Join with Health.com.kh on Telegram

​ការស្រាវជ្រាវ​ថ្មី​មួយ​បាន​បង្ហាញថា អ្នក​ជក់បារី និង​ផឹកស្រា​ខ្លាំងក្លា​អាច​វិវត្ត​ទៅ​ជា​ជំងឺមហារីក​លំពែង​យ៉ាង​ឆាប់រហ័ស​ក្នុង​ជីវិត​ជាង​មនុស្ស​ដទៃ​ទៀត​។​

​អាយុ​ជា​មធ្យម​នៃ​អ្នកជំងឺ​ដែល​ត្រូវបាន​គេ​ធ្វើ​រោគវិនិច្ឆ័យ​ឃើញ​ជំងឺ​នេះ​គឺ​ក្នុង​អាយុ ៧២​ឆ្នាំ​, នេះ​ដោយ​យោង​តាម American Cancer Society​។​

​ប៉ុន្តែ​ការស្រាវជ្រាវ​លើ​អ្នក​ជំងឺមហារីក​លំពែង​ជាង ៨០០​នាក់​នេះ​បាន​រកឃើញថា អ្នក​ជក់បារី​ខ្លាំងក្លា​ត្រូវបាន​គេ​ធ្វើ​រោគវិនិច្ឆ័យ​ឃើញ​ប្រហែលជា​អាយុ ៦២​ឆ្នាំ និង​អ្នក​ផឹកស្រា​ខ្លាំងក្លា​ត្រូវបាន​គេ​ធ្វើ​រោគវិនិច្ឆ័យ​ឃើញ​នៅ​អាយុ ៦១​ឆ្នាំ​។​

​អ្នក​ជក់បារី​ខ្លាំង​ត្រូវបាន​គេ​កំណត់​ចំពោះ​អ្នក​ដែល​ជក់បារី​លើសពី​១​កញ្ចប់​ក្នុង​មួយថ្ងៃ និង​អ្នក​ផឹកស្រា​ខ្លាំង​គឺ​ផឹក​ជា​មធ្យម​៣​កំប៉ុង​ក្នុង​មួយថ្ងៃ​។​

​ការស្រាវជ្រាវ​ក៏​បាន​រកឃើញថា អ្នក​ផឹក​ស្រា​បៀ​ត្រូវបាន​គេ​ធ្វើ​រោគវិនិច្ឆ័យ​ឃើញថា​មាន​ជំងឺមហារីក​លំពែង​ឆាប់​ជា​ង​អ្នក​ដែល​ផឹក​ប្រភេទ​ដទៃ​ទៀត​នៃ​ស្រា​ដូចជា ស្រាក្រហម​ជាដើម​។​

​ព័ត៌មាន​ថ្មី​គឺថា ឥទ្ធិពល​នៃ​ការប៉ះពាល់​នៃ​ការជក់បារី និង​ផឹកស្រា​ខ្លាំង​អាច​ត្រូវ​បាន​ត្រឡប់​ក្រោយ​។ ១០​ឆ្នាំ​បន្ទាប់ពី​ឈប់​ទម្លាប់​អាក្រក់​ទាំងនេះ​, អ្នក​ជក់បារី និង​ផឹកស្រា​មិន​មាន​ការកើនឡើង​ហានិភ័យ​ដែល​ត្រូវ​បាន​ធ្វើ​រោគវិនិច្ឆ័យ​ឃើញថា​មាន​ជំងឺមហារីក​លំពែង​ឆាប់រហ័ស​នោះ​ទេ​។​

​ការស្រាវជ្រាវ​ត្រូវ​បាន​ចេញផ្សាយ​នៅ​ក្នុង American Journal of Gastroenterology​។​

​ការស្រាវជ្រាវ​អាចជួយ​កំណត់​នូវ​ការតាមដាន​អាយុ​សម្រាប់​ជំងឺមហារីក​លំពែង នៅពេល​ដែល​ការតាមដាន​នៃ​ការ​រាលដាល​របស់​ជំងឺ​ក៏​អាច​ធ្វើ​បាន​ដែរ​។​

​វេជ្ជបណ្ឌិត ម៉ៃ​ឃើ​ល អាន់​ដឺរ​សាន់ (Michelle Anderson) ជា​សាស្ត្រាចារ្យ​ជំនួយ​នៃ​ផ្នែក​វេជ្ជសាស្ត្រ​នៅ​សាកលវិទ្យាល័យ Michigan បាន​និយាយថា នៅពេល​ដែល​កម្មវិធី​តា​ម​ដាន​ត្រូវបាន​រីកលូតលាស់​, ការ​យល់​ដឹង​ថា​តើ​សភាព​ផ្ទាល់​របស់​មនុស្ស​ជះ​ឥទ្ធិពល​ទៅ​អាយុ​នឹង​ជា​រឿង​សំខាន់​ដើម្បី​ធ្វើ​អោយបាន​ល្អ​បំផុត​នូវពេល​ដែល​ត្រូវ​តាមដាន​៕