Join with Health.com.kh on Telegram

​កាលពីមុន កាហ្វេ​អ៊ី​ន​ត្រូវបាន​ផ្សារភ្ជាប់​ទៅ​នឹង​ការបន្ថយ​ហានិភ័យ​នៃ​ការវិវត្ត​នៃ​ជំងឺ Parkinson ប៉ុន្តែ​ការស្រាវជ្រាវ​ថ្មីៗ​នេះ​បាន​បង្ហាញថា ការភ្ញោ​ចនោះ​ក៏​អាច​ជួយ​ព្យាបាល​រោគសញ្ញា​នៃ​ជំងឺ​នេះ​ផង​ដែរ​។​

​ក្នុង​ការស្រាវជ្រាវ​តូច​មួយ​លើ​មនុស្ស​ដែល​មាន​ជំងឺ Parkinson ចំនួន​៦១​នាក់​, អ្នកស្រាវជ្រាវ​ជនជាតិ​កាណាដា​បាន​រកឃើញថា ការផ្តល់​ជាតិ​កាហ្វេ​អ៊ី​ន​ប្រហែល​៣​ពែង​ក្នុង​មួយថ្ងៃ បានផ្តល់​ភាពប្រសើរ​ឡើង​ដល់​រោគសញ្ញា​នៃ​ចលនា​ដូចជា ការ​ធ្វើ​ចលនា​យឺតៗ និង​ការ​គាំង​នោះ​។ អ្វី​ដែល​ចាប់អារម្មណ៍​នោះ​, កាហ្វេ​អ៊ី​ន​នឹងមិន​ធ្វើអោយ​ប្រសើរ​ឡើង​ដល់​ការងុយគេង​នៅពេល​ថ្ងៃ ដែល​ជា​រោគសញ្ញា​ទូទៅ​នៅក្នុង​ជំងឺ Parkinson នេះ​។​

​វេជ្ជបណ្ឌិត រ៉ូ​ណាល់ ផូ​ស្ទុ​ម៉ា​(Ronald Postuma) ជា​សាស្ត្រាចារ្យ​រង​នៅ​ផ្នែក​សរសៃវិញាណ​នៅក្នុង​សាកលវិទ្យាល័យ McGill ក្នុង​ទីក្រុង Montreal បាន​និយាយថា កាហ្វេ​អ៊ី​ន​អាច​ព្យាបាល​ជំងឺ Parkinson បាន​។​អ្វី​ដែល​យើង​បានឃើញ​ថា​វា​មាន​សារៈប្រយោជន៍​ខ្ពស់​បំផុត​ពី​កាហ្វេ​អ៊ី​ន​នោះ​គឺ​ទិដ្ឋភាព​ដែល​ស្តែង​ចេញ​ជា​ចលនា និង​រោគសញ្ញា​។ អ្នកជំងឺ​មាន​អារម្មណ៍​ល្អ និង​មាន​កម្លាំង​ជាង​មុន​។ អ្នក​អាច​ឃើញ​លើ​ការពិនិត្យ​ដែល​ពួកគេ​មាន​ភាពប្រសើរឡើង​។​

​ជំងឺ Parkinson គឺ​ជា​ជំងឺ​មួយ​ដែល​បណ្តាល​អោយ​ញ័រ​, គាំងៗ​, ធ្វើ​ចលនា​យឺតៗ និង​ពិបាក​ទប់​លំនឹង​។ ជនជាតិ​អាមេរិក​ជាង​១​លាន​នាក់​មាន​ជំងឺ Parkinson និង​ជាង​៥០.០០០​នាក់​ត្រូវបាន​គេ​ធ្វើ​រោគវិនិច្ឆ័យ​ថា​មាន​ជំងឺ​នោះ​ក្នុង​មួយឆ្នាំៗ​។​នេះ​បើ​យោងតាម National Parkinson Foundation​។​

​ចំពោះ​ការស្រាវជ្រាវ​ថ្មី​ដែល​ត្រូវ​បាន​ចេញផ្សាយ​នៅ​ក្នុង​សារព័ត៌មាន Neurology នោះ​, ពាក់កណ្តាល​នៃ​ក្រុម​ដែល​មាន​ជំងឺ Parkinson ត្រូវបាន​គេ​ជ្រើសរើស​ដោយ​ចៃដន្យ​ដើម្បី​អោយមក​ទទួលយក​ការព្យាបាល​ដោយ​កាហ្វេ​អ៊ី​ន​នោះ ស្របពេល​ដែល​ពាក់កណ្តាល​ទៀត​បាន​ទទួល​ការព្យាបាល​ដោយ placebo​។​

​ដើម្បី​សរុប​នៃ​ការស្រាវជ្រាវ​, អ្នកស្ម័គ្រចិត្ត​បាន​ផឹក​ជាតិ​កាហ្វេ​អ៊ី​ន​២០០​មី​លី​ក្រាម​ជា​រៀងរាល់ថ្ងៃ គឺ​ប្រហែល​កាហ្វេ​២​ពែ​ង ហើយ​ពួកគេ​មិន​មាន​បញ្ហា​នៃ​ចង្វាក់​បេះដូង​, សម្ពាធ​ឈាម​មិន​ប្រក្រតី ឬ​កើតមាន​ដំបៅ​ក្រពះ​អ្វី​នោះ​ទេ​។​

