តាមការស្រាវជ្រាវថ្មីបានបង្ហាញថា ការប្រើប្រាស់កញ្ឆាជាញឹកញាប់ ទោះជាកញ្ឆាធម្មជាតិ ឬកញ្ឆាដែលត្រូវបានគេសំយោគក៏ដោយ, អាចនាំអោយមានការចង្អោរ, ក្អួត និងឈឺពោះធ្ងន់ធ្ងរ។
អ្នកស្រាវជ្រាវបាននិយាយថា បញ្ហាមួយដែលត្រូវបានគេហៅថា cannabinoid hyperemesis, គឺជាបន្ទុកធ្ងន់ធ្ងរទៅលើប្រព័ន្ធថែរក្សាសុខភាពដោយសារតែគ្រូពេទ្យជារឿយៗប្រើប្រាស់តេស្តនៃការធ្វើរោគវិនិច្ឆ័យដែលមានតម្លៃថ្លៃ និងការព្យាបាលមិនមានប្រសិទ្ធភាពដើម្បីកំណត់ពីមូលហេតុនៃរោគសញ្ញានៃអ្នកជំងឺ និង ការព្យាបាលពួកគេ។
រោគសញ្ញាមួយដែលជួយចង្អុលបង្ហាញអ្នកជំងឺទាំងនោះ គឺការទម្លាប់ងូតទឹកក្តៅដដែលៗ។វេជ្ជបណ្ឌិត អាណា ម៉ារី គ្រីសៀន ម៉ាទីនេស (Ana Maria Crissien-Martinez) ដែលមកពីមន្ទីរពេទ្យ Scripps Green Hospital និង Clinic បាននិយាយថា គ្រូពេទ្យភាគច្រើនមិនប្រុងប្រយ័ត្នលើការផ្សារភ្ជាប់គ្នារវាងការប្រើប្រាស់កញ្ឆា និងរយៈពេលនៃការក្អួត និងចង្អោរនោះទេ ដូចនេះពួកគេមិនបានសួរអំពីការប្រើប្រាស់ cannabinoid ដោយធម្មជាតិ ឬសំយោគនៅពេលដែលអ្នកជំងឺចូលមកក្នុងបន្ទប់សង្គ្រោះបន្ទាន់។ដំបូង Cannabinoid hyperemesis ត្រូវបានពិពណ៌នានៅក្នុងឆ្នាំ២០០៤ ក្នុងករណីនៃអ្នកជំងឺ៩នាក់នៅក្នុងប្រទេសអូស្ត្រាលី។ ចាប់តាំងពីពេលនោះមក, ១៤ករណីបានធ្វើរបាយការណ៍ និង៤ករណីត្រូវបានធ្វើការចេញផ្សាយ។
ម៉ាទីនេសបាននិយាយថា អ្នកជំងឺដែលបានប្រើប្រាស់ថ្នាំជក់ cannabis ក៏មិនដឹងពីរយៈពេលនៃការចង្អោរ ឬក្អួតនោះ អាចជាលទ្ធផលនៃការប្រើប្រាស់វា, ជាមួយនឹងការកើនឡើងនៃការប្រើប្រាស់ថ្នាំជក់ cannabis ដោយសារតែពួកគេអាចគិតថា វានឹងជួយបន្ថយរោគសញ្ញាទៅវិញ។ ដំណោះស្រាយតែមួយគត់គឺបញ្ឈប់ការប្រើប្រាស់ថ្នាំជក់ cannabis។
មិត្តរួមការងាររបស់ម៉ាទីនេសបានពិពណ៌នាអំពីអ្នកជំងឺ៩នាក់ដែលបានត្រូវបានព្យាបាលលើអ្នកជំងឺ cannabinoid hyperemesis នៅមន្ទីរពេទ្យ Scripps Geen។ អាយុជាមធ្យមរបស់អ្នកជំងឺ គឺអាយុ៣០ឆ្នាំ និង៨៨%នៃពួកគេបានប្រើប្រាស់កញ្ឆាជារៀងរាល់ថ្ងៃ។ ៨០%នៃអ្នកជំងឺ, រោគសញ្ញារបស់ពួកគេបានបាត់ទៅវិញ នៅពេលដែលពួកគេបានឈប់ប្រើប្រាស់កញ្ឆា។
ការស្រាវជ្រាវដទៃទៀតអាចត្រូវបានធ្វើសេចក្តីរាយការណ៍នៃបញ្ហា cannabinoid hyperemesis ត្រូវបានបង្កឡើងដោយកញ្ឆាដែលបានពីការសំយោគ។ វាទាក់ទង ទៅនឹងបុរសអាយុ២២ឆ្នាំ ដែលមានរោគសញ្ញានោះអស់រយៈពេល១០ខែ។ គាត់ពុំមានស្តែងចេញនូវរោគសញ្ញាអ្វីទេ ចាប់តាំងពីគាត់បានឈប់ប្រើប្រាស់កញ្ឆាដោយការសំយោគនោះ៕