Join with Health.com.kh on Telegram

​ការស្រាវជ្រាវ​ថ្មី​មួយ​បាន​បង្ហាញថា ក្នុង​ចំណោម​អ្នក​ជក់បារី​, មុខងារ​របស់​សួត​អាច​ថយ​ចុះ​លឿន​ចំពោះ​អ្នក​ដែល​មាន​ការខ្វះ​វីតាមីន D ជាង​អ្នក​ដែល​មាន​កម្រិត​វីតាមីន D ធម្មតា​។​

​វេជ្ជបណ្ឌិត ណេន​ស៊ី លេន​(Nancy Lange) នៃ​មន្ទីរពិសោធន៍ Channing ក្នុង​ទីក្រុង​ប៊ុ​ស្តុន​បាន​និយាយថា វីតាមីន D​អាច​ផ្តល់​អោយមាន​ការការពា​រ​តិចតួច​ក្នុង​ការប្រឆាំង​នឹង​ការខូចខាត​សួត​ដែល​កើតមានឡើង​ពី​ការជក់បារី​។​

​គាត់​បាន​និយាយថា ប្រសិនបើ​ការស្រាវជ្រាវ​នេះ​ត្រូវបាន​ចម្លង​ចេញពី​ការស្រាវជ្រាវ​ដទៃ​, ថ្នាំ​គ្រាប់​វីតាមីន D អាច​មាន​សក្តានុពុល​ខ្ពស់​ដើម្បី​ផ្តល់​ការការពារ​ប្រឆាំង​នឹង​ការខូចខាត​មុខងារ​របស់​សួត​ដែល​ត្រូវ​បាន​បង្កឡើង​ដោយ​ការជក់បារី​។​

​លេន​បាន​សង្កត់ធ្ងន់ថា ប្រសិទ្ធភាព​គឺ​ទាប និង​ការធ្វើអន្តរាគមន៍​សំខាន់បំផុត​, ទាំង​មុខងារ​សួត និង​សុខភាព​រួម​, គឺ​សម្រាប់​អ្នក​ដែល​ឈប់​ជក់បារី​។​

​ការស្រាវជ្រាវ​ត្រូវ​បាន​ចេញផ្សាយ​នៅ​ក្នុង​American Journal of Respiratory and Critical Care Medicine​។​

​ចំពោះ​ការស្រាវជ្រាវ​, ក្រុម​របស់​លេន​បាន​មើលទៅ​បុរស​ជនជាតិ​ស្បែក​ស​ជាង​៦០០​នាក់​។ ក្នុងចំនោម​បុរស​ទាំងអស់​នោះ​, អ្នកស្រាវជ្រាវ​បាន​មើល​ទៅលើ​ការផ្សារភ្ជាប់​គ្នា​រវាង​វីតាមីន D និង​មុខងារ​របស់​សួត​។​

​ការតាមដាន​រយៈពេល​២០​ឆ្នាំ​, អ្នកស្រាវជ្រាវ​បាន​រកឃើញថា មុខងារ​របស់​សួត​ក្នុង​ចំនោម​អ្នក​ជក់បារី​ដែល​មាន​កម្រិត​វីតាមីន D ធម្មតា​គឺ​មាន​ភាព​យ៉ាប់យឺន​តិចជាង​អ្នក​ជក់បារី​ដែល​មាន​កម្រិត​វីតាមីន D ទាប​។​

​អ្នកស្រាវជ្រាវ​បាន​សម្គាល់​ឃើញថា ទោះជា​យ៉ាងណា​ក៏ដោយ​, វីតាមីន D មិន​មាន​ឥទ្ធិពល​ជាក់លាក់​លើ​មុខងារ​របស់​សួត​នៅពេល​ដែល​មើល​បញ្ចូល​គ្នា​លើ​អ្នក​ជក់បារី និង​អ្នក​មិន​ជក់បារី​។​

