​ការស្រាវជ្រាវ​ថ្មី​មួយ​បាន​បង្ហាញថា កុមារ​នៅ​ទីក្រុង​មាន​ជំងឺ​ផ្លូវដង្ហើម​ខុសប្លែក​ពី​កុមារ​ដែល​នៅ​ជនបទ ដែល​អាច​ពន្យល់​បាន​ថា​ហេតុអ្វី​កុមារ​ដែល​រស់នៅ​ទីក្រុង​ងាយ​នឹង​វិវត្ត​ទៅ​ជា​ជំងឺហឺត​។​

​ការស្រាវជ្រាវ​អាច​នាំ​អោយ​ដឹង​ពី​មធ្យោបាយ​ថ្មី​ដើម្បី​ព្យាបាល​ជំងឺហឺត​ក្នុង​កុមារភាព​។ នេះ​ដោយ​យោង​តាម​វេជ្ជបណ្ឌិត ជេម ហ្សេ​ន (James Gern) ដែល​មកពី​សាកលវិទ្យាល័យ Wisconsin និង​មិត្ត​រួម​ការងារ​របស់​គាត់​។​

​ការស្រាវជ្រាវ​ពីមុន​បាន​ផ្សារភ្ជាប់​ជំងឺ​ផ្លូវដង្ហើម​ដែល​បង្កឡើង​ដោយ​វីរុស​ទៅនឹង​ការវិវត្ត​នៃ​ជំងឺហឺត​ចំពោះ​កុមារ និង​បាន​បង្ហាញថា កុមារ​ដែល​ឆ្លង​មេរោគ rhinovirus ហាក់ដូចជា​ងាយ​នឹង​វិវត្ត​ទៅ​ជា​ជំងឺហឺត​នៅ​អាយុ​៦​ឆ្នាំ​ជាង​កុមារ​ដទៃទៀត​។​

​ចំពោះ​ការស្រាវជ្រាវ​, អ្នកស្រាវជ្រាវ​បាន​វិភាគ​ទៅលើ​សំបោរ​ពី​កុមារ​៥០០​នាក់​ដែល​រស់នៅ​ទីក្រុង​ញូវយ៉ក និង​St. Louis និង​២៨៥​នាក់​ផ្សេង​ទៀត គឺ​មកពី​ជនបទ​។​

​គម្រូ​ត្រូវបាន​យក​នៅពេល​ដែល​កុមារ​មាន​សុខភាព​ល្អ ហើយ​នៅពេល​ដែល​ពួកគេ​មាន​ជំងឺ​ផ្លូវដង្ហើម​។​

​កុមារ​នៅ​ទីក្រុង​មាន​អត្រា​ថយចុះ​នៃ​អត្រា​នៃ​ការឆ្លង​មេរោគ rhinovirus ជាង​កុមារ​ដែល​នៅ​ជនបទ ប៉ុន្តែ​វា​ហាក់ដូចជា​តេស្ត​វិជ្ជមាន​ចំពោះ​ការឆ្លង​មេរោគ​ដោយ​មេរោគ Adenovirus​។​

Adenovirus អាច​បណ្តាល​អោយ​មានកា​រ​ឆ្លង​មេរោគ​ជាប់ ហើយ​អ្នក​ស្រាវជ្រាវ​បានបង្ហាញ​ថា ការឆ្លង​មេរោគ Adenovirus អាច​ធ្វើអោយ​ថយចុះ​ការលូតលាស់​សួត ឬ​ផ្លូវដង្ហើម​។ អ្នកស្រាវជ្រាវ​បាន​តាមដាន​លើ​កុមារ​យ៉ាងហោចណាស់​១០​ឆ្នាំ​ដើម្បី​កំណត់​ថា​តើ​ការឆ្លង​មេរោគ adenovirus ត្រូវ​បាន​ផ្សារភ្ជាប់​ទៅ​នឹង​ការកើនឡើង​អត្រា​នៃ​ជំងឺ​ហឺត និង​ថយចុះ​មុខងារ​នៃ​សួត​ឬ​យ៉ាងណា​។​

​ការស្រាវជ្រាវ​ត្រូវ​បាន​ចេញផ្សាយ​នៅ​ក្នុង Journal of Infectious Disease៕​