អ្នកជំនាញបាននិយាយថា អ្នកប្រហែលជាធ្លាប់លឺហើយថា ពណ៌របស់ទឹកនោម អាចប្រាប់អ្នកអំពីកម្រិតជាតិទឹក ប៉ុន្តែទឹកនោមពិតជាអាចបង្ហាញពីព័ត៌មានផ្សេងទៀតជាច្រើនអំពីសុខភាពរបស់អ្នក។
វេជ្ជបណ្ឌិតឯកទេសខាងព្យាបាលតម្រងនោម បាននិយាយថា “ពណ៌ទឹកនោមអាចប្រែប្រួលរាល់ថ្ងៃ” ។ “ជាទូទៅវាមិនមែនជាបុព្វហេតុនៃការជូនដំណឹងទេ ប៉ុន្តែវាមិនខុសឆ្គងអ្វីទេក្នុងការពិគ្រោះជាមួយគ្រូពេទ្យរបស់អ្នកប្រសិនបើអ្នកមានការព្រួយបារម្ភ” ។
នៅទីនេះតារាងពណ៌ពណ៌ងាយនឹងជួយអ្នកក្នុងការកំណត់ថា តើទឹកនោមរបស់អ្នកមានសភាពធម្មតា ឫអត់?
.ទឹកនោមពណ៌លឿងចាស់
ទឹកនោមដែលមានពណ៌លឿង ឬពណ៌ទឹកក្រូច ឬសូម្បីតែទឹកក្រូចចាស់ អាចបង្ហាញថារាងកាយរបស់អ្នកមិនមានទឹកគ្រប់គ្រាន់។
បន្ថែមពីលើនេះ រោគសញ្ញាផ្សេងទៀតនៃការខះជាតិទឹកអាចរួមមាន ការអស់កម្លាំង ញាក់ ដង្ហើមមិនស្រួល ការឃ្លានជាតិអាហារផ្អែម ឬការរមួលសាច់ដុំ។ ដំបូងអ្នកត្រូវព្យាយាមទទួលទានទឹកក (វេជ្ជបណ្ឌិត ណែនាំឱ្យទទួលទានទឹកពី ១,៥ ទៅ ២ លីត្ររាល់ថ្ងៃបន្ថែមពីលើវត្ថុរាវផ្សេងទៀត) ។
ថ្នាំមួយចំនួនអាចអោយទឹកនោមរបស់អ្នកមានពណ៌លឿងចាស់ ឬពណ៌ទឹកក្រូចរួមទាំងថ្នាំ phenazopyridine ដែលត្រូវបានគេចេញវេជ្ជបញ្ជាជាញឹកញាប់ដើម្បីព្យាបាលការឆ្លងមេរោគលើផ្លូវបង្ហូរទឹកម៉ូត្រ (UTI) និងថ្នាំ sulfasalazine ដែលត្រូវបានប្រើដើម្បីព្យាបាលជំងឺដំបៅ។
.ទឹកនោមពណ៌ត្នោតចាស់
តើពណ៌ទឹកនោមរបស់អ្នកប្រហាក់ប្រហែលនឹងតែត្នោតខ្ចី ឬកូកាកូឡាទេ? អាហារមួយចំនួនរួមមានដើមស្ពៃទឹក សណ្តែក ដំឡូងមី និងប្រទាលកន្ទុយក្រពើ ជាមូលហេតុដែលនាំអោយពណ៌ទឹកនោមមានពណ៌ដូច្នេះ។
ទឹកនោមពណ៌ត្នោតចាស់ អាចជាជំហានមួយក្រៅពីទឹកនោមពណ៌លឿង ឬទឹកក្រូច ដែលជាសញ្ញាបង្ហាញថាអ្នកខ្វះជាតិទឹកធ្ងន់ធ្ងរ។
វេជ្ជបណ្ឌិត Novakovic មានប្រសាសន៍ថាប្រសិនបើថ្មីៗនេះអ្នកបានឆ្លងកាត់នីតិវិធីនៃប្រព័ន្ធទឹកនោម, ពណ៌ត្នោតដែលអ្នកបានឃើញអាចមកពីលទ្ធផលនៃការរំលាយឈាមក្នុងទឹកនោមបន្តិចម្តងៗ។ គាត់បានបន្ថែមទៀតថាថ្នាំអង់ទីប៊ីយោទិចមួយចំនួន (ដូចជា metronidazole និង nitrofurantoin) ថ្នាំបញ្ចុះលាមក (cascara ឬ senna) និងថ្នាំ (methocarbamol និង methyldopa) ក៏អាចបណ្តាលអោយទឹកនោមលេចចេញពណ៌ត្នោតផងដែរ។
