នរណាៗក៏ចង់បានស្បែករលោងស្រស់ថ្លាស្អាតដែរ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ទោះជាយ៉ាងណាកត្តាមួយចំនួនដូចជាពន្លឺព្រះអាទិត្យ ខ្យល់ពុល ភាពតានតឹងក្នុងអារម្មណ៍ និងរបបអាហារគ្មានសុខភាពល្អជះឥទ្ធិពលគួរឱ្យកត់សម្គាល់លើសុខភាពស្បែក។ ប៉ុន្តែកុំបារម្ភ! ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីគន្លឹះងាយៗដែលជួយបង្កើនភាពស្រស់ថ្លានៃស្បែកតាមបែបធម្មជាតិ ៖
១. រមៀត
អ្វីដែលអ្នកត្រូវធ្វើ គឺគ្រាន់តែលាយម្សៅរមៀត ១ស្លាបព្រាបាយជាមួយទឹកម្នាស់ស្រស់បន្តិច។ កូរឱ្យសព្វ ក្លាយជាល្បាយខាប់ៗ។ លាបម៉ាស្សាល្បាយលើស្បែកមុខនិងក។ រងចាំរហូតដល់ស្ងួត សឹមលាងសម្អាតចេញជាមួយទឹកក្ដៅឧណ្ហៗ។
២. កុំភ្លេចលាងសម្អាតមុខ
ភាគច្រើននៃពួកយើងចូលគេងទាំងមិនលាងសម្អាតមុខចេញឱ្យបានត្រឹមត្រូវ។ ជាលទ្ធផលភាពកខ្វក់នឹងបង្កការស្ទះរន្ធញើសនាំឱ្យកើតមុន។ ដើម្បីជាការប្រសើរមុនពេលចូលគេង ចូរលាងសម្អាតមុខឱ្យបានត្រឹមត្រូវនិងកុំភ្លេចលាងជម្រះគ្រឿងសម្អាងជាប់មុខផង។
៣. ប្រទាលកន្ទុយក្រពើ
អ្វីដែលអ្នកត្រូវធ្វើ គឺគ្រាន់តែលាបម៉ាស្សាជែលប្រទាលកន្ទុយក្រពើស្រស់លើស្បែកមុខដោយប្រើប្រាស់ដុំសំឡី។ រងចាំរហូតដល់ស្ងួត សឹមលាងសម្អាតចេញជាមួយទឹកក្ដៅឧណ្ហៗ។
៤. យ៉ាអួរនិងទឹកឃ្មុំ
លាយយ៉ាអួរសុទ្ធនិងទឹកឃ្មុំឱ្យក្លាយជាល្បាយខាប់ៗនិងទុកចោលសម្រាប់រយៈពេល ៥នាទីសិន សឹមលាបលើស្បែក ហើយទុកចោលសម្រាប់រយៈពេល ២០ នាទីមុននឹងលាងចេញជាមួយទឹកក្ដៅឧណ្ហៗ។
៥. ត្រសក់
គ្រាន់តែប្រើប្រាស់ត្រសក់ប៉ុន្មានបន្ទះដុសថ្នមៗលើស្បែកមុខនិងកជាការស្រេច។ រងចាំឱ្យទឹកត្រសក់ស្រស់ជាប់លើស្បែកពេញមួយយប់ សឹមលាងសម្អាតមុខចេញនៅព្រឹកបន្ទាប់។
៦. ចេកទុំ
អ្វីដែលអ្នកត្រូវធ្វើ គឺគ្រាន់តែលាយចេកទុំជោរជាមួយទឹកក្រូចឆ្មារស្រស់ឱ្យក្លាយជាល្បាយខាប់ៗ។ លាបម៉ាស្សាល្បាយលើស្បែក និងទុកចោលសម្រាប់រយៈពេល ១០ នាទី សឹមលាងសម្អាតចេញ។ អនុវត្តឱ្យបាន ២ ដងក្នុងមួយសប្តាហ៍៕