ការស្រាវជ្រាវបានបង្ហាញថា ការជក់បារី, ជំងឺទឹកនោមផ្អែម, ជំងឺលើសឈាម និងកម្រិតខ្ពស់នៃកូឡេស្តេរ៉ុលអាចបង្កើនហានិភ័យដល់បុរសនៃជំងឺខ្សោយលំហូរឈាមនៅនឹងជើង ដែលពាក្យមួយផ្សេងទៀតត្រូវបានគេហៅថា ជំងឺសរសៃឈាមខាងៗ(peripheral artery disease)។
ដោយយោងតាមសមាគមបេះដូងអាមេរិក, ជំងឺសរសៃឈាមខាងៗទាក់ទងទៅនឹងការរួមតូចនៃសរសៃឈាមខាងៗ, ដែលភាគច្រើនបំផុតគេឃើញមានជាញឹកញាប់នៃសរសៃឈាមនៃឆ្អឹងអាងត្រគាក ឬជើង។ អ្នកដែលមានជំងឺសរសៃឈាមខាងៗគឺមានហានិភ័យខ្ពស់នៃការគាំងបេះដូង, នៃជំងឺដាច់សរសៃឈាមខួរក្បាល។ លក្ខខ័ណ្ឌនេះត្រូវបានគេគិតថាប៉ះពាល់លើមនុស្សពី៨លាននាក់ ទៅ១០លាននាក់នៅក្នុងសហរដ្ឋអាមេរិក។
ការស្រាវជ្រាវថ្មីបានរាប់បញ្ចូលបុរសជិត ៤៥.០០០នាក់ដែលត្រូវបានតាមដានអស់រយៈពេលជាង២ទសវត្ស។ អំឡុងពេលនោះ, ៥៣៧ករណីនៃជំងឺសរសៃឈាមខាងៗត្រូវបានគេរករោគវិនិច្ឆ័យឃើញ។ មួយនៃកត្តាហានិភ័យទាំង៤ដែលមានដូចជា ការជក់បារី, ជំងឺទឹកនោមផ្អែម, ជំងឺលើសឈាម និងកម្រិតកូឡេស្តេរ៉ុលខ្ពស់ គឺត្រូវបានគេបញ្ជាក់ឃើញ និងត្រូវបានផ្សារភ្ជាប់ជាមួយនឹងហានិភ័យខ្ពស់នៃជំងឺសរសៃឈាមខាងៗ។
ម៉ៃឃើល ជូស្តេន (Michel Joosten) បានសម្គាល់ឃើញថា ៩៦%នៃបុរសដែលវិវត្តទៅជាជំងឺសរសៃឈាមខាងៗ មានយ៉ាងហោចណាស់នូវកត្តាហានិភ័យមួយក្នុងចំនោមកត្តាហានិភ័យទាំង៤ នៅពេលដែលពួកគេត្រូវបានគេធ្វើរោគវិនិច្ឆ័យថាមានជំងឺសរសៃឈាមអារទែនោះ។
អ្នកស្រាវជ្រាវក៏បានរកឃើញថា បុរសដែលមិនមានកត្តាហានិភ័យទាំង៤នោះ គឺមាន៧៧%ដែលហាក់ដូចជាមិនសូវវិវត្តទៅជាជំងឺសរសៃឈាមខាងៗជាងបុរសដទៃទៀតនៅក្នុងការស្រាវជ្រាវ។
អ្នកស្រាវជ្រាវបានបន្ថែមថា ហានិភ័យនៃជំងឺសរសៃឈាមខាងៗទំនោរជាកើនឡើងយូរចំពោះបុរសដែលមានទាំងជំងឺទឹកនោមផ្អែមប្រភេទទី២ផង និងកម្រិតកូឡេស្តេរ៉ុលខ្ពស់ផង។
អ្នកឯកទេស២រូបបានគាំទ្រលើលទ្ធផលនៃការស្រាវជ្រាវ។
វេជ្ជបណ្ឌិត ខេនេត អុង (Kenneth Ong) ជាប្រធានផ្នែកវេជ្ជសាស្ត្រ និងខាងផ្នែកបេះដូងនៅមន្ទីរពេទ្យ Brooklyn បានសម្គាល់ឃើញថា ការស្រាវជ្រាវដ៏សំខាន់នេះគឺដូចនឹងការស្រាវជ្រាវពីមុន។ វាធ្វើបានល្អដោយសារតែមានការស្រាវជ្រាវទៅលើចំនួនប្រជាជនដ៏ធំ និងអំឡុងពេលនៃការតាមដានយូរ។
វេជ្ជបណ្ឌិត ម៉ាហ្សា ហ្សារីក (Maja Zaric) ជាគ្រូពេទ្យឯកទេសជំងឺបេះដូងនៅមន្ទីរពេទ្យ Lenox Hill ដែលបានព្យាបាលអ្នកជំងឺជាច្រើនដែលមានជំងឺសរសៃឈាមខាងៗនោះ, ក៏បានសម្គាល់ឃើញថា កត្តាហានិភ័យដែលត្រូវបានផ្សារភ្ជាប់ទៅនឹងជំងឺសរសៃឈាមអារទែក៏ត្រូវបានផ្សារភ្ជាប់ទៅនឹងជំងឺបេះដូងផងដែរ ប៉ុន្តែទំនាក់ទំនងទៅនឹងជំងឺសរសៃឈាមខាងៗហាក់ដូចជាខ្លាំងជាង។
ហ្សារីកបាននិយាយថា ជាពិសេស វាជារឿងពិតចំពោះអ្នកជក់បារី។ គាត់បានចង្អុលបង្ហាញថា ដូចទៅជាបញ្ហា, ការស្រាវជ្រាវមួយក្នុងចំនោមការស្រាវជ្រាវជាច្រើនបានធ្វើសេចក្តីរាយការណ៍ឥទ្ធិពលដ៏យូរលង់នៃការជក់បារីទៅលើការកើតមានជំងឺសរសៃឈាមខាងៗ ២០ឆ្នាំក្រោយឈប់ជក់បារី។ នេះគួរតែមិនជម្រុញដល់អ្នកជក់បារីពីការឈប់ចាប់តាំងពីហានិភ័យនៃជំងឺសរសៃឈាមខាងៗចំពោះអ្នកជក់បារីថ្មីៗលេចឡើងជាកើនឡើង៣ដងលើសអ្នកធ្លាប់ជក់បារីពីមុន។
ហ្សារីកបានបន្ថែមថា សព្វថ្ងៃនេះ កត្តាហានិភ័យចំបងចំពោះជំងឺសរសៃឈាមខាងៗចំពោះបុរសត្រូវបានសម្គាល់ឃើញ, ការស្រាវជ្រាវបន្ថែមជាមួយនឹងរោគសញ្ញាជាក់លាក់គួរតែត្រូវបានធ្វើដើម្បីពិនិត្យលើឥទ្ធិពលនៃកត្តាហានិភ័យ និងការប្រែប្រួលរបៀបរស់នៅ៕