ការស្រាវជ្រាវថ្មីមួយបានបង្ហាញថា គេអាចនឹងបង្កើតវ៉ាក់សាំងដែលអាចការពារការលូតលាស់របស់ទារកពីការកើតមិនគ្រប់ខែ និងផលវិបាកមួយចំនួន។
បញ្ហាគឺដោយសារតែជាលិការបស់ទារកមានកោសិកាបានមកពីម្តាយ និងឪពុក។ដូច្នេះ វាបង្កើនហានិភ័យដែលប្រព័ន្ធភាពស៊ាំរបស់ម្តាយអាចចាត់ទុកកោសិកាទារកជាអ្វីមួយចម្លែកមកឈ្លានពានដែលត្រូវតែទាត់ចោល។
ជាលទ្ធផល គឺការកើតមិនគ្រប់ខែ។
ទោះជាយ៉ាងណាក៏ដោយ, ក្នុងករណីភាគច្រើន, រឿងនេះមិនកើតមានឡើង ហើយទារកគឺផ្តល់កំនើតយ៉ាងមានសុវត្ថិភាព។ ប៉ុន្តែហេតុអ្វី?
ក្រុមអ្នកស្រាវជ្រាវដែលមកពីសាកលវិទ្យាល័យវេជ្ជសាស្ត្រ Minnesota និងមន្ទីរពេទ្យកុមារ Cincinnati ជឿថា ពួកគេបានរកឃើញរបស់សំខាន់គឺកោសិកា CD4។
អ្នកស្រាវជ្រាវបានពន្យល់ថា នៅពេលដែលស្ត្រីមានផ្ទៃពោះ, ប្រព័ន្ធភាពស៊ាំរបស់គាត់ភ្ញោចដល់ប្រភេទកោសិកា CD4។ បន្ទាប់មកកោសិកានេះបានបោះបង់ចោលដោយបញ្ឈប់ប្រព័ន្ធភាពស៊ាំរបស់ម្តាយពីការវាយប្រហារជាលិការបស់ទារក និងផ្តល់នូវមធ្យោបាយមួយក្នុងការមានផ្ទៃពោះយ៉ាងជោគជ័យ។
អ្នកស្រាវជ្រាវជឿថា ពួកគេមានគម្រោងដែលអាចនាំអោយវ៉ាក់សាំងដែលអាចធានាបានថា ម្តាយអាចពរពោះបានគ្រប់ខែ។
វេជ្ជបណ្ឌិត ស៊ីង ស៊ីងវៃ (Sing Sing Way) ដែលមកពីមន្ទីរពេទ្យកុមារ Cincinnati បានពន្យល់ថា វ៉ាក់សាំងថ្មីៗនេះមានគោលដៅទៅលើកោសិកា T ដែលមានសកម្មភាពទៅលើប្រព័ន្ធភាពស៊ាំ។ ឧទាហរណ៍, ជាមួយនឹងវ៉ាក់សាំងជំងឺគ្រុនស្វិតដៃជើង, ការចាក់វ៉ាក់សាំងត្រូវបានផ្តល់នូវការភ្ញោចកោសិកាដែលមានសកម្មភាពលើប្រព័ន្ធភាពស៊ាំដែលកម្ទេចវីរុសនៅពេលដែលមានការឆ្លងមេរោគលើកក្រោយទៀត។
វៃបាននិយាយថា ផ្ទុយមកវិញ, វ៉ាក់សាំងចំពោះអ្នកមានផ្ទៃពោះគោលបំនងដើម្បីអោយកោសិកា T បន្ថយប្រព័ន្ធភាពស៊ាំដើម្បីការពារពីការបដិសេដទៅនឹងការមានវត្តមានរបស់ទារក។
ការស្រាវជ្រាវនេះត្រូវបានចេញផ្សាយនៅក្នុងទស្សនាវដ្តី Nature។
ការស្រាវជ្រាវនេះលើវ៉ាក់សាំងនេះត្រូវបានកំណត់ដោយមានប្រសិទ្ធភាពទៅលើសត្វកណ្តុរ។
អ្នកស្រាវជ្រាវបាននិយាយថា ប៉ុន្តែការស្រាវជ្រាវទៅលើសត្វជារឿយៗមិនមានប្រសិទ្ធភាពចំពោះមនុស្សនោះទេ៕