សម្រស់នៃសក់ក៏ចាំបាច់ខ្លាំងណាស់ដែរសម្រាប់មនុស្សយើងម្នាក់ៗពិសេសស្ត្រី! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ទោះជាយ៉ាងណាផលិតផលថែរក្សាសក់មួយចំនួនដែលដាក់លក់លើទីផ្សារច្រើនតែមានផ្ទុកសម្បូរទៅដោយសារធាតុគីមី។ ប៉ុន្តែកុំបារម្ភ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងរូបមន្តធម្មជាតិងាយៗជួយរក្សាសម្រស់សក់ ៖
១. ខ្ទិះដូង
អ្វីដែលអ្នកត្រូវធ្វើ គឺគ្រាន់តែប្រើប្រាស់ខ្ទិះដូងជាក្រែមបន្ទន់លាបទៅលើសក់ក្រោយពេលកក់ជាមួយសាប៊ូរួច។ រូបមន្តនេះសាកសមណាស់សម្រាប់ព្យាបាលសក់ស្ងួតនិងមិនរលាស់។
២. លាងសម្អាតជាមួយទឹកត្រជាក់
ដើម្បីរក្សាបាននូវសម្រស់សក់ស្អាតអ្វីដែលអ្នកត្រូវធ្វើ គឺគ្រាន់តែប្រើប្រាស់ទឹកត្រជាក់លាងសម្អាតសក់នៅពេលចុងក្រោយ។
៣. ទឹកខ្មេះផ្លែប៉ោម
សក់ស្ងួតនិងទន់រលោងអាចជាបញ្ហាទូទៅបំផុតមួយនៅរដូវធ្លាក់ខ្យល់ដូច្នេះអ្វីដែលអ្នកត្រូវធ្វើ គឺគ្រាន់តែលាយទឹកខ្មេះផ្លែប៉ោម ២ស្លាបព្រាបាយជាមួយទឹកធម្មតា។ ក្រោយពេលកក់សម្អាតសក់និងប្រើប្រាស់ក្រែមបន្ទន់ ចូរចាក់ទឹកល្បាយលើសក់និងចាប់ផ្ដើមម៉ាស្សាស្បែកក្បាល។ រងចាំសម្រាប់រយៈពេលពី ២ ទៅ ៣ នាទី សឹមលាងសម្អាតចេញ។
៤. ស៊ុត
អ្វីដែលអ្នកត្រូវធ្វើ គឺគ្រាន់តែកូរវឹកស៊ុត ២ គ្រាប់ឱ្យសព្វ សឹមលាបម៉ាស្សាលើស្បែកនិងសក់ដែលសើម។ ទុកចោលសម្រាប់រយៈពេលពី ៣០ ទៅ ៦០ នាទី សឹមលាងសម្អាតចេញជាមួយទឹកត្រជាក់និងកក់សក់ជាមួយសាប៊ូកម្រិតស្រាល។ អនុវត្តរូបមន្តនេះឱ្យបានយ៉ាងហោចណាស់ពី ២ ទៅ ៣ ដងក្នុងមួយសប្តាហ៍។ រូបមន្តនេះសាកសមណាស់សម្រាប់ព្យាបាលសក់ស្ងួត។
៥. ប្រេងអូលីវ
អ្វីដែលអ្នកត្រូវធ្វើ គឺគ្រាន់តែកម្ដៅប្រេងអូលីវឱ្យក្ដៅឧណ្ហៗ និងលាបលើសក់។ រូបមន្តនេះជួយឱ្យសក់រឹងមាំនិងមានពន្លឺ។
៦. ប្រទាលកន្ទុយក្រពើ
អ្វីដែលអ្នកត្រូវធ្វើ គឺគ្រាន់តែលាបជែល ឬទឹកប្រទាលកន្ទុយក្រពើស្រស់សុទ្ធលើសក់។ រងចាំសម្រាប់រយៈពេលយូរប៉ុណ្ណាក៏បានតាមចិត្តដែលអ្នកចង់ រួចសឹមលាងសម្អាតចេញតាមក្រោយ។ រូបមន្តនេះជួយផ្ដល់សំណើម និងបំប៉នសក់ឱ្យរឹងមាំភ្លឺរលោង៕