ភាគច្រើននៃពួកយើងសុទ្ធតែស្គាល់ និងធ្លាប់បានទទួលទានផ្លែល្មើទុំ ឬដំណាំល្មើហើយ ប៉ុន្តែប្រហែលជាមិនបានចាប់អារម្មណ៍ដឹងអំពីអត្ថប្រយោជន៍ល្អៗមិនគួរឲ្យជឿរបស់វាចំពោះសុខភាពរាងកាយឡើយ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)តាមពិតទៅ ល្មើ មិនត្រឹមតែមានរសជាតិឆ្ញាញ់ប៉ុណ្ណោះទេ ប៉ុន្តែក៏ជាប្រភេទនៃផ្លែឈើមានផ្ទុកសម្បូរទៅដោយសារធាតុចិញ្ចឹមចាំបាច់, វីតាមីន, ជាតិសសៃ និងសារធាតុប្រឆាំងអុកស៊ីតកម្មដែលអាចជួយព្យាបាលប្រយុទ្ធប្រឆាំងទប់ស្កាត់បញ្ហាសុខភាពផ្សេងៗបានផងដែរ។ ខាងក្រោមវេបសាយសុខភាព
Health.com.kh នឹងធ្វើការបង្ហាញឲ្យដឹងពីអត្ថប្រយោជន៍គួរឲ្យភ្ញាក់ផ្អើលនៃការទទួលទានផ្លែល្មើចំពោះសុខភាពរាងកាយ ៖

១. បំបាត់ និងទប់ស្កាត់បញ្ហាទល់លាមក

ដឹងទេថា គ្រាន់តែទទួលទានល្មើចំនួនតែ ៣ ផ្លែក្នុងមួយថ្ងៃជាប្រចាំ នោះបញ្ហានៃការទល់លាមកគ្រប់ប្រភេទ និងសូម្បីតែទល់លាមករ៉ាំរ៉ៃ ក៏នឹងត្រូវបានកាត់ប​ន្ថយផងដែរ។ នេះក៏ព្រោះតែផ្លែល្មើមានផ្ទុកសម្បូរទៅដោយជាតិសសៃដែលជួយធ្វើឲ្យពោះវៀនដំណើរការបានស្រួល ហើយសកម្មជាងមុនប្រយុទ្ធប្រឆាំងបញ្ហាទល់លាមក ​និងថែមទាំងអាចកម្ចាត់ជាតិពុលផ្សេងៗចេញពីរាងកាយ ក៏ដូចជាធ្វើឲ្យក្រពះមានសុខភាពល្អប្រសើរទៀតផង។

២. ល្អសម្រាប់សុខភាពបេះដូង

ល្មើ គឺជាប្រភពដ៏ល្អនៃសារធាតុប្រឆាំងអុកស៊ីតកម្ម និងជាតិសសៃដែលចាំបាច់សម្រាប់សុខភាពបេះដូង រួមទាំងសសៃឈាមបេះដូង ដោយវាជួយសម្អាត និងបើកសសៃឈាមដែលកកស្ទះ។ ល្មើថែមទាំងមានផ្ទុកសមាសធាតុ isoflavones ដែលមានប្រយោជន៍បំផុតជួយក្នុងការព្យាបាលទប់ស្កាត់បញ្ហានៃជំងឺបេះដូង និងរក្សាសុខភាពល្អប្រសើរនៃបេះដូង។

៣. ជួយគ្រប់គ្រងកម្រិតកូឡេស្តេរ៉ូល

ល្មើ គឺមានផ្ទុកបរិមាណខ្ពស់នៃវីតាមីន B និងវីតាមីន K ក៏ដូចជាជាតិដែក និងប៉ូតាស្យូម។ ដូច្នេះប្រសិនបើអ្នកទទួលទានល្មើចំនួនត្រឹមតែ ៣ ផ្លែ ឬ ៣ គ្រាប់ក្នុងមួយថ្ងៃជាប្រចាំនោះ អ្នកនឹងគ្មានថ្ងៃជួបប្រទះបញ្ហានៃការកើនឡើងនៃកម្រិតកូឡេស្តេរ៉ូលមិនល្អឡើយ។ ឬប្រសិនបើអ្នកកំពុងជួបប្រទះបញ្ហានៃកូឡេស្តេរ៉ូលនោះ ក៏ផ្លែល្មើអាចជួយគ្រប់គ្របកម្រិតត្រឹមត្រូវរបស់វាមិនឲ្យបង្កផលប៉ះពាល់ណាមួយដល់សុខភាព។

៤. ពង្រឹងសុខភាពឆ្អឹង

ល្មើ គឺជាប្រភពនៃជាតិសេលេញ៉ូម, ទង់ដែង, ម៉ាញ៉េស្យូម និងវីតាមីន K ព្រមទាំងសារធាតុផ្សេងៗជាច្រើនទៀតដែលល្អសម្រាប់សុខភាពឆ្អឹងរឹងមាំ។

៥. ជួយគ្រប់គ្រងកម្រិតសម្ពាធឈាម

ល្មើ ក៏មានផ្ទុកនូវជាតិរ៉ែ និងសារធាតុអុកស៊ីតកម្មប៉ុន្មានប្រភេទដូចជា ប៉ូតាស្យូម ជាដើម ដែលល្អសម្រាប់សម្ពាធឈាម។ ប្រសិនបើអ្នកទទួលទានល្មើចំនួន ៣ គ្រាប់ ក្នុងមួយថ្ងៃជាប្រចាំ នោះបញ្ហាផ្សេងៗដែលពាក់ព័ន្ធជាមួយសម្ពាធឈាមនឹងគ្មានថ្ងៃកើតឡើងចំពោះអ្នកឡើយ។ ជាតិម៉ាញ៉េស្យូម និងប៉ូតាស្យូម ជួយគ្រប់គ្រងជាតិសូដ្យូម និងសម្រួលសសៃឈាម ហើយថែមទាំងធ្វើឲ្យកម្រិតនៃសម្ពាធឈាមមានលក្ខណៈប្រសើរឡើងផងដែរ៕