តាមការស្រាវជ្រាវរបស់អ្នកវិទ្យាសាស្ត្របានឱ្យដឹងថា ឥទ្ធិពលរបស់កាហ្វេ អាចបន្ថយអត្រាកើតជំងឺក្រឹនថ្លើម និងមហារីកថ្លើម ។
ពួកអ្នកស្រាវជ្រាវនៅអាមេរិក បានរកឃើញថា ទទួលទានកាហ្វេ១កែវ ១ថ្ងៃ អាចបន្ថយ ២២% អាត្រាកើតជំងឺក្រឹនថ្លើម ទប់ស្កាត់ជំងឺថ្លើមកកើត និងរីកចម្រើន ។
អ្នកមានជំងឺថ្លើមរក្សាទម្លាប់ទទួលទានកាហ្វេ នឹងបន្ថយបានពាក់កណ្តាលរយៈពេលចូលពេទ្យ និងចំណាយការព្យាបាលប្រៀបនឹងមនុស្សធម្មតា ។
ការស្រាវជ្រាវមួយ នៅស៊ុយអែត ក៏បានបង្ហាញថា ទទួលទានកាហ្វេ២កែវ ក្នុង១ថ្ងៃ អាចបន្ថយ ៤៣% ហានិភ័យមហារីកថ្លើម ។
ប៉ុន្តែ ពួកអ្នកជំនាញការបានឲ្យដឹងថា ទោះបីកាហ្វេល្អសម្រាប់ថ្លើម តែក៏មិនគួរទទួលទានច្រើនពេកដែរ ព្រោះសារជាតិកាហ្វេអ៊ីនក្នុងកាហ្វេអាចជំរុញការបញ្ចេញកាល់ស្យូម, អាចងាយបង្កឲ្យពុកឆ្អឹង ពិសេសនៅស្ត្រីក្នុងដំណាក់កាលអស់រដូវ ។ ក្រៅពីនេះ កាហ្វេអ៊ីនជាសារធាតុមួយត្រូវបំប្លែងតាមរយៈមុខងារថ្លើម ហេតុនេះ ប្រសិនមនុស្សមានមុខងារថ្លើមខ្សោយ ហើយទទួលទានកាហ្វេច្រើន ក៏នឹងឥទ្ធិពលដល់មុខងារថ្លើម ធ្វើឲ្យវាធ្វើសកម្មភាពលើសចំណុះ។ ក្នុងករណីនេះ អាចនាំដល់ហានិភ័យបង្កជារោគសញ្ញាចង្វាក់បេះដូងលោតញាប់, សរសៃឈាមកន្ត្រាក់.
ទន្ទឹមនោះ ស្ត្រីមានគភ៌ ស្ត្រីអាយុច្រើន អ្នកមានបញ្ហាធ្ងន់ធ្ងរអំពីក្រពះ, លើសឈាម, ជំងឺសរសៃឈាមបេះដូង, ក្រឹនរឹងសរសៃឈាម, មហារីក និងខ្វះវីតាមីន B1 មិនត្រូវទទួលទានកាហ្វេ ៕