដោះគោ ដូចជា​ទឹកដោះគោ ឈី​ស និង​យ៉ា​អួរ ផ្តល់នូវ​ជាតិ​កាល់ស្យូម​។ ប៉ុន្តែ នៅទីនេះ យើង​នឹង​ប្រាប់​អាថ៌កំបាំង​ផ្សេងទៀត​ដល់​អ្នក ចំពោះ​អាហារ​ដែល​ផ្ទុក​នូវ​ជាតិ​កាល់ស្យូម​។ អាហារ​ទាំងនោះ មាន​៖

.​ស្ពៃ Spinach (​បន្លែ​ម្យ៉ាង​ស្រដៀង​ស្ពៃ​ខ្មៅ​)
.​ខាត់ណា​
.​ពោត​បារាំង​
.​ស្ពៃ Collards
.​សណ្តែកសៀង​
.​សណ្តែក​ស​
.​ត្រី​មួយចំនួន ដូចជា​ត្រី​សា​ឌី​ន ត្រី​សាល​ម៉ុ​ន
.​ត្រី Perch
.​ត្រី rainbow trout
.​អាហារ​បង្កើន​កំលាំង​ដែល​ផ្ទុក​ជាតិ​កាល់ស្យូម ដូចជា ទឹកក្រូច ម្ស៉ៅ​ធញ្ញជាតិ និង​ធញ្ញជាតិ​សម្រាប់​អាហារ​ពេលព្រឹក​។​

​ចំណែក​អាហារ​ដែល​ផ្ទុក​ទៅ​វីតាមីន D មានដូចជា​៖

.​ត្រី​មាន​ជាតិ​ខ្លាញ់ ដូចជា ត្រី​ធូ​ណា ត្រី​ស្បៃ​កា (mackerel) និង​ត្រី​សាល​ម៉ុ​ន​
.​អាហារ​ដែល​សំបូរ​ទៅដោយ​វីតាមីន D ដូចជា​ផលិតផល​ផ្សំ​ពី​ទឹកដោះគោ ទឹក​ក្រូច​ទឹកដោះគោ សណ្តែក និង​ធញ្ញជាតិ​
.​ថ្លើម​គោ​
.​ឈី​ស​
.​ស៊ុត​ក្រហម​

​ដើម្បី​ទទួលបាន​វីតាមីន D ពី​អាហារ ត្រី​គឺជា​ជម្រើស​ដ៏​ល្អ​។

​តើ​រាងកាយ​អ្នកត្រូវការ​ជីវជាតិ​ទាំងនេះ​ប៉ុន្មាន​?
​យោងតាម​វិទ្យាស្ថាន​វេជ្ជសាស្ត្រ ខាងក្រោម​នេះ​ជា​ចំនួន​ដែល​អ្នកត្រូវការ កាល់ស្យូម ​និង ​វីតាមីន D ក្នុង​មួយថ្ងៃ​។​

​កាល់ស្យូម​
.​កុមារ អាយុ​ពី ១-៣ ឆ្នាំ ៖ ៧០០​ម​.​ល​
.​កុមារ អាយុ​ពី ៤-៨ ឆ្នាំ ៖ ១.០០០​ម​.​ល​
.​កុមារ អាយុ​ពី ៩-១៨ ឆ្នាំ ៖ ១.៣០០​ម​.​ល​
.​មនុស្សពេញវ័យ អាយុ​ពី ១៩-៥០ ឆ្នាំ ៖ ១.០០០​ម​.​ល​
.​ស្ត្រី អាយុ​ពី ៥១-៧០ ឆ្នាំ ៖ ១.២០០​ម​.​ល​
.​បុរស​អាយុ ៥១-៧០ ៖ ១.០០០​ម​.​ល​
.​ស្ត្រី និង​បុរស អាយុ ៧១ ឆ្នាំ​ឡើងទៅ ៖ ១.២០០​ម​.​ល​

​វីតាមីន​ D
.​អាយុ​ពី ១-៧០​ឆ្នាំ ៖ ៦០០IU
.​អាយុ​ពី ៧១ ឆ្នាំ​ឡើងទៅ ៖ ៨០០IU

​គ្រូពេទ្យ​របស់​អ្នក​អាច​ណែនាំ​អោយមាន​កំរិត​កាល់ស្យូម និង​វីតាមីន D ខ្ពស់​ជាពិសេស​ប្រសិនបើ​អ្នក​មិនបាន​ទទួល​វា​គ្រប់គ្រាន់ ឬ​មាន​ហានិភ័យ​នៃ​ជំងឺ​ពុក​ឆ្អឹង​៕