ការស្រាវជ្រាវថ្មីមួយបានបង្ហាញថា ក្មេងប្រុសអាចងាយនឹងញៀនថ្នាំលក់តាមទីផ្សារជាងក្មេងស្រី។
អ្នកស្រាវជ្រាវដែលមកពីសាកលវិទ្យាល័យ Cincinnati បានមើលអ្នកញៀននឹងថ្នាំដែលលក់តាមទីផ្សារក្នុងចំនោមសិស្សនៅថ្នាក់ទី៧ រហូតដល់ថ្នាក់ទី១២។ការវិភាគដំបូងបានបង្ហាញថា ១០%នៃសិស្សបាននិយាយថា ពួកគេបានញៀននឹងថ្នាំលក់តាមទីផ្សារដូចជា ស៊ីរ៉ូមក្អក និងថ្នាំសម្រាប់បន្ថយការតឹងច្រមុះ។ អ្នកស្រាវជ្រាវបានចង្អុលបង្ហាញថា ប្រភេទនៃថ្នាំទាំងនេះអាចបណ្តាលអោយពុល, ប្រកាច់ និងមានបញ្ហាផ្លូវកាយ និងផ្លូវចិត្តដោយចៃដន្យ។
អត្រាខ្ពស់នៃការញៀនថ្នាំលក់តាមទីផ្សារត្រូវបានរកឃើញក្នុងចំនោមក្មេងប្រុស និងក្មេងស្រីនៃសិស្សវិទ្យាល័យ។ អ្នកស្រាវជ្រាវបានរកឃើញថា ទោះជាយ៉ាងណាក៏ដោយ, ក្មេងប្រុសមានអត្រាខ្ពស់នៃការប្រើប្រាស់ថ្នាំលក់តាមទីផ្សារយូរជាងបើធៀបជាមួយនឹងក្មេងស្រី។
អ្នកស្រាវជ្រាវបានសម្គាល់ឃើញថា ក្មេងវ័យជំទង់ដែលបានប្រាប់ពីការញៀនថ្នាំលក់តាមទីផ្សារហាក់ដូចបានធ្វើសេចក្តីរាយការណ៍ថា ពួកគេបានទៅពិធីជប់លៀងណាដែលថ្នាំនោះមាន ឬមានមិត្តភិក្តដែលញៀននឹងថ្នាំលក់តាមទីផ្សារនោះដែរ។
មនុស្សវ័យជំទង់ដែលបាននិយាយថា ពួកគេត្រូវបានទាក់ទងទៅនឹងសកម្មភាពវិជ្ជមានមួយចំនួនដូចជា ចូលក្លឹប, លេងកីឡាជាដើមនោះ ហាក់ដូចជាមិនសូវជាញៀននឹងថ្នាំលក់តាមទីផ្សារនោះទេ។
រ៉េប៊េកា វីដូរ៉េក (Rebecca Vidourek) បាននិយាយថា ការស្រាវជ្រាវពីការស្រាវជ្រាវនេះបានគូសចំណាំនូវចំនុចសំខាន់ៗ និងបញ្ជាក់ពីថ្នាំលក់តាមទីផ្សារនៅពេលដែលការកើនឡើង និងបញ្ហាសុខភាពប៉ះពាល់ទៅលើមនុស្សក្មេងៗ៕