Join with Health.com.kh on Telegram

​បើ​យោង​តាម​ការ​ស្រាវជ្រាវ​ថ្មី​មួយ​បានអោយ​ដឹង​ថា​ ទារក​ដែល​មាន​ម្តាយ​លើស​ទម្ងន់​លេចឡើង​ទៅ​នឹង​ការ​ឡើង​ទម្ងន់​តិច​ និង​មានការ​រីក​លូតលាស់​យឺត​ជាង​ទារក​ដែល​កើត​លើ​ម្តាយ​ដែល​មាន​ទម្ងន់​ធម្មតា​អំឡុង​ពេល​៣​ខែ​ដំបូង​នៃ​ជីវិត​របស់​ទារក​។​
​អ្នក​ស្រាវជ្រាវ​ដែល​មក​ពី​សាកលវិទ្យាល័យ​ Iowa​ និង​មិត្ត​រួមការ​ងារ​របស់​ពួក​គេ​ក៏​បាន​រក​ឃើញ​ថា​ កុមារ​ទាំងនោះ​បាន​ឡើង​ទំហំ​ខ្លាញ់​តិច​ដែល​ជា​ភាព​ចាំបាច់​សម្រាប់​ការ​រីក​លូតលាស់​នៃ​ខួរក្បាល​ និង​ការ​រីក​លូតលាស់​ផ្សេងៗ​ផង​ដែរ​។​

​ខេ​ធី​ ឡា​សាន់​ អូ​ដេ​(Katie​ Larson​ Ode)​ ជា​សាស្ត្រាចារ្យ​ខាង​ផ្នែក​ជំងឺ​ក្រពេញ​លើ​កុមារ​ និង​ជំងឺ​ទឹកនោមផ្អែម​នៅ​សាកលវិទ្យាល័យ​ Iowa​ បាន​និយាយ​ថា​ យើង​បាន​រក​ឃើញ​ថា​ កុមារ​ទាំងនេះ​មិន​មានការ​រីក​លូតលាស់​ធម្មតា​នោះ​ទេ​។​ ប្រសិនបើ​អ្វី​ដែល​យើង​បាន​រក​ឃើញ​ជា​ការ​ពិត​,​ វា​ផ្សារ​ភ្ជាប់​ថា​ ការ​កើតឡើង​នៃ​ភាពធាត់​កំពុង​តែ​ប៉ះពាល់​ដល់​កុមារ​ស្រប​ពេល​ដែល​ពួក​គេ​កំពុង​តែ​ស្ថិត​នៅ​ក្នុង​ផ្ទៃ​ម្តាយ​ និង​បង្កើន​ភាព​ចាំបាច់​ក្នុង​កា​រប​ញ្ចូ​ន​ហានិភ័យ​នៃ​ភាពធាត់​មុន​នឹង​ស្ត្រី​ចូល​ក្នុង​វ័យ​មាន​ផ្ទៃពោះ​ ដែល​ឥទ្ធិពល​អវិជ្ជមាន​នេះ​អាច​ប៉ះពាល់​ដល់​អ្នក​ជំនាន់​ក្រោយ​។​
​ការ​ស្រាវជ្រាវ​បាន​រាប់​បញ្ចូល​ម្តាយ​ជិត​១០០​នាក់​។​ ក្នុង​ក្រុម​នេះ​,​ ៣៨​នាក់​គឺ​ធាត់​។​ អ្នក​ស្រាវជ្រាវ​ក៏​បាន​សម្គាល់​ឃើញ​ថា​ មិន​មាន​ស្ត្រី​ណា​មាន​ជំងឺ​ទឹកនោមផ្អែម​នោះ​ទេ​។​

​ការ​ស្រាវជ្រាវ​បាន​រក​ឃើញ​ថា​ ទារក​ដែល​កើត​លើ​ម្តាយ​លើស​ទម្ងន់​ បាន​ឡើង​៣១១​ក្រាម​តិច​ជាង​ទារក​ដែល​កើត​លើ​កុមារ​ដែល​កើត​លើ​ម្តាយ​ដែល​មាន​ទម្ងន់​ធម្មតា​ចាប់ពី​ពួក​គេ​អាយុ​២​ស​ប្តា​ហ៍រ​ហូត​ដល់​ពួក​គេ​អាយុ​៣​ខែ​។​ ទារក​ទាំងនេះ​បាន​ឡើង​ទម្ងន់​តិច​ជាង​ ៨,៥​ក្រាម​ចំពោះ​ទំហំ​នៃ​ខ្លាញ់​ជាង​កុមារ​ដែល​កើត​លើ​ម្តាយ​ដែល​មាន​ទម្ងន់​ធម្មតា​។​

​អ្នក​ស្រាវជ្រាវ​បាន​សម្គាល់​ឃើញ​ថា​ ទោះបីជា​កុមារ​ដែល​កើត​លើ​ម្តាយ​លើស​ទម្ងន់​គឺ​មានការ​រីក​ចម្រើន​យឺត​នៅ​ពេល​ដំបូង​មែន​ក្តី​,​ ប៉ុន្តែ​ពួក​គេ​មាន​ហានិភ័យ​ខ្ពស់​នៃ​ការ​ឡើង​ទម្ងន់​រហ័ស​ដូច​នៅ​ពេល​វ័យ​ជំទង់​ និង​ក្លាយជា​លើស​ទម្ងន់​ដោយ​ខ្លួន​ពួក​គេ​ផ្ទាល់​។​

ឡា​សាន់​ អូ​ដេ​បាន​និយាយ​ថា​ សារ​ពី​ការ​ស្រាវជ្រាវ​នេះ​គឺ​ សូមកុំ​ខ្លាច​អោយ​សោះ​។​ គ្រូពេទ្យ​ជំនាញ​ខាង​ជំងឺ​កុមារ​មើល​ពី​កង្វះ​នៃ​ការ​លូតលាស់​ពី​ដំបូង​ ហើយ​ពួក​គេ​ធានា​ថា​ កុមារ​នឹង​មិន​ទទួល​សារធាតុចិញ្ចឹម​បាន​គ្រប់គ្រាន់​។​ ប៉ុន្តែ​យើង​ជឿ​ថា​ ជា​ការ​ពិត​កុមារ​នឹង​មានការ​រីក​លូតលាស់​ពេញលេញ​វិញ​។​
​អ្នក​ស្រាវជ្រាវ​បាន​បង្ហាញ​ថា​ ការ​រីក​លូតលាស់​យឺត​នេះ​ត្រូវ​តែ​ធ្វើ​ជាមួយនឹង​ការ​រលាក​។​ ពួក​គេ​បាន​ពន្យល់​ថា​ កោសិកា​ខ្លាញ់​មាន​សកម្មភាព​ភ្លាមៗ​នៅ​ពេល​ដែល​មនុស្ស​ពេញវ័យ​ធាត់​។​ ជាល​ទ្ឋ​ផល​,​ ប្រព័ន្ធ​ភាពស៊ាំ​នៃ​ស្ត្រី​ធាត់​ដែល​មាន​ទម្ងន់​អាច​អោយ​ប៉ះពាល់​ដល់​ការ​រីក​លូតលាស់​នៃ​ប្រព័ន្ធ​ភាពស៊ាំ​របស់​ទារក​ដែល​មិន​ទាន់​កើត​នោះ​ផង​ដែរ​។​ នេះ​អាច​មាន​ន័យ​ថា​ តម្រូវការ​ថាមពល​របស់​ទារក​សម្រាប់​ការ​លូតលាស់​ត្រូវ​បាន​ប្រើប្រាស់​គ្រប់​ទីកន្លែង​ផង​ដែរ​។​