Join with Health.com.kh on Telegram

​រដ្ឋបាល​ចំណីអាហារ​និង​ឱសថ​អាមេរិក​, ក្រសួងកសិកម្ម​អាមេរិក និង​មជ្ឈមណ្ឌល​ត្រួតពិនិត្យ និង​បង្ការ​ជំងឺ បាន​រំលឹក​កាលពី​ថ្ងៃ​ព្រហស្បតិ៍​ថា ចំណីអាហារ​និង​ការ​វេច​ខ្ចប់​អាហារ មិន​ទំនងជា​មិន​បង្កឱ្យមាន​ការរីក​រា​ល​ដាល​ជំងឺ Covid-19 នោះទេ​។​

“​អ្នកប្រើប្រាស់​គួរតែ​ត្រូវបាន​ធានាថា យើង​បន្ត​ជឿ ដោយ​ផ្អែកលើ​ការយល់ដឹង​របស់​យើង អំពី​ព័ត៌មាន​វិទ្យាសាស្ត្រ ដែល​អាច​ជឿ​ទុកចិត្តបាន​នាពេល​បច្ចុប្បន្ន និង​ការគាំទ្រ​ដោយ​ការ​មូលមតិ​គ្នា​ខាង​វិទ្យាសាស្ត្រ​អន្តរជាតិ​ដ៏​លើសលប់​ថា អាហារ​ដែល​ពួកគេ​បរិភោគ និង​វេច​ខ្ចប់ ដែល​ពួកគេ​ប៉ះ គឺ​ទំនងជា​មិន​រីក​រាលដាល​ដល់ SARS-CoV-2 ទេ​”​។ នេះ​ជា​អ្វីដែល រដ្ឋបាល​ចំណីអាហារ និង​ឱសថ បាន​សរសេរ​នៅក្នុង​សេចក្តីថ្លែងការណ៍​មួយ​។

​ទីភ្នាក់ងារ​ទាំងបី បាន​និយាយថា​ពួកគេ​ចង់សង្កត់ធ្ងន់​ទៅលើ​កង្វះ​ភស្តុតាង ដែល​អាច​ជឿ​ទុកចិត្តបាន ដើម្បី​បង្ហាញថា​អាហារ ឬ​ការ​វេច​ខ្ចប់​របស់​វា​ទាក់ទង​នឹង​ការចម្លង​វីរុស​។​

​រដ្ឋបាល​ចំណីអាហារ និង​ឱសថ​អាមេរិក​បាន​និយាយថា Covid-19 គឺជា​ជំងឺ​ផ្លូវដង្ហើម ដែល​រីក​រាលដាល​ពី​មនុស្ស​ម្នាក់​ទៅ​មនុស្ស​ម្នាក់ មិន​ដូច​វីរុស​ដែល​អាច​បង្ក​ឱ្យ​មនុស្ស​ឈឺ​តាមរយៈ​អាហារ ដែលមាន​ជាតិ​កខ្វក់​នោះទេ​។​

​រដ្ឋបាល​ចំណីអាហារ និង​ឱសថ​អាមេរិក បានបញ្ជាក់​បន្ថែមថា “​តាម​ទ្រឹស្តី ចំនួន​នៃ​ភាគល្អិត​វីរុស ដែល​អាច​ត្រូវបាន​ចម្លង ដោយ​ការ​ប៉ះ​លើ​ផ្ទៃ គឺ​តូច​ណាស់ ហើយ​ចំនួន​ដែល​ត្រូវការ​សម្រាប់​ការឆ្លង​តាមរយៈ​ដង្ហើមចូល​តាម​មាត់​នឹង​ខ្ពស់​ណាស់ ឱកាស​នៃ​ការបង្ក​រោគ​ដោយ​ការ​ប៉ះ​លើ​ផ្ទៃ​ខ្ចប់​អាហារ ឬ​បរិភោគ​អាហារ វា​ត្រូវបាន​គេ​ចាត់ទុកថា​មានកំ​រិត​ទាប​បំផុត​”​។​

“​ដោយ​ការពិចារណា​លើ​ករណី​ជាង ១០០ លាន​ករណី​នៃ កូ​វីដ​-១៩ យើង​មិន​បានឃើញ​ភស្តុតាង​ថា​វីរុស​ឆ្លង​តាមរយៈ​ការ​វេច​ខ្ចប់​ស្បៀងអាហារ ឬ​ស្បៀងអាហារ ដែលជា​ប្រភព​នៃ​ការបញ្ជូន SARS-CoV-2 ទៅ​មនុស្ស​ទេ​” ។

​ដោយឡែក មន្ត្រី​ចិន​បានលើកឡើង​ម្តង​ហើយ​ម្តងទៀត​នូវ​លទ្ធភាព​នៃ​ការឆ្លង​វីរុស​នេះ​តាមរយៈ​ការ​វេច​ខ្ចប់​អាហារ​ក្លាសេ ប៉ុន្តែ​អង្គការ CDC និង​អង្គការ​សុខភាព​ពិភពលោក​បាន​និយាយថា​វា​មិន​ទំនង​នោះទេ​៕