ទោះបីជាភាគច្រើននៃពួកយើងស្គាល់និងឧស្សាហ៍យកម្សៅការីមកច្នៃចំអិនជាម្ហូប ប៉ុន្តែប្រហែលជាមិនធ្លាប់ដឹងទេថាគ្រឿងទេសនេះល្អសម្រាប់សុខភាពសម្រស់។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើអ្នកអាចយកម្សៅការីមកប្រើប្រាស់ដោះស្រាយបញ្ហាសម្រស់អ្វីបានខ្លះ? ខាងក្រោមវេបសាយសុខភាព Health.com.kh នឹងបង្ហាញឱ្យដឹងគន្លឹះងាយៗប្រើប្រាស់ម្សៅការីថែរក្សាសម្រស់ ៖

១. កម្ចាត់មុន

អ្វីដែលអ្នកត្រូវធ្វើ គឺគ្រាន់តែលាយម្សៅការីជាមួយទឹកឱ្យក្លាយជាល្បាយខាប់ៗ រួចលាបលើមុន។ រងចាំរហូតដល់ស្ងួតសឹមលាងសម្អាតចេញ។ អនុវត្តជាប្រចាំរហូតទទួលបានលទ្ធផលគាប់ចិត្ត។

២. ពន្យឺតដំណើរការនៃភាពចាស់តាមវ័យរបស់ស្បែក

អ្វីដែលអ្នកត្រូវធ្វើ គឺគ្រាន់តែរួមបញ្ចូលម្សៅការីក្នុងអាហារ។ ម្សៅការីមានផ្ទុកសម្បូរទៅដោយសារធាតុប្រឆាំងអុកស៊ីតកម្មនិងលក្ខណៈសម្បត្តិប្រឆាំងការរលាកដែលល្អណាស់សម្រាប់ពន្យឺតដំណើរការភាពចាស់តាមវ័យនៃស្បែក។

៣. កម្ចាត់ស្នាមខ្មៅក្រោមភ្នែក

គ្រាន់តែលាយម្សៅការីជាមួយទឹកក្រូចឆ្មារស្រស់បន្តិចឱ្យក្លាយជាល្បាយខាប់ៗ រួចលាបលើក្រោមភ្នែកកន្លែងដែលមានបញ្ហា និងរងចាំដល់ស្ងួតសឹមលាងសម្អាតចេញជាការស្រេច។

៤. ជួយឱ្យសក់កាន់តែក្រាស់ជាងមុន

លាយម្សៅការីជាមួយប្រេងដូងបន្ទាប់មកសឹមលាបម៉ាស្សាលើស្បែកក្បាលជាការស្រេច។ លាងសម្អាតចេញជាមួយសាប៊ូកម្រិតស្រាល និងទឹកក្ដៅឧណ្ហៗ។ រូបមន្តនេះក៏ជួយកម្ចាត់អង្គែនិងអាការៈរមាស់ស្បែកក្បាលផងដែរ៕