​របប​ទទួលទាន​សម្បូ​រ​ជាតិ​សរសៃ​ពាក់ព័ន្ធ​ដល់​ស​ន្ទ​ស្សន៍ BMI និង​បរិមាណ​អាំង​ស៊ុយ​លីន​ក្នុង​ឈាម ។ បន្លែ​ផ្លែឈើ​ជា​ប្រភព​ផ្គត់ផ្គង់​ជាតិ​សរសៃ​ដ៏​សំខាន់ ។ ក្រៅពីនេះ វា​ក៏​ជា​អាហារ​ជួរមុខ​ជួយ​បង្ការ​មហារីក ។ សឹងតែ​ទាំង​អស់នៃ​បន្លែ​បៃតង សុទ្ធតែ​ផ្ទុក​សារជាតិ​ប្រឆាំង​អុកស៊ីតកម្ម ជួយ​ការពារ​សរីរាង្គ​ចៀស​ផុតពី​ពពួក​រ៉ាឌីកាល់​សេរី ។​

​ប៉ុន្តែ ក្នុង​១​ថ្ងៃ អ្នក​គួរ​បរិភោគ​បន្លែ​ផ្លែឈើ​ប៉ុន្មាន តើ​បរិភោគ​កាន់តែច្រើន កាន់​តែមាន​ប្រយោជន៍​ដែរឬទេ ? ខាងក្រោម​នេះ ជាការ​យល់ច្រឡំ​មួយចំនួន ក្នុងការ​ទទួលទាន​ប​ន្លែ​ផ្លែឈើ​ដែល​មនុស្ស​ជាច្រើន​មិនបាន​ដឹង​តាម​អ្នកជំនាញការ​ជីវជាតិ ។​

. ទឹក​កិន​បន្លែ ផ្លែឈើ អាច​ជំនួស​បន្លែ​ផ្លែឈើ?
​ទទួលទាន​ទឹក​កិន​បន្លែ ផ្លែឈើ ងាយ​នាំ​ដល់​ការ​លើស​បរិមាណ​កាឡូរី ។ ឧទាហរណ៍​ក្នុង​១​ថ្ងៃ អ្នកត្រូវការ​បរិភោគ​តែ​ផ្លែក្រូច​១​ផ្លែ តែ​ប្រសិន​ទទួលទាន​ទឹកក្រូច នោះ​អ្នកត្រូវការ​តិច​បំផុត ៥ ផ្លែ ដើម្បី​បាន​ទឹក​១​កែវ ។ ដោយហេតុនេះ អ្នកនឹង​បញ្ចូល​កាឡូរី​ច្រើនជាង ។​

​ក្រៅពីនេះ ក្នុងពេល​កិន​, ស្ករ​ក្នុង​ផ្លែឈើ​ក៏ត្រូវ​បាន​កៀប​ទៅជា​ម៉ូលេគុល​តូចៗ​ជាង​, ជួយ​ឲ្យ​ស្រូបយក​លឿន និង​កើន​លទ្ធ​ភាពធាត់ ។​

. អ្នកជំងឺ​ទឹកនោមផ្អែម​មិនត្រូវ​បរិភោគ​ផ្លែឈើ​ផ្អែម​?
​អ្នកជំងឺ​ទឹកនោមផ្អែម​ជាច្រើន មិន​ហ៊ាន​បរិភោគ​ផ្លែឈើ​ផ្អែម ជាក់ស្តែង ផ្លែឈើ​មាន​ផ្ទុក​ស្រា​ស្ករ -​សមាសធាតុ​មិន​ងាយ​ធ្វើ​ឲ្យ​សម្ពាធ​ឈាម​កើន​ខ្ពស់ ។ អាស្រ័យហេតុនេះ អ្នកជំងឺ​ទឹកនោមផ្អែម​អាច​បរិភោគ​ពី 200g-350g ផ្លែឈើ​ក្នុង​១​ថ្ងៃ ។

​ចំពោះ​ផ្លែឈើ​មួយចំនួន​មាន​បរិមាណ​ស្ករ​ខ្ពស់ជាង ១០% ដូចជា​ស្វាយ​, គូលែន​, ទុរេន​… អ្នកជំងឺ​គួរ​បរិភោគ​តែ 200g ក្នុង​១​ថ្ងៃ ។​

​ចំពោះ​ផ្លែឈើ​មាន​ស្ករ​តិចជាង ១០% អាច​បរិភោគ 300g-350g ។​

. បរិភោគ​បន្លែ​កាន់តែច្រើន​នោះ កាន់​តែមាន​ប្រយោជន៍?
​មនុស្ស​ជាច្រើន​គិតថា រឿងនេះ​ល្អ​សម្រាប់​សុខភាព​, តែ​បរិមាណ​ជាតិ​សរសៃ​បន្លែ​ខ្ពស់ ងាយ​នាំ​ដល់​ការ​ទល់ខ្យល់​, រាករូស​។ ក្រៅពីនេះ វា​នៅ​ជះឥទ្ធិពល​ដល់​ការ​ស្រូបយក​កាល់ស្យូម និង​ប្រូតេអ៊ីន ។ ដូច្នេះ មនុស្ស​ម្នាក់ៗ​គួរ​បរិភោគ​ពី 350g-500g បន្លែ ក្នុង​១​ថ្ងៃ ៕​