Join with Health.com.kh on Telegram

​ការស្រាវជ្រាវ​ថ្មី​មួយ​បាន​បង្ហាញថា អ្នក​ដែល​មាន​បញ្ហា​សុខភាព​រាងកាយ​គឺ​ហាក់ដូចជា​ងាយ​នឹង​ស្វែងរក​ការព្យាបាល​បញ្ហា​ផ្លូវចិត្ត​ជាង​អ្នក​ដែល​មិន​មាន​បញ្ហា​ទាំងអស់​នោះ​។​

​ចាង​ហូ យ៉ូន​(Jangho Yoon) ដែល​មកពី​សាកលវិទ្យាល័យ Ohio State បាន​និយាយថា បញ្ហា​ទាក់ទង​គ្នា​រវាង​សុខភាព​រាងកាយ និង​សុខភាព​ផ្លូវចិត្ត​ត្រូវបាន​គេ​សង្ស័យ​យូរ​មក​ហើយ​។​

​នៅពេលដែល​ខ្ញុំ​ឈឺ​ខ្នង​, ខ្ញុំ​មាន​អារម្មណ៍​ថា​ស្ត្រេ​ស​។ គាត់​បាន​និយាយថា “​ប្រសិនបើ​វា​ប៉ះពាល់​ដល់​ដំណើរការ​នៃ​ការងារ​របស់​ខ្ញុំ ឬ​សកម្មភាព​ផ្សេង​ទៀត​ប្រចាំថ្ងៃ​របស់​ខ្ញុំ​, ខ្ញុំ​អាច​មាន​អារម្មណ៍​មិន​សប្បាយចិត្ត ឬ​ធ្លាក់​ទឹកចិត្ត​តិចតួច​ផងដែរ​”​។​

​ការស្រាវជ្រាវ​បាន​មើល​ទៅលើ​មនុស្ស​ពេញវ័យ​ចំនួន​ជាង​៦.០០០​នាក់​។ មិន​មាន​អ្នកចូលរួម​ណា​បាន​ប្រាប់​ពី​បញ្ហា​ផ្លូវកាយ ឬ​ផ្លូវ​ចិត្ត​ពី​មុន​នោះ​ទេ​។​

​បន្ទាប់​ពី​លុបចោល​នូវ​បញ្ហា​ផ្លូវកាយ​មួយចំនួន​ដូចជា ជំងឺមហារីក​, ជំងឺ​ដាច់​សរសៃឈាម​ខួរក្បាល និង​ការ​គាំងបេះដូង​នោះ​, អ្នកស្រាវជ្រាវ​ក៏​បាន​រកឃើញ​ផងដែរ​ថា អ្នក​ដែល​មាន​បញ្ហា​សុខភាព​ផ្លូវកាយ​ងាយ​នឹង​រក​ការយកចិត្តទុកដាក់​ខាង​ផ្នែក​ផ្លូវចិត្ត​៣​ដង​។​

​ពួកគេ​ក៏​បាន​រកឃើញថា អ្នក​ដែល​មាន​អារម្មណ៍​ថា​មាន​បញ្ហា​សុខភាព​រាងកាយ​ដែល​មាន​សភាព​ធ្ងន់​ហាក់ដូចជា​ស្វែងរក​ការព្យាបាល​លើ​សុខភាព​ផ្លូវចិត្ត​ផងដែរ​។​

​ការស្រាវជ្រាវ​ត្រូវ​បាន​ចេញផ្សាយ​នៅ​ក្នុង Health Services Research​។​

​យ៉ូន​ជឿថា ការស្ទង់មតិ​នៃ​ការតាមដាន​ធម្មតា​អាច​ជួយ​គ្រូពេទ្យ​អោយ​ប៉ាន់ស្មាន​លើ​អ្នកជំងឺ និង​កែសម្រួល​ពួកគេ​អោយ​ធ្វើការ​ព្យាបាល​សុខភាព​ផ្លូវចិត្ត​ប្រសិន​បើ​ពួកគេ​ត្រូវការ​នោះ​។​

​យ៉ូន​បាន​និយាយថា ប្រភេទ​ដំបូង​គួរតែ​ជា​រឿង​ដែល​ត្រូវ​ជោគជ័យ​។ មាន​ឪ​កាស​ជាច្រើន​ក្នុង​សន្សំ​តម្លៃ​ចំពោះ​ប្រព័ន្ធ​សុខាភិបាល​របស់​ពួកយើង​ប្រសិនបើ​យើង​កំណត់​ពី​បញ្ហា​ផ្លូវចិត្ត​បាន​ទាន់ពេលវេលា​មុន​នឹង​ពួកគេ​ក្លាយ​ជា​ធ្ងន់ធ្ងរ​នោះ​។​

​គាត់​បាន​បន្ថែមថា សំខាន់​ជាងនេះទៅទៀត​នោះ​, ការយកចិត្តទុកដាក់ និង​ការធ្វើអន្តរាគមន៍​បាន​ទាន់ពេល​នាំអោយ​មាន​លទ្ធផល​ល្អ​ដល់​សុខភាព និង​មាន​លទ្ធផល​ល្អ​ដល់​អ្នកជំងឺ​ផងដែរ​។​