ដោយយោងតាមការស្រាវជ្រាវដ៏តូចមួយបានបង្ហាញថា ការព្យាបាលើមនុស្សញៀនស្រា អាចបន្ថយបញ្ហាហិរញ្ញវត្ថុនៅក្នុងគ្រួសាររបស់ពួកគេ។
អ្នកស្រាវជ្រាវបានមើលលើគ្រួសារជនជាតិអាល្លឺម៉ង់ចំនួន៤៨ដែលមានសមាជិកញៀនស្រា។ ក្រោយពីការព្យាបាលរយៈពេល១២ខែ, ចំណាយទាក់ទងស្រានោះ បានធ្លាក់ចុះជាមធ្យមពី៨៣២ដុល្លារសហរដ្ឋអាមេរិក ទៅ១៧៨ដុល្លារសហរដ្ឋអាមេរិក។
ការស្រាវជ្រាវបានរកឃើញថា តម្លៃជាមធ្យមដែលត្រូវបានទាក់ទងទៅនឹងអ្នកញៀនស្រាបានធ្លាក់ចុះពី២% ទៅ៤%នៃចំនូលរបស់គ្រួសារ។ ការព្យាបាលចំពោះអ្នកញៀនស្រាបានបន្ថយបញ្ហាហិរញ្ញវត្ថុលើគ្រួសារបានប្រហែល៨០ដុល្លារសហរដ្ឋអាមេរិកក្នុងមួយខែៗ។
តម្លៃដែលត្រូវបានទាក់ទងទៅនឹងអ្នកញៀនស្រាធំបំផុតមុននឹងការព្យាបាល គឺការផឹកស្រាជាមធ្យមគឺ ៣១០ដុល្លារសហរដ្ឋអាមេរិកក្នុងមួយខែ និងជក់បារីជាមធ្យមគឺ ១១៤ដុល្លារសហរដ្ឋអាមេរិកក្នុងមួយខែ។ មួយឆ្នាំនៃការព្យាបាល, តម្លៃទាំងនោះបានធ្លាក់ចុះគឺ ចំពោះស្រា ៨៧ដុល្លារសហរដ្ឋអាមេរិក និង៧៩ដុល្លារសហរដ្ឋអាមេរិកចំពោះបារី។
អ្នកស្រាវជ្រាវក៏បានរកឃើញថា ក្រោយពីការព្យាបាល១២ខែ, រយៈពេលជាមធ្យមក្នុងការថែទាំសមាជិកដែលញៀនស្រា បានធ្លាក់ចុះពី៣២ម៉ោង ទៅ៨ម៉ោងក្នុងមួយខែ។
ការស្រាវជ្រាវត្រូវបានចេញផ្សាយនៅក្នុងសារព័ត៌មាន Addiction។
វេជ្ជបណ្ឌិត ហាន ចោឈីម សាឡៃ (Hans Joachim Salize) ដែលមកពីវិទ្យាស្ថានកណ្តាលនៃសុខភាពផ្លូវចិត្ត ក្នុងទីក្រុង Mannheim បាននិយាយថា យើងកំពុងតែបង្កើតការស្រាវជ្រាវថ្មីដែលមិនផ្តោតការប្រុងប្រយ័ត្នខ្លាំងពេកទៅលើបញ្ហាហរិញ្ញវត្ថុនោះទេ។
សាឡៃបាននិយាយថា នៅពេលដែលយើងសម្លឹងមើលឥទ្ធិពលលើគ្រួសារ, ការស្រាវជ្រាវបន្ថែមអាចសំដៅទៅលើបញ្ហាមួយចំនួនដូចជា អំពើហិង្សាក្នុងគ្រួសារ និងជំងឺធ្លាក់ទឹកចិត្ត, គឺមិនមែនបញ្ហាហិរញ្ញវត្ថុនៃការថែទាំអ្នកញៀនស្រានោះទេ។ ប៉ុន្តែនៅពេលដែលសេវាសុខភាព និងអ្នកពិនិត្យបានស្រាវជ្រាវពីតម្លៃ និងអត្ថប្រយោជន៍នៃការព្យាបាលអ្នកញៀនស្រា, ពួកគេត្រូវការដឹងថា ការព្យាបាលមានការជះឥទ្ធិពលលើបញ្ហាហិរញ្ញវត្ថុខ្លាំង ប៉ុន្តែក៏មានឥទ្ធិពលទៅលើគ្រួសារ, ដៃគូរ, កូន និងឪពុកម្តាយផងដែរ៕