ទឹកនោមពណ៌ត្នោតចាស់ អាចជាការបង្ហាញនូវអ្វីដែលធ្ងន់ធ្ងរជាងនេះ។ ការព្រួយបារម្ភមួយ ដែលអាចកើតមានគឺថ្លើមរបស់អ្នក។ វេជ្ជបណ្ឌិតមានប្រសាសន៍ថា “ប្រសិនបើនរណាម្នាក់ មានមុខងារថ្លើមខ្សោយនោះវាអាចបង្ហាញខ្លួនដោយទឹកនោមពណ៌លឿង ឬពណ៌ត្នោត” ។ អ្នកដែលមានប្រវត្ដិនៃជំងឺមហារីកស្បែក ក៏គួរតាមដានផងដែរចំពោះចំណុចនេះ៖“ ប្រសិនបើទឹកនោមរបស់អ្នកជំងឺ Melanoma (ជំងឺខ្មៅជាំដុំៗ ឫ ហើមឫពកជាំ) ប្រែជាមានពណ៌ត្នោតនោះ វាអាចបង្ហាញពីវត្តមានរបស់មេឡានីន ដែលត្រូវបានផ្សារភ្ជាប់ជាមួយនឹងការវិវត្តនៃជំងឺមហារីក” ។ ប្រសិនបើអ្នកសម្គាល់ឃើញថាទឹកនោមអ្នកមានពណ៌ត្នោតចាស់ ជាទៀងទាត់ត្រូវណាត់ជួបជាមួយវេជ្ជបណ្ឌិតរបស់អ្នក។
.ទឹកនោមក្រហមឬពណ៌ផ្កាឈូក
តើអ្នកបានញ៉ាំប្ល៊ូបឺររី ឬ មើម beet (ឆៃថាវម្យ៉ាង មានដើមមូលហើយពណ៌ឈាមជ្រូក) ឫដើមស្ពៃទឹក ច្រើនទេ? អាហារទាំងនេះអាចផ្លាស់ប្តូរពណ៌ទឹកនោមរបស់អ្នក (លាមករបស់អ្នកផងដែរ) ហើយផ្តល់ឱ្យវានូវពណ៌ផ្កាឈូក ឬពណ៌ក្រហម។ ការប្រើថ្នាំអាចជាមូលហេតុមួយផងដែរដូចជា phenazopyridine ឬថ្នាំរំងាប់មេរោគ។
ប្រសិនបើអ្នកមិនបានបរិភោគអាហារដែលមានពណ៌ក្រហម ឬពណ៌ស្វាយទេនោះ អ្នកអាចនឹងឃើញឈាមនៅក្នុងទឹកនោមរបស់អ្នក។ ធ្វើការណាត់ជួបជាមួយវេជ្ជបណ្ឌិតរបស់អ្នកដើម្បីដឹងថាតើវាជា UTI, គ្រួសក្នុងតំរងនោម ឬស្ថានភាពផ្សេងទៀត។
.ទឹកនោមពណ៌ខៀវឬបៃតង
កុំភ័យស្លន់ស្លោ! ពណ៌ទឹកនោមដែលមើលទៅមិនស្អាតប្រហែលជាមានការពន្យល់មិនច្បាស់។ ការជ្រលក់ពណ៌នៅក្នុងអ្វីមួយដែលអ្នកបានញ៉ាំ ឬថ្នាំមួយចំនួន (ថ្នាំប្រឆាំងនឹងជំងឺធ្លាក់ទឹកចិត្ត និងថ្នាំប្រឆាំងនឹងការរលាក) អាចបណ្តាលឱ្យទឹកនោមរបស់អ្នកមានពណ៌ខៀវឬបៃតង។ វេជ្ជបណ្ឌិតនិយាយថា “ជាទូទៅវាជាថ្នាំ”។ វាមិនទំនងថា ទឹកនោមពណ៌ខៀវ មានអ្វីលើសពីនេះទេ។
ទឹកនោមពណ៌ខៀវឬបៃតងកម្រអាចជាសញ្ញានៃជំងឺ hypercalcemia ក្នុងគ្រួសារដែលត្រូវបានគេស្គាល់ផងដែរថាជារោគសញ្ញា blue diaper ដែលជាជំងឺតំណពូជដ៏កម្រមួយ៕