Join with Health.com.kh on Telegram

ការស្រាវជ្រាវ​ថ្មី​មួយ​បាន​បង្ហាញថា អ្នក​ដែល​ផឹក​តែ​ទឹកកក​អាច​ជម្រុញ​ពួកគេ​អោយ​មាន​ហានិភ័យ​ខ្ពស់​ក្នុង​ការវិវត្ត​ជា​ការឈឺ​ដោយសារតែ​គ្រួស​ក្នុង​តម្រង​នោម​។​

អ្នកស្រាវជ្រាវ​ដែល​មកពី​មជ្ឈមណ្ឌល​វេជ្ជសាស្ត្រ Loyola បាន​ពន្យល់ថា ភេសជ្ជៈ​នៅក្នុង​អំឡុង​ពេល​ក្តៅ​ជាទូទៅ​ផ្សំ​ពី​កម្រិត​ខ្ពស់​នៃ​អូ​សាឡា​ត​, ជា​សា​ធាតុគីមី​មួយ​ដែល​នាំ​អោយ​បង្កើត​ជា​គ្រាប់គ្រី​ស្តាល់​តូច និង​ជាតិ​អំបិល​នៅក្នុង​ទឹកនោម​។ ទោះបីជា​គ្រាប់គ្រី​ស្តាល់​ទាំង​នោះ​ជា​ធម្មតា​មិន​ធ្វើអោយ​ប៉ះពាល់​ក៏ដោយ​, ប៉ុន្តែ​អ្នក​ស្រាវជ្រាវ​បាន​ព្រមាន​ថា ពួក​វា​អាច​រីកធំឡើងៗ​នឹង​ក្លាយទៅជា​ដុំ​មួយ​នៅក្នុង​បំពង់​ដ៏​តូច​ដែល​សម្រាប់​បង្ហូរ​ទឹកនោម​ពី​តម្រងនោម​ទៅ​ផ្លោក​នោម​។​

វេជ្ជបណ្ឌិត ច​ន មី​ល​ណឺរ​(John Milner) ជា​សាស្ត្រាចារ្យ​ខាង​ផ្នែក​ជំងឺ​បង្ហូរទឹក​ម៉ូ​ត្រ​នៅក្នុង​សាកលវិទ្យាល័យ​វេជ្ជសាស្ត្រ Loyola បាន​និយាយថា ចំពោះ​អ្នក​ដែល​មាន​ទំនោរ​ក្នុង​ការបង្កើត​ទៅ​ជា​ប្រភេទ​ទូទៅ​បំផុត​នៃ​គ្រួស​ក្នុង​តម្រងនោម​នេះ​, តែ​ទឹកកក​គឺជា​រឿង​មួយ​ក្នុងចំណោម​ភេសជ្ជៈ​ដែល​អាក្រក់​បំផុត​ដែល​ត្រូវ​ផឹក​។​

មី​ល​ណឺ​របា​ននិយាយថា មនុស្ស​ជាច្រើន​ត្រូវបាន​គេ​ប្រាប់ថា ក្នុងអំឡុងពេល​រដូវក្តៅ ពួក​គេ​គួរតែ​ផឹកទឹក​អោយបាន​ច្រើន​។ មនុស្ស​ភាគច្រើន​ជ្រើសរើស​តែ​ទឹកកក​ដើម្បី​ផឹក ដោយសារ​តែ​វា​មាន​ជាតិ​កាឡូរី​ទាប និង​រសជាតិ​ល្អ​ជាង​ទឹក​ធម្មតា​។ ទោះជា​យ៉ាងណា​ក៏ដោយ​, ចំពោះ​គ្រួស​ក្នុង​តម្រងនោម​, តែ​ទឹកកក​ផ្តល់នូវ​ភាពអាក្រក់​ដល់​មនុស្ស​។​

