ការស្រាវជ្រាវថ្មីមួយបានបង្ហាញថា កុមារធាត់ជនជាតិស្បែកខ្មៅមានហានិភ័យខ្ពស់នៃជំងឺលើសឈាមជាងកុមារជនជាតិស្បែកស។
វេជ្ជបណ្ឌិត ថាម៉ារ៉ា ហានុន (Tamara Hannon) ជាសាស្ត្រាចារ្យរងខាងផ្នែកជំងឺកុមារនៅសាកលវិទ្យាល័យវេជ្ជសាស្ត្រ Indiana បាននិយាយថា នៅពេលដែលកុមារស្បែកស និងកុមារស្បែកខ្មៅត្រូវបានផ្គូរផ្គងពីកម្ពស់ និងអាយុ, សម្ពាធឈាមរបស់កុមារជនជាតិស្បែកខ្មៅខ្ពស់១៦%ជាងសម្ពាធឈាមរបស់កុមារជនជាតិស្បែកស។
ហានុនបាននិយាយថា កុមារស្បែកខ្មៅដែលមានសន្ទស្សន៍នៃទម្ងន់ខ្លួនទាបពិតជាមានសម្ពាធឈាមស៊ីស្តូលខ្ពស់ជាងកុមារជនជាតិស្បែកស។ វាបានលេចឡើងថា អ្វីផ្សេងទៀតពីសន្ទស្សន៍នៃទម្ងន់ខ្លួនក៏បណ្តាលអោយមានសម្ពាធឈាមខ្ពស់ផងដែរ។
សន្ទស្សន៍នៃទម្ងន់ខ្លួនត្រូវបានគេចាត់ទុកជាអ្នកចង្អុលបង្ហាញថាតើមនុស្សមានការលើសទម្ងន់ ឬធាត់យ៉ាងណានោះ។ ជំងឺលើសឈាមដែលជាមូលហេតុមួយនៃជំងឺដាច់សរសៃឈាមខួរក្បាលនោះ ត្រូវបានផ្សារភ្ជាប់ជាមួយនឹងសន្ទស្សន៍នៃទម្ងន់ខ្លួនខ្ពស់ចំពោះកុមារ និងមនុស្សពេញវ័យ។
ហេតុអ្វីបានជាកុមារធាត់ជនជាតិស្បែកខ្មៅងាយនឹងមានជំងឺលើសឈាមជាងកុមារស្បែកស?
វេជ្ជបណ្ឌិត រាល់ សាកូ (Ralph Sacco) ជាអតីតប្រធាននៃសមាគមបេះដូងអាមេរិក និងជាសាស្ត្រាចារ្យខាងផ្នែកសរសៃវិញាណនៅសាកលវិទ្យាល័យវេជ្ជសាស្ត្រ Miami បាននិយាយថា ហេតុផលជាក់លាក់គឺមិនច្បាស់នោះទេ។ ខណៈពេលដែលយើងមិនដឹងច្បាស់បែបនេះ, ភាពដែលអាចទៅរួចមួយគឺថា ការញ៉ាំជាតិប្រៃ។ សាកូបាននិយាយថា វាបង្កើនហានិភ័យនៃជំងឺលើសឈាម។ វាក៏អាចជាសេនេទិច, ជំងឺលើសឈាមដែលងាយកើតមាននឹងការញ៉ាំប្រៃនោះត្រូវបានជួបជាញឹកញាប់ក្នុងចំនោមជនជាតិអាមេរិកអាហ្វ្រិក។
ការស្រាវជ្រាវដែលត្រូវបានចេញផ្សាយនៅក្នុង Pediatric បានបង្ហាញថា ការញ៉ាំជាតិប្រៃខ្លាំងពេកត្រូវបានផ្សារភ្ជាប់ជាមួយនឹងហានិភ័យខ្ពស់នៃជំងឺលើសឈាមក្នុងចំនោមកុមារ និងមនុស្សជំទង់។
ការស្រាវជ្រាវនេះក៏បានបង្ហាញថា ការញ៉ាំជាតិប្រៃហាក់ដូចជាងាយប៉ះពាល់លើកុមារដែល លើសទម្ងន់ ជាងកុមារដែលមានទម្ងន់ធម្មតា។
ការស្រាវជ្រាវថ្មីៗបានមើលលើកុមារ៨២១នាក់ដែលលើសទម្ងន់។ អាយុជាមធ្យមរបស់ពួកគេគឺ១២ឆ្នាំ និងសន្ទស្សន៍នៃទម្ងន់ខ្លួនជាមធ្យមគឺ៣៦។
សាកូបាននិយាយថា ការស្រាវជ្រាវបានជម្រុញយ៉ាងសំខាន់លើតម្លៃនៃការតាមដានសម្ពាធឈាមចំពោះកុមារ។ គាត់បានសម្គាល់ឃើញថា វាជារឿងសំខាន់សម្រាប់គ្រូពេទ្យឯកទេសជំងឺកុមារដើម្បីសំដៅលើសម្ពាធឈាមចំពោះកុមារ និងភាពចាំបាច់ទៅលើកុមារជនជាតិអាមេរិកដើមកំណើតអាហ្វ្រិកនោះ៕
