​ការស្រាវជ្រាវ​របស់​ជ​ន​ជាតិ​អង់គ្លេស​បាន​បានបង្ហាញ​ថា ក្នុង​ចំនោម​អ្នក​ដែល​មាន​ហានិភ័យ​ខ្ពស់​នៃ​ជំងឺ​សរសៃឈាម​បេះដូង​, ការដឹង​អំពី​សារធាតុ​សម្គាល់ការ​រលាក​(markers for inflamations) ចំនួន​ពីរ​នៅក្នុង​ឈាម​អាច​ជួយ​ការពារ​ពី​ការ​គាំងបេះដូង ឬ​ជំងឺ​ដាច់​សរសៃឈាម​ខួរក្បាល​។​

​សារធាតុ​សម្គាល់​ពីរ​គឺ C-reactive protein និង​fibrinogen ត្រូវបាន​បង្កើត​នៅក្នុង​ថ្លើម​ដើម្បី​ឆ្លើយតប​ទៅនឹង​ការ​រលាក​នៅក្នុង​ខ្លួន​។​

​ការវិភាគ​ថ្មី​បានបង្ហាញ​ថា ទោះបីជា​តេស្ត​ទាំងនោះ​នឹង​ជួយសង្គ្រោះ​អាយុជីវិត​របស់​មនុស្ស​មួយចំនួន​ពី​ការ​គាំងបេះដូង ឬ​ជំងឺ​ដាច់​សរសៃឈាម​ខួរក្បាល​ក៏ដោយ​, ប៉ុន្តែ​សមាមាត្រ​នៃ​អត្ថប្រយោជន៍​ទាំងនោះ​មិន​សូវ​ជា​មាន​ច្រើន​នោះទេ​។​

​វេជ្ជបណ្ឌិត អេ​ម៉ានុយ​អេល ឌី អេន​ជេ​លេន​តូនី​ញូ (Emanuele Di Angelantonio) ដែល​មកពី​សាកលវិទ្យាល័យ Cambridge បាន​និយាយថា នៅ​ក្នុង​ការស្រាវជ្រាវ​លើ​អ្នកជំងឺ​ដែល​មិនដឹង​ពី​ជំងឺ​សរសៃឈាម​បេះដូង​, យើង​បាន​ប៉ាន់ស្មាន​ថា ក្រោម​ការណែនាំ​នៃ​ការព្យាបាល​ថ្មីៗ​, លទ្ធផល​មួយ​បន្ថែម​នៃ​ជំងឺ​សរសៃឈាម​បេះដូង​នឹង​ត្រូវបាន​ការពារ​ជាង​១០​ឆ្នាំ​លើ​មនុស្ស​៤៤០​នាក់​ដែល​កម្រិត C-reactive protein ត្រូវបាន​គេ​វាយតម្លៃ ឬ​រាល់​មនុស្ស ៤៩០​នាក់​ដែល​កម្រិត fibrinogen ត្រូវបាន​គេ​វាយតម្លៃ​។​

​ការស្រាវជ្រាវ​ត្រូវ​បាន​ចេញផ្សាយ​នៅ​ក្នុង New England Journal of Medicine​។​

​ចំពោះ​ការស្រាវជ្រាវ​, ក្រុម​របស់​អេន​ជេ​លេន​តូនី​ញូ​បាន​វិភាគ​លើ​ការ​ស្រាវជ្រា​ចំនួន​៥២​ដែល​រាប់បញ្ចូល​មនុស្ស​ជាង​២៤៦.០០០​នាក់​ដែល​មិន​មាន​ប្រវត្តិ​ជំងឺ​នៃ​សរសៃឈាម​បេះដូង​នោះទេ​។​

​ចំពោះ​ការវិភាគ​ថ្មី​នេះ​, ក្រុម​គាត់​បាន​រកឃើញថា ការ​វាស់​កម្រិត C-reactive protein និង​fibrinogen ជាមួយនឹង​តេស្ត​ស្តង់ដារ​ដទៃទៀត​ដូចជា វាស់​សម្ពាធ​ឈាម និង​កម្រិត​កូ​ឡេ​ស្តេ​រ៉ុល​, ប្រហែល​១៣.០០០​នាក់​ដែល​ត្រូវបាន​កំណត់​នៅពេល​ដែល​កត្តា​ហានិភ័យ​នៃ​ជំងឺ​សរសៃឈាម​បេះដូង​អាច​ការពារ​នូវ​ជំងឺ​ដាច់​សរសៃឈាម​ខួរក្បាល ឬ​ការ​គាំងបេះដូង​មួយចំនួន​តូច​។​

​វេជ្ជបណ្ឌិត ហ្គ្រេ​ក ហ្វូ​ណារ៉ូវ (Gregg Fonarow) ជា​សាស្ត្រាចារ្យ​ខាង​ផ្នែក​ជំងឺ​បេះដូង​នៅ​សាកលវិទ្យាល័យ​កាលីហ្វ​ញ៉ាបា​ននិយាយថា ការស្រាវជ្រាវ​ពីមុន​ជាច្រើន​បាន​បង្ហាញថា តេស្ត​ឈាម C-reactive protein និង​fibrinogen គឺជា​អ្នក​សម្រាប់​ទស្សន៍ទាយ​មួយ​ទៅ​លើ​បញ្ហា​បេះដូង​។​
​ហ្វូ​ណារ៉ូវ​បាន​និយាយថា ការស្រាវជ្រាវ​នេះ​បានបង្ហាញ​ថា ការបន្ថែម​នៃ​តេស្ត​ឈាម C-reactive protein និង​fibrinogen ទៅលើ​កត្តា​ហានិភ័យ​នោះ​គឺ​ផ្តល់​ភាព​ប្រសើរ​ឡើង​ដល់​ការ​សម្គាល់​លើ​ហានិភ័យ​៕​