​ចំពោះ​ការស្រាវជ្រាវ​៣​សប្តាហ៍​ដំបូង​, អ្នក​ដែល​ញ៉ាំ​កាហ្វេ​អ៊ី​ន ត្រូវបាន​ផ្តល់​អោយ​កាហ្វេ​អ៊ី​ន​១០០​មី​លី​ក្រាម ២​ដង​ក្នុង​មួយថ្ងៃ​។​

​អំឡុងពេល​៣​សប្តាហ៍​លើក​ទី​២, កម្រិត​នៃ​កាហ្វេ​អ៊ី​ន​ត្រូវ​បាន​កើនឡើង​២០០​មី​លី​ក្រាម ២​ដង​ក្នុង​មួយថ្ងៃ​។​

​ផូ​ស្ទុ​ម៉ា​បាន​និយាយថា គាត់​ជឿថា កាហ្វេ​អ៊ី​ន​នឹង​ជួយផ្តល់​ភាពប្រសើរ​ឡើង​ដល់​កម្រិត​នៃ​ការ​ងងុយគេង​នៅពេល​ថ្ងៃ និង​អត្ថប្រយោជន៍​នេះ​គឺ​ច្បាស់លាស់​។​

​បន្ថែម​ពីលើ​នេះ វា​មាន​ភាពប្រសើរ​ឡើង​ទៅក្នុង​ល្បឿន​នៃ​ការ​ធ្វើ​ចលនា និង​បរិមាណ​នៃ​ការ​គាំង​នៅក្នុង​ក្រុម​នៃ​អ្នក​ព្យាបាល ទល់​នឹង​ក្រុម​ដោយ​ប្រើ placebo​។​

​ការស្រាវជ្រាវ​នេះ​គឺជា​រឿង​សំខាន់​សូម្បីតែ​វា​បរាជ័យ​ដើម្បី​បង្ហាញ​ពី​អត្ថប្រយោជន៍​ចំពោះ​កាហ្វេ​អ៊ី​ន​ក្នុង​ការផ្តល់​ភាពប្រសើរ​ឡើង​ដល់​ការ​គេង​ចំពោះ​អ្នកជំងឺ Parkinson ក៏ដោយ​។ វេជ្ជបណ្ឌិត ម៉ៃ​ឃើ​ល អូ​ឃុន​(Michael Okun) ដែល​ជា​ប្រធាន​នៃ National Parkinson Foundation បាន​និយាយថា អ្វី​ដែល​ចាប់អារម្មណ៍​ជាង​នេះ​ទៅទៀត​នោះ​, វា​បាន​បង្ហាញ​ពី​អត្ថប្រយោជន៍​នៃ​ចលនា​ខ្ពស់​។ គាត់​បាន​បន្ថែមថា វា​នឹង​គួរអោយ​ចាប់អារម្មណ៍​ក្នុង​ការមើល​ប្រសិនបើ​ការស្រាវជ្រាវ​នេះ​បន្ត​មាន និង​កាហ្វេ​អ៊ី​ន​ក្លាយ​ជា​ការព្យាបាល​ដ៏​ល្អ​បំផុត​សម្រាប់​ជំងឺ Parkinson នោះ​។​

​ផូ​ស្ទុ​ម៉ា​បាន​និយាយថា ចលនា​នៃ​ដែល​នៅ​ពីក្រោយ​ឥទ្ធិពល​របស់​កាហ្វេ​អ៊ី​ន​ទៅលើ​រោគសញ្ញា​នៃ​ជំងឺ Parkinson នោះ​នៅ​មិនទាន់​ដឹង​នៅឡើយ​នោះទេ ប៉ុន្តែ​វា​ត្រូវបាន​គេ​ជឿថា វា​ទៅ​បង្អាក់​ភ្នាក់ងារ​ដែល​មាន​តួនាទី​នៅក្នុង​ការបង្កើត​ជា​រោគសញ្ញា​នោះ​ឡើង​។​

​អ្វី​ដែល​គេ​ចាប់អារម្មណ៍​ទៅលើ​សកម្មភាព​របស់​កា​ហ្វេ​អ៊ី​ន​ទៅលើ​ជំងឺ Parkinson នោះ​គឺថា វា​ទៅ​បង្អាក់​ភ្នាក់ងារ​ដែល​នៅ​នឹង​ខួរក្បាល​។​

​គាត់​បាន​និយាយថា នេះ​គឺជា​ព័ត៌មាន​ល្អ​ដែល​កាហ្វេ​អ៊ី​ន​ផ្តល់​សុវត្ថិភាព​និង​ប្រសិទ្ធភាព​នោះ​។​

​ប្រសិនបើ​អ្នក​កំពុងតែ​ជៀសវាង​ផឹក​កាហ្វេ​អ៊ី​ន​ដោយសារ​តែ​អ្នក​គិតថា​វា​មិនល្អ​នោះ​, អ្នក​អាច​ឈប់​គិត​អំពី​រឿង​នេះ​។ ប្រសិនបើ​អ្នក​ងងុយគេង​អំឡុង​ពេល​ថ្ងៃ​, អ្នក​អាច​សាកល្បង​ញ៉ាំ​វា​បាន​។ អ្នក​ដែល​មាន​បញ្ហា​ចង្វាក់​បេះដូង​, ការពិបាក​គ្រប់គ្រង​សម្ពាធ​ឈាម ឬ​មាន​ដំបៅ​ក្រពះ​គួរតែ​និយាយ​ជាមួយ​គ្រូពេទ្យ​ថា​តើ​ពួក​គេ​គួរតែ​អោយ​អ្នក​ញ៉ាំ​កាហ្វេ​អ៊ី​ន​ឬ​យ៉ាងណា​។​