ការស្រាវជ្រាវថ្មីមួយបានបង្ហាញថា កុមារដែលម្តាយលើសទម្ងន់ និងជក់បារីអំឡុងពេលមានផ្ទៃពោះ គឺបង្កើនហានិភ័យនៃការលើសទម្ងន់។
អ្នកស្រាវជ្រាវបានរកឃើញថា ទម្ងន់ទារកខ្ពស់ និងការឡើងទម្ងន់លឿនអំឡុងពេលឆ្នាំដំបូងនៃជីវិតបង្កើនហានិភ័យនៃការលើសទម្ងន់ដល់កុមារ។
ការស្រាវជ្រាវត្រូវបានចេញផ្សាយនៅក្នុង Archives of Disease in Childhood។
អ្នកស្រាវជ្រាវបានមើលលើការស្រាវជ្រាវ៣០ដែលត្រូវបានចេញផ្សាយនៅចន្លោះឆ្នាំ១៩៩០ ដល់ឆ្នាំ២០១១។ ការស្រាវជ្រាវដែលត្រូវបានទាក់ទងទៅនឹងមនុស្សជាង២០០.០០០នាក់ បានពិនិត្យលើសុខភាពរបស់ទារកដែលទើបនឹងកើតរហូតដល់យ៉ាងហោចណាស់មានអាយុ២ឆ្នាំ។
ការវិភាគបានបង្ហាញពីភាពចាំបាច់ទូទៅ និងកត្តាហានិភ័យដែលបង្កើនហានិភ័យនៃការឡើងទម្ងន់ចំពោះកុមារ។ វេជ្ជបណ្ឌិត ស្តេហ្វេន វ៉េង (Stephen Weng) ដែលមកពីសាកលវិទ្យាល័យ Nottingham បាននិយាយថា ការជក់បារីអំឡុងពេលមានផ្ទៃពោះបានបង្កើនហានិភ័យជិត៤៨%។
អ្នកស្រាវជ្រាវក៏បានរកឃើញថា ការបំបៅកូនដោយទឹកដោះ និងការផ្តាច់ដោះយឺតពេក បានជួយបន្ថយឪកាសនៃការធាត់ដល់កុមារ។ អ្នកស្រាវជ្រាវបានសម្គាល់ឃើញថា ឧទាហរណ៍, ការបំបៅកូនដោយទឹកដោះកាត់បន្ថយហានិភ័យបាន១៥%។
វាមិនមានការផ្សារភ្ជាប់គ្នារវាងអាយុរបស់ម្តាយ, កម្រិតនៃការសិក្សា, ជាតិសាសន៍ ឬរោគសញ្ញានៃជំងឺធ្លាក់ទឹកចិត្ត ទៅនឹងហានិភ័យនៃការលើសទម្ងន់ចំពោះកុមារនោះទេ។
វ៉េងបានសរុបថា កត្តាហានិភ័យទូទៅចមពោះការលើសទម្ងន់ និងជំងឺធាត់ក្នុងវ័យកុមារភាពគឺបានសម្គាល់ឡើងក្នុងពេលជាទារក៕