​ការកំណត់​នៃ​ការស្រាវជ្រាវ​រួម​មាន​ការ​គូស​ចំណាំ​ចំនុច​សំខាន់ៗ​របស់​វា និង​ការប្រែប្រួល​កម្រិត​វីតាមីន D​។​វេជ្ជបណ្ឌិត អារុ​ណាប់ ថ​ល​វ៉ា​(Arunabh Talwar) ជា​ប្រធាន​នៃ​កម្មវិធី​ជំងឺ​សួត​នៅ North Shore- LIJ Health System ក្នុង​ទីក្រុង​ញូវយ៉ក​បាន​និយាយថា នេះ​ប្រាប់​យើង​ថា ចំពោះ​អ្នក​ជក់បារី​, ប្រសិនបើ​យើង​អាច​ការពារ​ភាពខ្វះខាត​នៃ​កម្រិ​វីតាមីន D, យើង​អាច​ពន្យារ​ការធ្លាក់ចុះ​ចំពោះ​មុខងារ​សួត​របស់​ពួកគេ​។​

​ថ​ល​វ៉ា​បាន​បន្ថែមថា ទោះបីជា​អ្នក​រាល់គ្នា​ថយចុះ​មុខងារ​នៃ​សួត​ទៅតាម​អាយុ​របស់​ពួកគេ​ក៏​ដោយ​, ប៉ុន្តែ​អ្នក​ជក់បារី​ថយចុះ​មុខងារ​សួត​របស់​ពួកគេ​លឿន​ជាង​អ្នក​មិន​ជក់បារី​។ គាត់​បាន​បន្ថែមថា កង្វះ​វីតាមីន D ហាក់ដូចជា​ធ្វើអោយ​មុខងារ​នេះ​កាន់តែ​អាក្រក់​ទៅៗ​។​

​ថ​ល​វ៉ា​បាន​សង្កត់ធ្ងន់ថា ការប្រើប្រាស់​ថ្នាំ​គ្រាប់​វីតាមីន D មិន​ជំនួស​អោយ​ការឈប់​ជក់បារី​នោះទេ​។ គាត់​បាន​សម្គាល់​ឃើញថា អ្នក​ជក់បារី​ក៏​កើនឡើង​ហានិភ័យ​សម្រាប់​ការ​គាំងបេះដូង​, ជំងឺ​ដាច់​សរសៃឈាម​ខួរក្បាល និង​ជំងឺមហារីក​។​

​វេជ្ជបណ្ឌិត ម៉ៃ​ឃើ​ល ហ៊ូ​លី​ក​(Michael Holick) ជា​សាស្ត្រាចារ្យ​ខាង​ផ្នែក​វេជ្ជសាស្ត្រ​, សរីរ​សាស្ត្រ និង​ជីវ​រូបសាស្ត្រ​នៅ​សាកលវិទ្យាល័យ​វេជ្ជសាស្ត្រ ប៊ុ​ស្តុន​បាន​បន្ថែមថា វា​ជា​រឿង​មួយ​ដដែល​ជាមួយនឹង​ការស្រាវជ្រាវ​ដទៃ​ទៀត​អំពី​វីតាមីន D និង​មុខងារ​របស់​សួត​។​

​គាត់​បាន​បង្ហាញថា ឧទាហរណ៍​, កុមារ​ដែល​ខ្វះ​វីតាមីន D ហាក់ដូចជា​វិវត្ត​ទៅ​ជា​ការពិបាក​ដកដង្ហើ​ម និង​ជំងឺហឺត​។​

​ហ៊ូ​លី​ក​បាន​បញ្ជាក់ថា វា​មិនមាន​ការភ្ញាក់ផ្អើល​ដែល​ថា​អ្នក​ជក់បារី​ដែល​ខ្វះ​វីតាមីន D មាន​មុខងារ​សួត​ថយ​ចុះ​នោះ​ទេ​។ គាត់​បាន​បន្ថែមថា ក៏​មាន​ការស្រាវជ្រាវ​មួយចំនួន​ដែរ​ដែល​បានបង្ហាញ​ថា ការជក់បារី​បន្ថយ​កម្រិត​វីតាមីន D​។​

​ហ៊ូ​លី​ក​បាន​និយាយថា វា​អាច​ថា វីតាមីន D មាន​មុខងារ​ក្នុង​ការរក្សា​ជាលិកា​សួត​អោយ​មាន​មុខងារ​ល្អ​។​