បុរស​មាន​ឪ​កាស​៤​ដង​ក្នុង​ការវិវត្ត​ទៅ​ជា​ជំងឺ​គ្រួស​ក្នុង​តម្រងនោម​នេះ​ច្រើន​ជាង​ស្ត្រី​។ ហានិភ័យ​នឹង​ខ្ពស់​ចំពោះ​បុរស​ដែល​មាន​អាយុ​លើសពី​៤០​ឆ្នាំ​ឡើង​។ ទោះជា​យ៉ាងណា​ក៏ដោយ​, អ្នកស្រាវជ្រាវ​បាន​សម្គាល់​ឃើញថា ស្ត្រី​ក្រោយ​អស់​រដូវ​ដែល​មាន​កម្រិត​អរ​ម៉ូ​ន​អ៊ឹ​ស្ត្រូ​សែន​ទាប និង​អ្នក​ដែល​បាន​កាត់​ក្រពេញ​អូវែ​ចោល ក៏​មាន​ហានិភ័យ​ខ្ពស់​នឹង​បញ្ហា​នេះដែរ​។​

ដើម្បី​បន្ថយ​ហានិភ័យ​នៃ​គ្រួស​ក្នុង​តម្រង​នោម​, អ្នកស្រាវជ្រាវ​បាន​ផ្តល់​ដំបូន្មាន​អោយ​មនុស្ស​មាន​ជាតិ​ទឹក​គ្រប់គ្រាន់​។ ទោះបីជា​ការផឹក​ទឹក​គឺជា​រឿង​ល្អ​បំផុត​ក៏ដោយ​, ប៉ុន្តែ​ពួកគេ​បាន​កំណត់សម្គាល់​ឃើញថា ទឹក​ក្រូចឆ្មា​ដាក់​ស្ករ​គឺជា​ជម្រើស​ល្អ​ដទៃទៀត​។ មី​ល​ណឺ​របាន​ពន្យល់ថា ក្រូចឆ្មា​បន្ថយ​ការរីកលូតលាស់​នៃ​គ្រួស​ក្នុង​តម្រង​នោម​។​

អ្នកស្រាវជ្រាវ​បាន​ផ្តល់​ដំបូន្មាន​ថា អ្នក​ដែល​មាន​ហានិភ័យ​ខ្ពស់​នឹង​គ្រួស​ក្នុង​តម្រងនោម​គួរតែ​ធ្វើ​តាម​ដូច​ខាងក្រោម​នេះ​៖

  • ជៀសវាង​អាហារ​ដែល​មាន​ជាតិ​អូ​សាឡាត​ខ្ពស់​ដូច​ជា ស្ពៃ​បៃតងចាស់​, សូកូឡា និង​ដូង​ជាដើម​
  • បន្ថយ​ការ​ញ៉ាំ​ជាតិ​ប្រៃ​
  • ញ៉ាំ​សាច់​តិច​
  • ញ៉ាំ​ជាតិ​កាល់ស្យូម​អោយបាន​គ្រប់គ្រាន់​ដែល​អាច​បន្ថយ​បរិមាណ​អូ​សាឡា​ត​ដែល​ត្រូវ​បាន​ស្រូប​ដោយ​ខ្លួន​យើង​ផ្ទាល់​

ទោះបីជា​តែ​ក្តៅ​ផ្សំ​ពី​អូ​សាឡាត​ក៏ដោយ​, ប៉ុន្តែ​អ្នក​ស្រាវជ្រាវ​បាន​សម្គាល់​ឃើញថា វា​ពិបាក​ក្នុង​ការផឹក​ដែល​បង្ក​អោយ​ជា​គ្រួស​ក្នុង​តម្រងនោម​នោះ​។ ពួកគេ​បាន​បន្ថែមថា អ្នក​ដែល​មាន​គ្រួស​ក្នុង​តម្រងនោម​ដែល​ផឹក​តែ​ទឹកកក គួរតែ​ពិនិត្យ​ជាមួយនឹង​គ្រូពេទ្យ​ប្រសិនបើ​ពួក​វា​កំពុងតែ​ផលិត​ជាតិ​អូ​សាឡាត​ច្រើនពេក​។