ការស្រាវជ្រាវថ្មីមួយបានរកឃើញថា ការឆ្លងមេរោគអេដស៍ ដែលជាវីរុសដែលបង្កអោយទៅជាជំងឺអេដស៍ មិនលេចឡើងជាការកើនឡើងហានិភ័យនៃជំងឺមហារីកកស្បូនចំពោះស្ត្រីនោះទេ។
អ្នកស្រាវជ្រាវបានមើលទៅលើស្ត្រីដែលឆ្លងមេរោគអេដស៍ចំនួន៤០០នាក់ និងស្ត្រីដែលមិនមានផ្ទុកមេរោគអេដស៍ចំនួនជិត៣០០នាក់ ហើយអ្នកទាំងអស់នោះបានធ្វើតេស្ត Pap ឃើញធម្មតា និងលទ្ធផលអវិជ្ជមាននៃមេរោគ HPV នៅពេលចាប់ផ្តើមក្នុងពេលស្រាវជ្រាវ។ ប្រភេទទូទៅនៃមេរោគ HPV ត្រូវបានគេស្គាល់ជាទូទៅដែលបង្កអោយទៅជាជំងឺមហារីកកស្បូន។ វេជ្ជបណ្ឌិត ហូវាដ ស្ទ្រីកលឺរ(Howard Strickler) មកពីសាកលវិទ្យាល័យវេជ្ជសាស្ត្រ Yeshiva ក្នុងទីក្រុងញូវយ៉កបាននិយាយថា បន្ទាប់ពីការតាមដានអស់រយៈពេល៥ឆ្នាំ, ហានិភ័យនៃការឈានចូលជំងឺមហារីកកស្បូនគឺហាក់ដូចជាទាបស្រដៀងគ្នានៃស្ត្រីទាំងពីរក្រុមនោះ។
ការស្រាវជ្រាវត្រូវបានចេញផ្សាយនៅថ្ងៃទី ២៥ ខែកក្កដា នៅក្នុង Journal of the American Medical Association។
អ្នកស្រាវជ្រាវបាននិយាយថា ការស្រាវជ្រាវបានបង្ហាញថា ហានិភ័យនៃជំងឺមហារីកកស្បូនក្នុងរយៈពេល៥ឆ្នាំចំពោះស្ត្រីមានជំងឺអេដស៍ដែលមានលទ្ធផលតេស្ត Pap ធម្មតា និងមិនមានមេរោគ HPV នោះគឺស្រដៀងគ្នាទៅនឹងហានិភ័យនៃស្ត្រីដែលមិនមានផ្ទុកមេរោគអេដស៍ដែរ។
អ្នកស្រាវជ្រាវបានសរុបថា ការស្រាវជ្រាវថ្មីៗនេះបានគូសយកចំណុចសំខាន់លើការធ្វើតេស្តដែលរួមមានតេស្តរកមើលមេរោគ HPV ក៏ដូចជាតេស្តជាក់លាក់ដទៃទៀតដែរដើម្បីផ្តល់ភាពប្រសើរឡើងដល់ការតាមដានជំងឺមហារីកកស្បូនចំពោះស្ត្រីដែលបានឆ្លងមេរោគអេដស៍។