ការស្រាវជ្រាវថ្មីមួយបានបង្ហាញថា កម្រិតវីតាមីន D ត្រូវបានស្គាល់ថាថយចុះអំឡុងពេលខែរងា ប៉ុន្តែចំពោះស្ត្រីដែលមានបញ្ហាសុខភាពមួយចំនួន, ការធ្លាក់ចុះនេះអាចក្លាយជាការកត់សម្គាល់មួយ។
ចំពោះស្ត្រីទាំងនោះ, ការពិនិត្យបន្ថែមត្រូវបានតម្រូវអោយរក្សាកម្រិតវីតាមីន Dដែលត្រូវបានផ្សារភ្ជាប់ទៅនឹងភាពខុសប្លែកគ្នានៃអត្ថប្រយោជន៍សុខភាពដែលរួមមាន ឆ្អឹងរឹងមាំ, រក្សាសម្ពាធឈាមបានល្អ និងរក្សាសុខភាពសរសៃឈាមបេះដូងបានល្អ។
ចំពោះការស្រាវជ្រាវ, អ្នកស្រាវជ្រាវដែលមកពីសាកលវិទ្យាល័យ Vanderbilt បានវាយតម្លៃកម្រិតវីតាមីន D ក្នុងរដូវរងា និងរដូវក្តៅលើស្ត្រីជិត២៥០នាក់ដែលមានបញ្ហាសុខភាពមួយចំនួនដូចជា ជំងឺពុកឆ្អឹង, ជំងឺលើសឈាម, ជំងឺរលាកសន្លាក់, ជំងឺមហារីក និងជំងឺថយចុះអរម៉ូនទីរ៉ូអ៊ីត។
កម្រិតវីតាមីន D ដែលទាបជាង ២០ណាណូក្រាមក្នុងមួយមីលីលីត្រត្រូវបានគេចាត់ទុកថាខ្សោយ និងកម្រិតពី ២០ ទៅ២៩ណាណូក្រាមក្នុងមួយមីលីលីត្រត្រូវបានគេចាត់ទុកថាមិនគ្រប់គ្រាន់។ ដោយពឹងផ្អែកទៅលើតម្លៃទាំងនោះ, ២៨%នៃស្ត្រីមានការចុះខ្សោយនៃកម្រិតវីតាមីន Dនៅក្នុងរដូវរងា និង៣៣%មានកម្រិតមិនគ្រប់គ្រាន់បើធៀប៥% និង៣៨%អំឡុងរដូវក្តៅនោះ។
សាមីរ អាលឺរីយ៉ានី (Samir Aleryani) ជាសាស្ត្រាចារ្យរងនៅមន្ទីរពេទ្យ Vanderbilt បាននិយាយថា យើងបានរកឃើញថា ស្ត្រីទាំងនោះមានការធ្លាក់ចុះធ្ងន់ធ្ងរនៃវីតាមីន D ក្នុងរដូវរងា ដែលជាការព្រួយបារម្ភមួយសម្រាប់ស្ត្រីដែលកំពុងដោះស្រាយជាមួយនឹងបញ្ហាសុខភាពនោះ។
អាលឺរីយ៉ានីបានផ្តល់ដំបូន្មានថា ស្ត្រីដែលមានបញ្ហាសុខភាពទាំងនោះត្រូវការភាពសកម្មបន្ថែមទៀត និងគួរតែនិយាយជាមួយនឹងគ្រូពេទ្យក្នុងការបន្ថែមថ្នាំគ្រាប់ល្អបំផុតដើម្បីធានាដល់កម្រិតវីតាមីន D អោយបានគ្រប់គ្រាន់។
ពន្លឺថ្ងៃបណ្តាលអោយផលិតវីតាមីន D និងវាជាធម្មតានោះទេចំពោះវីតាមីន D ដែលបានធ្លាក់ចុះអំឡុងពេលរដូវរងា ជាពិសេសក្នុងចំនោមអ្នកដែលរស់នៅតំបន់ភាពខាងជើង។ ប្រភពដទៃទៀតនៃវីតាមីន D រួមមានអាហារ និងថ្នាំគ្រាប់បន្ថែម។
វេជ្ជបណ្ឌិត ម៉ាស៊ូវ ក្រាសូវស្គី (Matthew Krasowski) ដែលមកពីសាកលវិទ្យាល័យ Iowa បាននិយាយថា ការស្រាវជ្រាវនេះបានបង្ហាញពីភាពចាំបាច់នៃការកើនឡើងការប្រុងប្រយ័ត្នអំពីការថយចុះកម្រិតវីតាមីន D ក្នុងក្រុមអ្នកជំងឺមួយចំនួន។
គាត់បាននិយាយថា គ្រូពេទ្យ និងអ្នកជំងឺចាំបាច់ប្រុងប្រយ័ត្នអំពីបញ្ហានោះ៕